九龍南線通車後紅磡站東鐵與西鐵轉乘一問

九龍南線通車後, 紅磡站東鐵與西鐵轉乘
在非繁時 及 繁時, 兩線...時間上如何配合??
東鐵最密1-2 mins/班, 而西鐵最密都做唔到2 mins/班
如果東鐵分別到左1號 & 4號月台, 但只有1班西鐵到3號月台
咁東鐵1號月台乘客咪要再上落去3號月台???

原帖由 mmlcs36 於 2009-3-8 13:28 發表

現時MTR計劃非繁時西鐵線列車只進入一個月台
減少轉車不便 ...

如果東鐵線列車依然用兩個月台，
就算西鐵線列車只進入一個月台，
情況都唔會有乜分別

原帖由 mmlcs36 於 2009-3-8 14:57 發表


有的

就是乘客唔需要轉車時先留意列車於哪月台較先開出

即係50%機會要又上又落，
其實東鐵非繁時又可唔可以只用一個月台?

另外應該好多用開尖東站嘅東鐵乘客會改用九龍塘轉車，
而西鐵又未必吸引到太多西北人用尖東站，
所以尖東站使用量應該會大幅下跌

原帖由 Kaix 於 2009-3-8 03:20 PM 發表



即係50%機會要又上又落，
其實東鐵非繁時又可唔可以只用一個月台?

另外應該好多用開尖東站嘅東鐵乘客會改用九龍塘轉車，
而西鐵又未必吸引到太多西北人用尖東站，
所以尖東站使用量應該會大幅下跌 ...

1個月台實在是不足的
正常非繁班次大約是4分一班,計算一架車由入站到出站(全車通過)的時間應該是多過3分鐘,如只用一個月台實在不足

紅磡站設計未能配合東/西鐵轉乘，首先只有頭尾才可以到比較方便既中層轉乘列車(第1卡/第12卡)，
其他位置車卡必需先上大堂，要花上一段時間才能往對面月台。
而且因為西鐵線只有7卡，所以就算企o係西鐵線列車頭尾卡，實際上唔係一步出車門就係對住往中層之電梯，
反之亦然，想轉乘西鐵線乘客，由中層搭扶手電梯落到月台仍需走數卡才可以上登西鐵線列車。

有可能出現一個情況就轉乘乘客係想到對面月台轉車，但落到月台卻送車尾既情況，o甘應該過返原本月台定繼續等，
東鐵轉乘西鐵或者可以避免上述情況因為非繁時只用一個月台，而且只有往屯門一個方向，
但西鐵線轉乘東鐵線除了要考慮路程能否趕上對面月台列車，還要考慮開出列車是到羅湖還是落馬洲(過境的話)，
最惡劣會發生情況就係大部份乘客停留在3/4號那邊月台，就算1號月台北行列車較先開出也寧願等多一班，
但同時間亦會有一批東鐵線乘客到3/4號月台轉乘往西鐵線南行，便會做成3/4號月台人流不暢通，
或者4號月台開出列車比較人多，而1號月台開出列車比較人少等等，乘載率不平均。

原帖由 on11358 於 2009-3-8 17:55 發表
紅磡站設計未能配合東/西鐵轉乘，首先只有頭尾才可以到比較方便既中層轉乘列車(第1卡/第12卡)，
其他位置車卡必需先上大堂，要花上一段時間才能往對面月台。
而且因為西鐵線只有7卡，所以就算企o係西鐵線列車頭尾卡，實際上唔 ...

尖東站自啓用以黎使用量不斷上升，
兩鐵合併後更加去到塞人嘅地步，
放工時間第10卡可以爆滿

假設依然咁多東鐵乘客用尖東站，
紅磡站月台咁窄根本負荷唔到

就算部分改用九龍塘站，
又到九龍塘站負荷唔到，
分分鐘牽連埋旺角站

原本尖東站個logic好好，
過海東鐵乘客bypass左荃灣線彌敦道段，
騰空左多d荃灣線空間比觀塘線乘客可以快d轉到荃灣線，
然後尖沙咀站落減d人又比過海東鐵乘客塞番滿，
觀塘線乘客、過海東鐵乘客都易左上車，過海段又可以塞番滿，三贏；
唔似以前觀塘線乘客同過海東鐵乘客都一齊鬥塞入旺角大瓶頸，
去到尖沙咀站落減d人但又冇乜人塞番滿就過海，浪費左載客量

可惜一條西鐵線就破壞左成個運作

原帖由 Kaix 於 2009-3-8 19:35 發表



尖東站自啓用以黎使用量不斷上升，
兩鐵合併後更加去到塞人嘅地步，
放工時間第10卡可以爆滿

假設依然咁多東鐵乘客用尖東站，
紅磡站月台咁窄根本負荷唔到

就算部分改用九龍塘站，
又到九龍塘站負荷唔到，
分分鐘牽連埋旺 ...

所以我一向覺得當年尖沙咀站應該佈局成大致「H」型或「凹」型....

兩個南北向分別係西鐵線同荃灣線
東面向果個係東鐵線

西鐵線總站設於廣東道
東鐵線總站設於中間道（如果真係太窄唔得就梳士巴利道，最好位置約為現時尖東站向西移100-200米），可以相對現時造深一層，避荃灣線

紅磡過海留番俾沙中線

大家都有得直去尖沙咀

觀塘線可以揀沙中線/荃灣線過海
東鐵線可以揀沙中線/荃灣線過海
西鐵線可以揀東涌線/荃灣線過海

咁就乘客睇需要轉車，真係各有各分流，同你講一樣，真係多贏局面....

不過依家都係大家吹水，改變唔到現有設計既事實...