強烈要求港鐵接巴加裝報站器及roadshow電視

原帖由 lsc04d11 於 2009-3-9 21:16 發表

但我相信港鐵巴士既司機都唔會好有心去操作部報站機...
(九巴成日有司機過左公路/隧道先肯報站，或者有D得閒先咁一下報站)
(相信港鐵的司機會更差..因為服務態度..衝紅燈)

港鐵司機普遍態度唔見得有問題, 唔少司機見到個客追車都會好有心機去等,
即使班車已經遲左都會照等, 屯門站果度成個版可以睇, K52 開車去到 506
個位仲可以上, 有時因為咁而 miss o左出面果組長命燈。至於衝燈呢樣野
就應該係個別事件, 好似置樂屯官組果組燈朝早七點幾之前放得極短, 大約
放兩三部車就轉紅, 但有時慢線多車而中線冇車可以過到 d 司機都寧願行死慢線。

加報站都唔一定淨係報站, 好似每朝見到置樂搭 K51 果 D 人好多都唔願行入車廂
較入位置 (大部分人都係搭兩個站都唔適得將就下), 司機叫都未必郁, 加個報站
都可以令個司機慳番口氣按多幾次個報站好過。

原帖由 cktse 於 10-3-2009 05:06 AM 發表
K12/K14/K17/K18呢d短線都裝報站就真係得啖笑

我知，呢d線根本一個站就落得車..大圍落你都落啦...(「大圍」是指大多數的人)

所以港鐵接駁巴士得K16合資格...但又可能取消了，所以...唔裝為妙...


回#31...港鐵夠成日報唔好食野啦..唔偽專登報，食緊野o個d人咪又係繼續食...你估佢地會聽到報站後就行入d咩？？
另外，過左咁遠都俾乘客上車會縱壞佢地..同埋佢地都犯左自己既條例，在非巴士站範圍上落客，應該係犯法添呀...
不應讚揚...整到d班次亂哂，又成日兩架一齊黎，一係就好耐都唔黎...

[ 本帖最後由 lsc04d11 於 2009-3-10 13:43 編輯 ]

d 客當然未必肯聽, 但起碼唔駛用口講, 播多幾次等佢地留意下自己都好。

等客方面, 鐵巴司機咁多年都係咁, 屯門站果度仲係總站範圍都算啦,
而且好多客上車都會講番句「唔該司機」, 如果咁都攞法例出黎講
大家都冇癮。至於等埋追車既乘客對班次影響都唔大, 至少唔會
誇到由兩班車相隔一段時間變成拖卡, 呢方面要怪就好多野可以怪,
其他巴士公司唔少相似既區內線一樣有呢個問題,  我個人覺得要搵人
落場去睇番一段時間先知原因係乜, 不過肯唔肯放人力物力落去就
係問題。

原帖由 Anpretext 於 2009-3-9 19:16 發表
我覺得龍鼓灘/流浮山果條可以加既,
話哂唔少遊客, 可以方便D

K65未必係必須既...
通常遊客都會喺總站落
中途上落就通常係熟客...

原帖由 fw1321 於 2009-3-10 09:43 發表


港鐵司機普遍態度唔見得有問題, 唔少司機見到個客追車都會好有心機去等,
即使班車已經遲左都會照等, 屯門站果度成個版可以睇, K52 開車去到 506
個位仲可以上, 有時因為咁而 miss o左出面果組長命燈。至於衝燈呢 ...

所以有點都好過冇既...
RS就唔駛啦

等客追車咩野影響唔大？？

1. 等你，o徒左十幾秒..
2. 等你既同時，後面又多一個乘客見到，又追，又等到數十秒，不能估計的幾十秒至三分鐘
3. miss左一盞超近既燈，又兩分鐘
4. 有d客見個司機肯停俾你，就唔再追，hea行過去...

你o係元朗睇睇K73就知幾多拖卡拖卡....
你o係置樂睇K51就知追車情況幾嚴重。

試過K73可以未入天秀路就拖住左(唔係繁忙時間WO)
K51富泰開未到青山公路就兩架一齊。(並非有其中一架為兆康特別車BO)

原帖由 AD18 於 2009-3-10 01:51 發表
根本而家 d 人已經係過份倚賴報站機
無報站機唔代表係唔知 / 唔記得係邊個站落車囉

以前 d 人坐巴士 , 果陣完全無報站機呢樣野 , 又唔見 d 人唔唔知 / 唔記得係邊個站落車   ...

社會不斷進步, 以前冇唔代表而家都應該冇

今天看到新巴#5078換左新電視之後，好似預留左裝報站既空間，會否代表新巴會像城巴一樣裝報站

原帖由 lsc04d11 於 2009-3-11 15:32 發表
等客追車咩野影響唔大？？

1. 等你，o徒左十幾秒..
2. 等你既同時，後面又多一個乘客見到，又追，又等到數十秒，不能估計的幾十秒至三分鐘
3. miss左一盞超近既燈，又兩分鐘
4. 有d客見個司機肯停俾你，就唔再追，hea行過去...

你o係元 ...

你無非都係話等客更加代表鐵巴司機服務態度係唔得,
但我想講既係司機出於一片好心, 要再嘈落去好無謂。
你真係咁覺得有問題, 你可以開篇新文再討論, 呢篇文
始終已經離晒題。

根本鐵巴好多條線本身時間係計到好盡, 多燈已經隨時
足以令到超時, 再加上多客就唔駛講, 所以有時點解 D
司機見到黃燈仲踩盡油去衝 (我唔係話可以衝紅燈),
點解 K73 總站開出會拖卡, 點解 K51 朝早八點過去有
拖三卡, 點解 506 間中脫班 20 分鐘, 點解 A73 有時
都會超時... 根本佢地本身好多時根本就冇乜多餘時間
去等客, 但佢地見到客追車都唔會趕住走, 而係會等埋
佢地。

原帖由 fw1321 於 2009-3-11 20:55 發表



點解 506 間中脫班 20 分鐘,

鐵巴506間中脫班的原因只好怪中途站太多客
上落,同埋經過好多麻煩燈位,鐵巴506淨係等燈,
埋站上落客都好容易攪到過鐘返總站.