[今日食評] 時新漢堡包

我趁今日下晝得閒, 見口痕, 就去時新朝聖.
呢次係我第三次啦. 我去到果陣, 嘩... 好多
人呀! 入面都幾乎坐滿咁滯, 佢地食o既幾乎
係佢o既主打 -- 漢堡包系列!

如果大家仲記得有位板友o係呢度開過文
寫食評, 都知道咩事, 因為有人彈唔夠飽.
不過我覺得最緊要好食! 難怪時新o既漢堡
包, 全世界都知咁受歡迎啦!



雖然好多人排隊, 不過我照買, 仲要打孖上,
連埋一罐可樂就卅蚊啦.


(左) 漢堡包(沙律汁)
(右) 雙層漢堡蛋包 (沙律汁)

一咬個漢堡包, 好有口感, 漢堡裡面有好多
粒粒洋蔥, 一o的都唔乾, 雖然個包比較細,
不過就絕對唔比某大美國連鎖快餐店o既
差. 之後食埋個雙層漢堡蛋包, 都好有口感.


呢幅相超劣, 唔好意思.

食完之後, 仲有人入o黎買個包行街, 佢出
o既漢堡包絕對唔係浪得虛名!

有機會再去時新朝聖啦!

呢間野d野食的確幾好味.

借問聲呢間野係邊？
謝謝

原帖由 ferrypier 於 2009-3-22 01:52 發表
借問聲呢間野係邊？
謝謝

紅磡黃埔街1A地下

個次朝早六點幾去食，可能因為人少，所以師傅較有心機去整，麵包邊位香脆，牛肉質感也足，但當然未去到天上有地下冇的景地

如果要食, 小心o的汁滴落o黎.
當然, 我覺得最正係沙律汁.

另外, 佢整o既魚扒包(其實係魚柳包)
唔同大型美式快餐整o既魚柳包, 佢
o既魚柳包唔係炸, 係煎o既, 而且唔
係四四方方o既, 反而其他o既就預先
炸一炸, 雪完再整.

原帖由 a396 於 2009-3-12 19:28 發表
我趁今日下晝得閒, 見口痕, 就去時新朝聖.
呢次係我第三次啦. 我去到果陣, 嘩... 好多
人呀! 入面都幾乎坐滿咁滯, 佢地食o既幾乎
係佢o既主打 -- 漢堡包系列!

如果大家仲記得有位板友o係呢度開過文
寫食評, 都知道咩事, 因為有人彈唔夠飽.
不過我覺得最緊要好食! 難怪時新o既漢堡
包, 全世界都知咁受歡迎啦!

閣下未免用詞太誇張。

夠飽緊要ｄ定好食緊要ｄ就見仁見智。不過要好似你咁
食法先會飽，但要成３０蚊，我就覺麻麻地抵喇。

至於「全世界都知」．．．送你一個符號：