新巴顧客服務中心問題

我想問金鐘新巴顧客服務中心係唔係由投入服務開始
就係而家呢個位置? 期間有無搬過? 係唔係臨時的?
我前幾日第一次去, 發覺門口又細小又唔起眼,
入到去仲嚇一跳, 陰陰沉沉咁, 得好少燈開住,
又好似好空洞, 無咩野睇咁, 同埋個女職員(唯一一個?)
唔係著制服, 態度又有點硬繃繃咁,
點解呢間顧客服務中心會搞成咁?

新巴客中一開就係開係金鐘東呢個位...

無野睇只因新巴發行既精品(模型,繽紛樂外)唔為街外人熟悉姐

p.s我都好耐冇入過去,對上一次係排DM28熱狗盒

入面似足國內D渣舖頭，又暗又亂，好似無錢交電費咁

最緊要唯一女Sale服務顧客(太)度都冇只係好似實Q咁金睛火眼昅實個顧客驚偷嘢

[ 本帖最後由 15279 於 2009-3-15 01:28 編輯 ]

我都遇過樓主的情況,
除左燈光昏暗之外,
我當時入去問路, 但竟然遇到一個無著制服既阿嬸,
佢一路渣住個電話, 一路同對方傾閒計, 我問佢野, 佢對住我, 但仲講緊,
之後佢比左一個簡短既ans我, 話唔知,
跟住我再追問, 佢就同電話入面個人講:"你等陣~"
然後禁一大輪電腦, 之後仲要老點我打發我走。

p.s. 其實如果我走去投訴, 唔知新巴會唔會正視一下呢個問題呢?
老實講, 一間公司既顧客服務中心點可能咁鬼樣架, 嚴重影響個image, 不如唔好開好過啦~

你地又知唔知佢地個客務中心服務時間仲好正呀!
星期一至五:10am-7pm,2-3pm休息午膳
星期六日同紅日都休息.......
0的0甘0既服務時間真係執左佢算啦!
有時我真係懷疑新巴係咪係顧客服務部是但派個職員落去睇個場就算啦?!

原帖由 ctb8107 於 2009-3-15 01:51 發表
我都遇過樓主的情況,
除左燈光昏暗之外,
我當時入去問路, 但竟然遇到一個無著制服既阿嬸,
佢一路渣住個電話, 一路同對方傾閒計, 我問佢野, 佢對住我, 但仲講緊,
之後佢比左一個簡短既ans我, 話唔知,
跟住我再追問,  ...

不過咁...日日返工成個看更咁對住間吉舖on居居咁坐足成日
又難怪有d土皇帝既存在既....

奉勸新巴,一係摺左佢,一係搬去旺少少既地方.
以前城巴擺交廣都唔差丫...而家就算擺係天星碼頭都唔失禮架

原帖由 tommysiu1 於 2009-3-15 22:56 發表
你地又知唔知佢地個客務中心服務時間仲好正呀!
星期一至五:10am-7pm,2-3pm休息午膳
星期六日同紅日都休息.......
0的0甘0既服務時間真係執左佢算啦!
有時我真係懷疑新巴係咪係顧客服務部是但派個職員落去睇個場就算 ...

平日話就話開十點，
但係好多時頭半粒鐘，
個CS都去左銀行入數...

咁寒酸，真係摺左佢好過啦

嘩！聽各位咁講佢個客務中心真係大倒退喎，仲記得佢啱啱開嗰陣係有兩個好年輕一男一女的staff穿整齊制服和好熱情咁招待的，而且間舖係著晒射燈好光猛給人一種好鮮明的感覺，但相隔 9 年後間服務中心竟然變成咁，可惜，相反對岸的公司就真係好很多了

政府同巴士公司續專營權果陣有冇規定要設顧客服務中心?
如果有的話, 巴士公司點都要求其整一個應酬政府,
烏燈黑火純粹都係想慳電費, 提供最基本服務就算.
但講真, 有咩野服務係只有客務中心先做到呢?
買模型, 去"果間"連鎖店仲就腳.
增值八達通, 便利店/港鐵站都攪得掂.