繁忙時間處理壞八達通機的手法（城巴篇）

引用返「繁忙時間九巴司機處理壞八達通機的手法」呢篇鎖了的文第21及第22篇文，
再睇返今次在城巴壞八達通機的經歷。

前天如常乘搭962P上班，剛剛坐07:30龍門居開的那班車，
我在富健花園屋村通道離遠見到該班車駛入迴旋處，便趕去富健花園巴士站上車，
點知過了兩轉燈口，部車才轉入龍門路，
上車時車長剛Reboot好部八達通機，開門上車。
後來離開新屯門中心巴士站，部機嗶嗶兩聲又壞，車長大力拍打部機，都無用。
後來到湖山路口停燈，無理部機。
到兆山苑巴士站，有部K52上緊客，部車排隊等埋站，繼續唔理部機。
排到站頭，司機唔開門，然後就打手機俾站長，話部車八達通機壞左，
繼續載客定打死火燈走人，巴士站成堆乘客擁出黎睇住車長講電話......
之後約分半鐘，車長開門放人上車，班乘客見部八達通機唔著狼狽入現金，
無散紙的又落返車。之後有三個乘客從巴士站衝出來上車，車長無睇到就閂門走人，
離開巴士站後再著返部機，之後就無事。

如果大家知道呢個時間兆山苑巴士站係幾多人等車同幾多巴士等緊上客，就知道情況係幾混亂下。

最大問題係，八達通行左咁耐，原來城巴係無指引教導員工當八達通有事故係點樣處理。
仲諗住將我地一班有俾錢的乘客同部好好地開緊行得的車，安排我地過車。
咁樣的車隊管理，城巴真係相當有問題。

城巴教導員工當八達通有事故>>
& 打手機俾站長，話部車八達通機壞左

我好似唔知o係邊度睇到九巴就免費乘車..(好似係ibusnet)

我試過九鐵搭K2P，八達通壞左，當年由天瑞開往屯門市中心。
我個Friend住麗湖居，所以搭輕鐵由天榮(天水圍總站)往天瑞，然後轉乘K2P線。所以使用了八達通。

九鐵有職員於總站頭提示乘客要用現金付款，但我說了一句「我們O係輕鐵轉過黎ga wo..」咁就唔使拍卡lu....

亦有可能城巴太多轉乘計劃，尤其是962P(即962系)，所以司機都唔知點算好...
其實咁樣停一陣打電話法，下一班962P好快都到啦...

以前九巴車前有個牌寫住「不能使用八達通」..宜家...冇哂既？？都係淨番「滿座」...其實呢個都好ga...因為始終都有壞機...

同報紙講既指引就係有銀仔俾銀仔
無現金就酌情免費搭車

但事實就係19蚊位，司機都唔敢做到咁慷慨

乜唔係話八仔機壞就果程車免費咩？
好幾多年前我搭118，
又係壞機，
持卡上車都免費，
入碎銀既就照入！

其實司機做到咁慷慨的話，應該都唔會知比人（上頭）知掛？
我的意思係話果班車唔會日日都係收同一個數掛？
咁呢次８仔壞左唔收果ｄ乘客錢，可以當呢ｄ乘客〔無上過車〕．．．
個個都趕住返工，一陣搞到場面又混亂又話過車分分鐘仲比人投訴．．．

搭單問：假如司機做到咁慷慨的話又比人發現左又會點樣處分？

我以前見過指引，依稀記得就係：

如果壞八達通，即時上報控制室，巴士繼續如常往總站，持八達通乘客可免費上車，到總站後由巡邏車人員換後備機。

如果壞錢箱，即時上報控制室，巴士改攪私牌，不得上客，然後繼續行駛往總站讓乘客落車，到總站後由工程部處理。

原帖由 wrightap 於 2009-3-18 11:13 發表
其實司機做到咁慷慨的話，應該都唔會知比人（上頭）知掛？
我的意思係話果班車唔會日日都係收同一個數掛？
咁呢次８仔壞左唔收果ｄ乘客錢，可以當呢ｄ乘客〔無上過車〕．．．
個個都趕住返工，一陣搞到場面又混亂又話過車分分鐘仲比人投訴 ...

我諗唔係知唔知既問題

只係我諗司機 / 控制室可能都覺得
唔駛錢過海好似太著數

但唔駛錢過海好似太著數都無計架，
鬼叫架８仔唔聽話．．．況且８仔的壞機率我諗應該好低．．．
唔駛錢過海都係一次半次姐．．．

不過可能前幾個站上車拍左８仔的客可能會眼紅．．．

1) 據知車長當時應該係直接致電到電台而唔係致電站長(因為架車壞o左機站長都幫唔到車長，
而只可以直接向電台請示及作出安排)。
據了解，車長亦有向登車之乘客說因八達通壞o左而不用投幣(即免費登車)，由於亦有乘客準備
了輔幣而有乘客入錢的情況出現，當然亦有乘客免費登車，車長亦有向落車o既乘客講可以不需
落車，但同時亦有乘客因此沒有登車而選乘下一班962P。
2) 如果我冇估錯你當日應該係搭[2281(如果冇記錯車號的話)]，對嗎？！
3) 我估計呢次壞機相信同近日更新o左新軟件有關？(但不肯定)
4) 根據老友報料當日[2281(同上)]早上在天后更換八達通機。

[ 本帖最後由 2157 於 2009-3-18 18:58 編輯 ]