三色台新技術?!

有睇開三色台既, 一向都知道, 咁多年來拍撞車戲, 通常搵D舊車...
就算主角本來駕緊新車, 都可以無啦啦變左....

呢兩日睇到兩套劇, 見到一D好出人意表既事...
先係在某套處境劇見到部幾新既御用開蓬寶馬炒爛左...
又係某套好HIT既劇集, 見到個部成日用既新富士炒左...
初頭以為三色台咁重本....
再睇多一兩次, 加埋處境劇最後個幾個SHOT, 先睇到好有可能係電腦效果...
似乎之後唔駛再見到"轉車" 呢類穿崩位...

話時話, 三色台而家多左部NZE121用來拍戲...
唔知之前用開既AE110等車去左邊呢?

我都有睇到處境劇的一幕，心諗佢竟然為套劇咁揼本？連個車牌都爛埋？
我都覺得應該係電腦做，但當時掛住留意架車，冇留意演員同背景間是不是不協調。

原帖由 DIH 於 2009-3-19 22:02 發表
我都有睇到處境劇的一幕，心諗佢竟然為套劇咁揼本？連個車牌都爛埋？
我都覺得應該係電腦做，但當時掛住留意架車，冇留意演員同背景間是不是不協調。 ...

對返幾個SHOT, 佢既做法應該係咁.

將部車拍到好埋"被撞"物件, 然後用電腦執爛部車...地下係冇碎片的...
而到最後打側影埋去個SHOT清楚睇到, 部車係冇爛既 (似係懶唔做埋
那個SHOT既後果)

而白色富士個幕仲簡單...只需要側面畫幾個車頭蓋曲起的鏡頭即成..
反而做落本, 應該係搵部2000年既車, 撞到門又甩, 泵把又爛...唔錯唔錯...