對社民連o係立法會財委會會議講粗口提出抗議！

社民連o係立法會會議再搞出位術，引起大眾注意，今次仲離譜，兩次o係財委會會議上公然講粗口，意圖挑釁立法會，唔尊重立法會，藐視立法會。今次社民連出言不遜，嚴重破壞立法會既議事風氣，更加教壞班細路，誤以為講粗口係o岩既，本人對此表示極度強烈不滿和提出嚴正抗議！

參考：
(1)曾鈺成：已建議討論議員說粗言事件
http://www.rthk.org.hk/rthk/news/expressnews/20090327/news_20090327_55_569872.htm
(2)馬時亨對議員講粗口反感
http://www.rthk.org.hk/rthk/news/expressnews/20090327/news_20090327_55_569843.htm
(3)曾蔭權批評議員講粗口　稱不應淡化事件
http://www.rthk.org.hk/rthk/news/expressnews/20090327/news_20090327_55_569823.htm

[ 本帖最後由 3AD172004 於 2009-3-27 23:39 編輯 ]

唔知會唔會有人話而家時下年青一輩跟本唔駛教都識講粗口呢。

唔好話教唔教壞細路啦...
都係果句：佢地係咩人選出來既先？

我識一個激進民主派網友，
頭先佢要我加入咩「我聽到曾蔭權講狗嗡」
Group 喎... 真係被佢煩死。
(我當然係啋佢都傻)

你諗下... 香港大把 D 咁既人，
加上曾蔭權、唐英年自己把口都唔乾淨，
你估社民連今次被人讚多定彈多？

有講怪音用錯詞語既特首同政務司司長,就自然有市井到不得了
既議員

三位議員其實由當選一刻,就已經預左會搞事,只不過今次唔係
用香蕉,而係用唔少人都會講既粗俗說話去形容官員

粗俗說話不時都會聽到,今時今日d小朋友講粗俗說話分分鐘仲
多過大人本身,話議員教壞小朋友又有點高舉佢o地,只係認為作
為議員,要鬧官員無能可以有好多說話,但不要在議事廳內進行,
免得俾人覺得失去應有基本禮貌

PS:講真有d局長真係唔鬧唔得,每年花納稅人幾百萬甚至千萬去
推行愛國教育,又或者執行甚麼政策,但錢使完又唔見得有乜大成
效,就算議員們唔講粗俗說話,不少納稅人都想贈幾句說話俾呢班
「優秀精英」

講真, 呢D"粗人", 我之前都批評左好多, 都無謂再講...

不過想引幾段有關新聞:

明報評論:
粗言穢語與抗爭無關 立會應制止極端行為
http://www.mingpaonews.com/20090328/mra.htm

蘋果日報新聞:
港 府 反 擊 爆 粗 議 員
聲 言 若 再 失 控 　 官 員 拉 隊 走
http://appledaily.atnext.com/template/apple/art_main.cfm?iss_id=20090328&sec_id=4104&subsec_id=11867&art_id=12563404

特 稿
卿 姐 被 罵 獨 裁 　 泛 民 不 滿
http://appledaily.atnext.com/template/apple/art_main.cfm?iss_id=20090328&sec_id=4104&subsec_id=11867&art_id=12563405

------------------------------------------------------------------------------------

有關團體, 故意出位的行為, 已經唔係新意, 講真, 佢唔咁做, 我先出奇...
但我今次想提出, 係有關行為的成效..

正如之前我所講, 生果金掟蕉事件後, 引起社會更大關注, 間接令政府
讓步, 無論事件結果係好定唔好, 都引來對出位行為的極壞先例...

當時, 有部分人提出, 出位行為有可取之處:
1. 能夠吸引到市民關注政治議題
2. 可迫使政府讓步
3. 面對不理民意的政府, 是唯一可行抗爭做法...

到現在, 再回顧一下, 以上的情況.....

首先, 睇睇以上的新聞, 及其他先前新聞, 唔知大家知唔知當時討論緊什麼
實際議題? 直言, 我唔太詳細睇, 只知係財務委員會, 同鬧唐英年, 其他詳細
議題我唔知了...

而報章上的重點, 亦去晒"講粗口", 及"何為粗口"度, 無乜提過真正的議題,
以第1點, 不但無法再"實踐", 相反, 出位行為令市民視線轉移到有關出位行為
本身上, 更加少了留意到實際議題..

第2, 相信不斷的出位行為, 已經令政府同有關議員關係, 甚至行政立法關係,
嚴重惡化, 亦再見唔到政府有讓步的行為.....相反, 根據最新報導, 政府如再
面對出位行為, 更可能拉隊走人, 令情況更加惡劣..
直言, 實際上, 有關出位行為, 已經全無作用....唔可能再迫到政府....

第3, 可以講, 那不是抗爭, 而是"發洩", 幫不滿政府的人"發洩"...這亦正正合乎
一d選民的要求....但就個人意見, 就一定不支持有關做法, 至於香港人大眾的
意見, 就要留待民調等公布了....而就之前民調, 民意對立法會滿意度, 同樣亦不高


都係咁講, 抗爭有好多方法, 有好多地方, 但重點係民主文明的社會, 任何表達, 亦要
尊重, 亦要守法...而立法會內進行呢d行為, 不但是不尊重, 其實從實際角度, 亦已經
嚴重影響左立法會的工作....浪費時間及金錢....

見到無論社評, 報導, 就算實際上立法會, 都集中左討論"出位行為", "議事規則",
甚至"泛民矛盾"的話, 而損失左時間, 精力去面對真正的困難及問題, 實在是
立法會及香港社會的悲哀....有關出位行為, 不但沒有正面效果, 相反, 帶來了
負面的影響!

另外, 我希望都係一事還一事, 有官員講左"疑似"粗口, 同有議員公然講粗口,
本身是2件事, 即使有官員講粗口, 也不能為議員講粗口的行為合理化, (無話
d官員係o岩) 同樣有議員掟蕉, 官員也不等於可以掟蕉吧.....

[ 本帖最後由 3ASV196 於 2009-3-28 08:01 編輯 ]

（吉文）

都係果句，如果尊重、守法代表要被政府（或某些利益集團）恰，
好難怪其他人用唔守法、唔尊重的態度去表達意見。

至於最後搞到天下大亂、一拍兩散，
相信行此道的人並不在乎，甚至可能非常希望見到。

上次掟蕉已經有問題，今次又做D咁既野．．．

如果唔係開會而係遊行，我理得你掟蕉定粗口丫～

原帖由 238X 於 2009-3-29 13:57 發表
都係果句，如果尊重、守法代表要被政府（或某些利益集團）恰，
好難怪其他人用唔守法、唔尊重的態度去表達意見。

至於最後搞到天下大亂、一拍兩散，
相信行此道的人並不在乎，甚至可能非常希望見到。 ...

其實香港太少呢d人, 好難真係搞到天下大亂、一拍兩散...

不過無論點都好, 文明社會, 需要理性討論, 理性爭取...
而更重要, 激烈行動, 係無成效..