如何清除Yahoo 拍賣的無理評分

小弟用60元從Yahoo 拍賣中買了一隻有問題的產品，我知已無法追討金錢，但我和這人反映時，輸打贏要，多次給我負面評價，請教各位我有沒有方法把這些無理的評價除去？

我現在由正分變負分，無法使用拍賣 ，買左壞野，仲要俾人負分，公理何在？

下面內容，其實係產品與描述不符，出左事就推得就推。

產品：http://hk.f2.page.auctions.yahoo.com/hk/auction/b10090026

出事後我問佢知唔知有問題後的回覆，明明話產品介紹中話只聽過一次，而家話無聽過，死未。。。

[ 本帖最後由 Fun_FC 於 2009-4-5 16:14 編輯 ]

Send 電郵到 Yahoo 反映便可，
當然要有確實理據吧。

你的附件仍可看到閣下的電郵地址，未完全遮蓋掉～

原帖由 hanvas 於 2009-4-4 21:59 發表
Send 電郵到 Yahoo 反映便可，
當然要有確實理據吧。

你的附件仍可看到閣下的電郵地址，未完全遮蓋掉～

謝謝提醒!
不行，我睇過常見問題，佢好似要超過200元的產品才受理。

我唔介意果６０元，但是我第一次使用拍賣，
由０分開始，第一次用拍賣就搞到負分，這樣將嚴重影響我使用Yahoo 拍賣。

這人今日做了以下事情，我已無法繼續和這人追討，剩下的只有佢電話，我又唔想跟她大吵大鬧，網上購物，真係講個「信」字，有時貪平真係會因少失大。 錢都俾左，咩叫無法履行交易。

[ 本帖最後由 Fun_FC 於 2009-4-5 18:51 編輯 ]

你可以向Yahoo!拍賣投訴
而家賣家移除你o既得標記錄,移除原因係你無法履行交易
實際你係已經同賣家完成交易,貨不對辦

從賣家給予你o既留言 "算LA！係咁LA!你唔駛覆我架，我唔會再覆你，拜拜！"
好明顯係賣家有心迴避你

就算有拍賣糾紛根本無需要移除你o既得標記錄
就算移除你o既得標記錄後你仍然可以對賣家給予評語
(每人最多可以留下10個意見,你可以用盡呢10個發表意見o既機會)

若果你唔向Yahoo!拍賣投訴
只會令Yahoo!拍賣覺得你玩野
因為賣家向Yahoo!拍賣表示你競投勝出後沒有交收
之後佢先至移除你o既得標記錄

而家擺到明係與事實不符
為了你的將來
以及在拍賣場的聲譽
強烈勸逾你將實情向Yahoo!拍賣投訴

原帖由 bigfish_hk2 於 2009-4-6 11:16 發表
你可以向Yahoo!拍賣投訴
而家賣家移除你o既得標記錄,移除原因係你無法履行交易
實際你係已經同賣家完成交易,貨不對辦

從賣家給予你o既留言 "算LA！係咁LA!你唔駛覆我架，我唔會再覆你，拜拜！"
好明顯係賣家有心迴避你

就 ...

多謝您的意見 ，敢問big fish兄，我有何方法向Yahoo方面反映，因為我見過有關條款，交易額超過２００元才可追討。

錢方面我不追了，失去只得６０元，我只希望討回公道，無理由被騙後仍被人報復性劣評。

我諗樓主concern 既問題係, yahoo 受唔受理?
否則樓主唔駛思前想後報告與否.

讓我係度話俾大家知,
無論任何情況, YAHOO都係唔會移除評價,
我早前亦向YAHOO投訴類似事宜,
YAHOO答覆竟然係:
"基於評價的公平公開處理，很抱歉，我們無法為您移除該筆評級，您可跟對方溝通取的移除雙方評級的共識，並請對方透過評級頁面或來信告知，我們將後續協助處
理。"
所以YAHOO拍賣既評價系統, 完全得啖笑...
我亦正考慮向傳媒投訴有關事宜....

原帖由 HOMAN 於 2009-4-8 01:13 發表
讓我係度話俾大家知,
無論任何情況, YAHOO都係唔會移除評價,
我早前亦向YAHOO投訴類似事宜,
YAHOO答覆竟然係:
"基於評價的公平公開處理，很抱歉，我們無法為您移除該筆評級，您可跟對方溝通取的移除雙方評級的共識，並請對方 ...

介唔介意講下你的經歷，為何可能鬧至傳媒那麼大呢？是否該件物件價值比較貴重？


今次的損失唔大，只係是抱怨無法再使用Yahoo 拍賣，我也沒那麼多手機號碼做認證，再開戶口。
如果我經常使用Yahoo拍賣，在我不會騙人的情況下，正常多會得到正面評價，一次半次被「屈」，問題都不大。不過我只是第一次使用Yahoo拍賣，沒評價狀況下中「負面評價」，成為負數戶口，即是我已無法使用這服務，因為一般人的設定都是不准負評價人士參與競投。

原帖由 av220 於 2009-4-7 19:19 發表
我諗樓主concern 既問題係, yahoo 受唔受理?
否則樓主唔駛思前想後報告與否.

就是如此，小弟Blog經常受廣告困擾，多次投訴，一次回覆都沒有
而拍賣方面，佢話成交價超過２００元才受理，也是我不能申訴的原因。

[ 本帖最後由 Fun_FC 於 2009-4-8 09:42 編輯 ]

原帖由 Fun_FC 於 2009-4-8 09:40 發表


介唔介意講下你的經歷，為何可能鬧至傳媒那麼大呢？是否該件物件價值比較貴重？

其實件事好簡單既,
我post左件大約百多元既貨, 係拍賣度指明係郵寄交收, 以及買家要成交3日內主動聯絡我交收, 否則會當棄標及給予劣評.
於拍賣後, 我主動send email俾戶口資料佢過數, 不過結果買家係果3日都係失綜, 於是我俾左個劣評佢, 佢收到劣評後, 報復性俾番個劣評我.

於是我向yahoo投訴,
第一次yahoo 既回應係:
是次交易失敗是由於買賣雙方溝通不足所致,

我非常不滿意yahoo呢個答案, 原來係yahoo心目中, 買賣雙方有人棄標=買賣雙方溝通不足,
我再向yahoo投訴佢地既呢個"standard answer式"回覆同埋要求佢地取消買家既報復性劣評, 佢就答左之前我post果個答案. 另外, 我亦問及為何有人棄標, yahoo會視為買賣雙方溝通不足, 當然yahoo就當睇唔到呢個問題, 從來冇解釋過~~

經此一役, 只可以講, yahoo拍賣基本上係唔會理d評價, 大家都可以得啖笑~~~我劣評完棄標者仲要擔心下會唔會俾人報復性劣評....仲叫我同棄標者商量不如大家取消劣評, 當冇事發生, 都真係幾好笑....

[ 本帖最後由 HOMAN 於 2009-4-8 10:56 編輯 ]