九倉擬出售電車業務

原帖由 ccicoltd 於 2009-4-7 20:29 發表

屈指一算，前上後落的建議，提出已有十年光景！

幾年前電車公司已經對外表示過，前上後落既車廂設計，會導致乘客響部份車站月台
產生人流阻塞，故此建議不獲接納。

我對呢間由紅毛綠眼所經營嘅公司真系一無所知
但系我都好擔心會吾會加價,不過由$2加到$2.20我都系無嘜所謂..
如果好似新聞咁講,佢系想加路線嘅話,我系好同意的

當然要買多D新型號嘅電車啦 (吾買英國車都要買日本車)
更加重要嘅事,就系要買低地台電車


[ 本帖最後由 kippei120 於 2009-4-8 00:18 編輯 ]

原帖由 Transperth 於 2009-4-7 23:56 發表


好明顯地證明你無做過資料搜集…

…你不妨試下聽日打去問下賣一個全車身電車廣告要用幾多錢，然後再同巴士廣告
既價錢比較下丫拿﹗

打錯一個字，已改  

而且我係話佢錯在 "因為電車慢，比人睇既時間多" ，"所以" 廣告費要收貴D

呢兩樣野根本唔成立

原帖由 p20hin 於 2009-4-8 00:41 發表
而且我係話佢錯在 "因為電車慢，比人睇既時間多" ，"所以" 廣告費要收貴D

呢兩樣野根本唔成立

你認為吾成立, 吾代表呢個理論係錯, 我亦吾覺得呢個立論有問題.

大約係十年前聽香港電台第二台講呢個 Topic, 當時講賣電車廣告比巴士貴, 就係呢個 Reason, 因電車行得慢, 行人去望呢一個 Object 既時間, 理論上係比望巴士耐, 所以廣告成效理論亦比巴士大.

[ 本帖最後由 tridents 於 2009-4-8 01:53 編輯 ]

原帖由 tridents 於 2009-4-8 01:50 發表


你認為吾成立, 吾代表呢個理論係錯, 我亦吾覺得呢個立論有問題.

大約係十年前聽香港電台第二台講呢個 Topic, 當時講賣電車廣告比巴士貴, 就係呢個 Reason, 因電車行得慢, 行人去望呢一個 Object 既時間, 理論上係 ...

在市區巴士和電車的速度根本唔會有太大分別

而且你呢個資訊已經係十年前，現在已經不合時而

原帖由 p20hin 於 2009-4-8 01:58 發表


在市區巴士和電車的速度根本唔會有太大分別

而且你呢個資訊已經係十年前，現在已經不合時而

那你自己今天定下的理論才最合時宜?  人家到今天開廣告價錢貴過巴士, 也是電車公司做生意不合時宜?  也是廣告客戶不懂時宜而亂比電車公司開價落廣告?  電車公司開得一個價錢, 就是有佢既道理, 而板友不接受, 就說是其它板友不合時宜, 那討論來有何用?

人家 Marketing 去定位收集數據然後定下一個價錢 Offer 比客戶, 其中電車行得慢而令行人吸收資訊相對比巴士高也是事實, 要 Argue 可以任大家講, 但電車行得慢個確實係其中一個 Point 去 Support 一個貴既廣告 Offer.

[ 本帖最後由 tridents 於 2009-4-8 02:21 編輯 ]

原帖由 tridents 於 2009-4-8 02:03 發表


那你自己今天定下的理論才最合時宜?  人家到今天開廣告價錢貴過巴士, 也是電車公司做生意不合時宜?  也是廣告客戶不懂時宜而亂比電車公司開價落廣告?  電車公司開得一個價錢, 就是有佢既道理, 而板友不接受, 就說 ...

唔好引起罵戰，大家心裹有數

不過如果電車公司真係用呢個理由去加廣告費，電車公司真係冇救，連自己都睇小自己，何來進步呢？

唔怪得要人收購啦

希望電車公司可以進步

原帖由 p20hin 於 2009-4-8 02:21 發表
不過如果電車公司真係用呢個理由去加廣告費，電車公司真係冇救，連自己都睇小自己，何來進步呢？

其實電車公司呢十幾年已經比以前好, 我記得大約廿年前, 電車公司講過車費收入根本吾夠佢地成本, 所以一定要有廣告.  但呢十幾年口風有 d 轉, 已經好少聽到話車費 Cover 吾到成本之類, 當然佢地要賺多少少錢, 一定要有多廣告.

印象中, 不記得係 97 年定沙士開始, 電車全身廣告開始少左到怡家.

原帖由 p20hin 於 2009-4-8 02:21 發表 唔好引起罵戰，大家心裹有數不過如果電車公司真係用呢個理由去加廣告費，電車公司真係冇救，連自己都睇小自己，何來進步呢？唔怪得要人收購啦 希望電車公司可以進步 ...

電車話慢=/=睇少自己

對電車迷同一般市民黎講，慢係一個特色...
如果話巴士都慢，呢個係塞車問題，比起電車黎講，"慢D" 的確有佢價值，巴士都慢，通常都係因為塞死o係中間，行得郁的話就好快過左，唔會好得過電車，電車廣告真係有佢空間o係度...

再者，電車個廣告費依家都冇話加價，而係一向都係有咁o既價值，如果係唔合理的話，電車就唔會有咁多廣告架啦....

另外，樓上所講o既，無記錯的話電車廣告早就判左俾代理做，多與少廣告某程度上受代理收到幾多合約影響...
而廣告數目整體黎講，其實由97到依家係有增無減，最近黎講呢，金融海嘯後，就真係少左好多，其實睇下見到幾多部電車油返綠色就feel 到

[ 本帖最後由 VA54-HN8897 於 2009-4-8 14:38 編輯 ]

原帖由 amtrak 於 2009-4-7 21:04 發表
雖然電車公司將不全屬於港資公司，但係眼見佢D計劃都係為長遠發展都係好的．如果真係可以擴充路線，多元化電車車隊，都喜歡電車的乘客都係好消息既! ...

不過一直以來電車興建新支線的最大阻力來自香港政府，以他們現時利益傾向
大地產商的狀況，相信轉了新股東後對計劃實現的幫助也不大……
當然自己作為電車迷，也希望新支線可以建成。

原帖由 VA54-HN8897 於 2009-4-8 14:36 發表
而廣告數目整體黎講，其實由97到依家係有增無減，最近黎講呢，金融海嘯後，就真係少左好多，其實睇下見到幾多部電車油返綠色就feel 到

廣告最少應該是零三年沙士後到零五年這段時間，當年上全車身廣告的車可以只
得二十多部，有一期就連橫額廣告也不多見；
另外零五年尾至零六年初電車廣告也是特別少的，因為正值電車廣告代理商轉換，
有一段時間近乎沒有接新廣告，很多電車也在那段時間拆走橫額廣告框架，翻髹成
全綠色車身，預備上新廣告。

不過老實說，電車廣告最精彩也是九十年代的時候，近年即使曾經試過全車隊上廣
告，也沒有了當年的味道。

[ 本帖最後由 ML29 於 2009-4-8 14:44 編輯 ]