記者訪問質素

原帖由 238X 於 2009-4-19 21:29 發表



我認為他的謬誤在於把醫生 / 高官預設成比我們高一等的人。
至於高官怎樣來，與他的立論並無關係。

當然，無論是你對還是我對，都不會影響他的言論的錯誤本質。 ...

其實我諗Kaix版友一直的理念係, 社會環環緊扣, 政府/高官不是同市民對立,
相反, 高官們都是香港市民的一分子.....

而做得高官(或所講的醫生), 當然係香港整體市民之中, 較有學識/教育的一群....
但如果佢地都"廢", 咁整體的一般香港人咪仲"廢"?

我諗係咁樣理解...

雖然我都覺得kaix 的言論比較偏激, 亦矛盾地過分睇低整體香港人, 不過佢提到一點,
我係同意的, 香港人整體的批評文化實在已經過火, 反而好多時無留意到事實的
本質, 及其專業性, 好輕易就批評一d自己並不理解的事

引用返kaix 版友的例子, 如好多人好輕易就會批評醫生的專業性, 如好多醫療事故....
但可能批評的人(包括記者), 連最基本的醫療知識都無, 亦不了解整體醫療制度,
呢d批評, 又是否完全合理? 是否公平?

我不是指不可批評, 不過如果理解左更清楚, 先去批評, 會來得合理得多...

其實唔只針對政府/其他專業, 好多時, 香港人互相批評的心態, 已經可以係好多
日常小事睇到, 係直接令到香港人整體的壓力增加.....加深社會矛盾....而係呢個
過程的"催化", 傳媒實在"功不可沒"...

順便講講, 近年, 不少報章, 將一d娛樂新聞, 不斷放上港聞頭條, 我真係無眼睇,
心想, 香港是否無新聞到咁的地步? 最搞笑係, 之前edison 阿爸破產, 都可以上
頭條....edison 係名星, 但佢阿爸唔係, 佢破產, 關我咩事? 日日都有人破產ga la...
又好似, 成龍, 講真, 我唔覺得佢係咩大人物, 都係名星一個, 講錯一兩句野, 駛唔
駛上2日港聞頭條?  真係無新聞到, 日日搵d人出黎做? 出黎批判? (尤其無左董建華之後)

唔係講緊做錯野係正確, 唔係講緊唔應該批評...不過似乎香港需要一個更好的平衡
點, 俾返個空間大家, 而唔係日日你鬧我, 我鬧你.....

好多人成日會講, 有咁樣政府, 就有咁樣的市民, 有咁樣的讀者, 就有咁樣的傳媒,
但我覺得再唔好你推我, 我推你, 其實人人都有責任做好自己...做正確的事...

香港人仲有好多好地方, 如香港人反對暴力行為, 好多表達, 都係和平進行....但
我地欣賞自己香港人同時, 都應該面對呢d問題, 做好自己去解決呢d社會整體的事..

(當然, 可以講, 我本身都有矛盾, 我叫人唔好過份批評同時, 其實呢篇文都係
批評緊其他人gei)

p.s. 其實我有時覺得香港人都"幾有趣", 是變化得非常急速, 如講返醫療事故...
sars 期間, 香港的醫護人員, 被讚揚非常專業, 有愛心, 不怕危險服務市民,
但幾年過後, 數宗醫療事故, 同一班人, 就可以被批評成"冷血", "無帶個心返工"
甚至係"廢"的一群.....其實如果全面d咁睇, 一個團體, 甚至一個人, 都一定有好
有唔好, 當退後一步睇, 事件可能好好多...

[ 本帖最後由 3ASV196 於 2009-4-20 10:41 編輯 ]

就回應 #7 的問題：

1. 站友 Cantona 同時進行 iPower 及 aPower 評分，
依附例第 6A 條規定抵銷其 iPower 評分。
2. 站友 edhong, homanbean, dennislokawai 於禁令生效後評分，
依附例第 10 條 e 項抵銷全部評分。

其中 Cantona, edhong, homanbean 三人獲「注意」一個。
而 dennislokawai 由於事後立即自行報告，故不作進一步行動。

評分管理專員示