4歲女失禁遭綁起棒打

點解呢個世界上仲有啲咁嘅父母, 就算唔係自己親生都唔會咁做啦

睇見嗰個女被告個寸樣...... 係毫無悔意嗰隻

http://hk.news.yahoo.com/article/090417/4/bqcn.html

[ 本帖最後由 sevenguy 於 2009-4-18 22:56 編輯 ]

有些父母可能不懂照顧孩童
(以中產觀點看, 可能會有偏差)

不過社署經常提醒家長虐打不能解決問題
總是有些家長聽不進去

原帖由 LJ8652 於 18/4/2009 23:31 發表

不過社署經常提醒家長虐打不能解決問題
總是有些家長聽不進去

以而家細路果種縱壞法，
我對聽呢句唔入耳呢個現象只能表示理解。

我成日都覺得，而家唔係唔俾虐打咁簡單，
而係直情將體罰妖魔化。

若果我有小朋友，我寧願佢犯錯酌量打少少，
好過佢出去闖禍被人打死。

[ 本帖最後由 238X 於 2009-4-19 01:05 編輯 ]

就係e+ 的細路下下唔打得,打又話虐打
所以做錯野家長根本冇得教
打巴佢佢又去報警拉呀媽.
你估細路真係受你果套循循善誘,下下同佢講道理,同佢約法三章,佢聽你講?
你話佢聽,冇禮貌係唔岩的.咁對細路來講"唔岩"又點.關佢乜事.乜叫做道理

我淨係知我的年代,同呀爸駁咀佢同我講道理盞我駁得仲勁
但駁咀佢兜巴車埋來我會即刻收聲.盡可能以後少d駁咀廢事比人打.

用棍毆個細路當然係虐打,但如果藤條fit兩下,打兩下屁股都叫虐打
咁就唔怪得呢代的細路越來越橫蠻嬌奢惡死......

現時當新一代的家長真的很難，小朋友教唔聽又唔打得，
同佢講道理佢當你發嗡瘋，整整下個個變生骨大頭菜，真係好嘔血

唔係話上一代做法一定o岩，但適量的體罰真係需要，
有時同小朋友出街真係要額外小心，他們真的不知道死字點寫，
六、七樓爬欄杆、通街走唔怕車，又唔肯俾你拖住，真係好得人驚

回想自己小時候，體罰雖嚴，不過錯事往往留下心刻記憶，
起碼從小接受一定的教訓，將來不會遇事承受不起和過強自信

回說這個新聞，用棍、棒打到皮開肉裂有點過火，教小朋友，俾佢知道痛已經好足夠

[ 本帖最後由 32 於 2009-4-19 15:15 編輯 ]

原帖由 32 於 2009-4-19 15:14 發表
現時當新一代的家長真的很難，小朋友教唔聽又唔打得，
同佢講道理佢當你發嗡瘋，整整下個個變生骨大頭菜，真係好嘔血

唔係話上一代做法一定o岩，但適量的體罰真係需要，
有時同小朋友出街真係要額外小心，他們真的不知道死字點寫，
...

宜家打細路, 個細路會報警話阿媽阿爸打佢; 諗返我以前個年代; 點會禁做先?
學校又話唔可以體罰, 屋企又唔可以打. 試問以前點會禁樣?

仲記得以前小學唔交功課阿SIR會用藤條打手板, 如果過位; 會將你隻手縛係課室百葉簾條繩度;
最記得小四那一年班主任點罰人, 如果你同同學傾計, 會用膠紙'廉'住你個口(呢個都係小弟當年
比佢罰得最多GE一樣). 當時星期六只有中英數三科要上堂; 如果個日比佢禁罰; 佢就要你'廉'到
放學(因為三個主科都係佢教)...... 我自己都試過有幾次係星期六比佢禁罰法. 試問宜家呢個年代
點可以禁罰? 如果呢個禁罰法; 個老師一早比人投訴同比警察拉左~

放左學返到屋企, 你同小朋友講道理, 佢都未必聽; 好似我姨丈個仔, 百厭到無人有; 係酒樓真係睇少
佢五秒都唔得, 佢連佢阿爸夠膽打, 今年清明拜山; 拜完山係茶樓食飯; 佢四圍走試過有一次因為禁差少少撞到
個待應; 當時個待應手上係有一碟餸. 所以大家可以想像一下如果真係撞到後果會如何; 佢老豆話佢; 佢唔聽; 調轉
頭打佢老豆; 但係佢老佢老豆又比佢禁; 本來家父好聲好氣同佢話禁唔得; 不過佢唔聽照打; 結果小弟睇唔過眼出口;
當住廿幾人面前拍曬枱禁鬧佢先乖乖禁收手. 我呢個CASE已經做好; 有一D小朋友你話佢; 佢會用粗口回敬返你.

自己覺得小朋友係要保護; 但係宜家家長打自己細路會比人拉, 係唔係有一點過左火位?  講返呢個新聞; 毫無疑問
係過曬火. 如果我個仔女係禁; 我一定唔會禁做, 最多都係叫佢訓前包尿片. 因為禁打佢, 對解決問題無幫助, 仲會
有反效果......

(以上只是小弟的個人意見, 如有不當, 歡迎指教)