轉貼鄰版搞笑文章---巴士投訴大多是女性！

原帖由 Kaix 於 2009-4-25 13:16 發表


咁點解西方國家冇出現香港情況，
連出名挑剔鍾意投訴嘅英國人都冇香港咁嚴重

如果唔係香港同西方國家語言不通，
否則香港人一定取代英國人成為西方國家眼中嘅挑剔民族 ...

英國人生活節奏有冇咁快先?
香港人生活節奏太快, 容易因為小事而暴躁,
而且往往"有開工冇收工", 更加使人的壓大變大, 遇不合心水的事 (如截唔到的士返工) 都會亂罵一餐.
好似外國回來的鍾嘉欣咁, 返黎香港話壓力好大, 何解? 就係因為生活節奏快得太離譜, 仲要ot 趕這趕那.

內在因素已經具備, 加埋傳媒的少許助力,
顧客就永遠是對的 (當然照肺時, 主管會判斷係顧客有理還是無理.),
於是個個覺得自己有投訴既權利, 最後去到濫用既地步.

請留意下我之前係列舉左四樣野, 缺少是但一項, 個現象就已經會差好遠.
冇錢既唔敢出聲, 冇教育既唔識出聲 (只有去到好大件事, 忍無可忍先會出黎)
投訴極都冇回音既, 連寫投訴信都費鬼事. 如果壓力冇咁大既話, 人就唔會好似咩都唔順眼咁, 走去投訴一餐.


其中司機對我淫笑一項, 我想起呢個case:
n 年前有男搭客想投訴女空姐, 在看她胸前的名牌時, 被誤會成為有企圖, 仲被人反告返轉頭.........

[ 本帖最後由 av220 於 2009-4-25 15:07 編輯 ]

我都要投訴巴士司機經常在無乘客按鐘的情況之下開門落客

何況,不是很多主管都能「明察秋毫」的,很多公司見有投訴,就總會抱住要「做d野」去「交代返」既心態 

無錯啦,
有事驚動上級有理無理都唔荒好啦,
比少少甜頭D惡客解決算,
所以真係寵壞晒D惡客架,
係香港....夠惡夠野蠻就得....

原帖由 Kaix 於 2009-4-25 13:16 發表 咁點解西方國家冇出現香港情況，連出名挑剔鍾意投訴嘅英國人都冇香港咁嚴重如果唔係香港同西方國家語言不通，否則香港人一定取代英國人成為西方國家眼中嘅挑剔民族 ...

英國巴士公司成日請唔夠人,
芝麻綠豆就照司機肺,
唔驚人地轉工唔做咩,
點似得香港,
你唔做大把人想做!!

原帖由 ksmbh 於 2009-4-25 23:47 發表

無錯啦,
有事驚動上級有理無理都唔荒好啦,
比少少甜頭D惡客解決算,
所以真係寵壞晒D惡客架,
係香港....夠惡夠野蠻就得....

嚴重D仲可能對
影響其他客人安寧
甚至干擾公司正常運作

投訴文化過份濫用,簡直係
害人不淺,對公司同客人
係雙輸的表現

原帖由 volvo2000 於 2009-4-26 00:28 發表


嚴重D仲可能對
影響其他客人安寧
甚至干擾公司正常運作

投訴文化過份濫用,簡直係
害人不淺,對公司同客人
係雙輸的表現

老實講, 香港靠既唔係農業, 重/輕工業, 製造業..........
靠的只係如泡沫一般的金融業, 銀行業, 旅遊業..............
唔係話服務性行業有問題, 但係太依賴服務性行業就係有問題.
而香港太過依賴服務行業, 變相就要做到 "唔好得失d 客".

(偏偏沒人意職到這是有點兒本末倒置.
譬如巴士公司想唔得失d 客, 訓練到前線員工好有禮貌, 但又不去改善班次問題.
佢脫晒班但個司機好有禮貌, 個客投訴脫班公關部敷衍了事, 難道就不會得失d 客?)

不過, 若要數香港的服務業, 確有其優勝之處.
去到英國, 試過店主找錯錢, 仲要晦晦氣氣咁對住你.
自己冇錯反而被人啤, 真係唔好受.

至於wilsonli321 說的那個case, 我都有個經歷係類似.
幾年前做essay 想要買一本冷門書, 某書局分店check 到總店有,
於是我就去總店, 但最後店員搵唔到, 叫我留低電話再聯絡.
其實顧客有一d 所謂"騎呢" 既需要, 我諗唔出奇, 正如我去搵一隻絕版CD或冷門書一樣.
盡量去幫呢d 顧客, 我覺得係有必要的 (尤其係電腦check 到有, 冇得抵賴), 因為你唔知個客係咪有急用.
斟酌的是該用什麼方法..........如你的例子中, 唔運過黎,
可以致電分店, 幫客留住件貨先, 請佢三日內去該分店取, 等等.
如果個客打橫黎講, 你運過黎, 佢一樣可以投訴你要佢呆等幾小時.......
種種方法都有短處, 蠻橫的客只係見到短處, 所以你點都係死.

店員最後幫我搵到本書, 使我能夠如期交到essay, 其實我係衷心感謝多於想去投訴.

[ 本帖最後由 av220 於 2009-4-26 02:22 編輯 ]

粗略睇過，其中幾項我唔覺係無理投訴喎

4.車廂內嚴禁吸煙，有何問題？

8.如果該動物係非街市買送買來既魚之類，或非導盲犬既貓貓狗狗，而司機o係見到既情況下又不加阻止，咁司機確有失職之嫌。

14.佢整得呢樣設施出黎，就預左乘客會睇佢指示落車，尤其對於唔係經常、甚至係第一次搭該路線既客黎講，報錯站真係可大可小。的確我見過85A有司機連續幾個站錯，九碼方向，曾大屋報「新田圍村」，新田圍村報「金成道」(真係打算金成道落，又唔熟路打算靠佢個報站既客，真係隨時唔得佢死...)！最諷刺的是，在乙明村左右，有乘客向司機查詢要到九龍城某個地方，應邊度落，司機回答某站後，叫個乘客留意報站！ 又見過而家停緊A站，但卻報左B站，有乘客問呢個係咪A站，司機以非常晦氣態度答「係呀！」

我明白巴士司機一眼關七，要兼顧事項太多，偶有漏按、錯按報站是可以理解，但把此類投訴說成「無理」、「畀你係人情唔畀你係道理」(那我想請問，甚麼才是「畀你係道理」？)、「以前都係冇味一樣係咁」(以前？以前冇冷馬、冇八仔、冇低地台味一樣係咁，恢復全熱狗、全自備輔幣兼冇轉乘優惠、冇低地台，好冇？九巴服務，日日甚麼？)，我只會說這是無理維護巴士公司、巴士公司永遠是對的盲目行為

題外話一講，如果有人投訴港鐵報錯站令乘客唔識落車(雖然麻煩程度遠不及搭巴士唔識落車)，唔知某D人又會畀乜意見呢？

19.如果該物件大小超過巴士公司規定(十分一立方米)，但司機又唔阻止(如果非繁時，車廂小貓幾隻的話，可以接受)，又或冇超過，但司機阻止，請問此投訴又何來「無理」？

20.投訴黑煙過多也有問題？只是投訴對象不應是司機本身。

[ 本帖最後由 mckhgc 於 2009-4-26 13:28 編輯 ]

回一回樓上(19樓)0既朋友0既5個問題

問題4
法例(230a章)無指明泊晌巴士總站(未開始載客)0既巴士
受禁煙條文限制
[小弟建議閣下先睇有關條文...上面0既情況應該係指未準備載客0既巴士而言...]
另外,要舉證亦都係非常困難
(你會知道#1234同#5678晌我部DTL 1(虛構)度煲煙咩?
又點會知0個兩位就係#1234同#5678?
法律管制範圍外0既事,根本普通法無法指控[犯「無」罪?莫須有?],警察先生先唔會管)

問題8
車長先生自己一個人根本唔可能「成功檢控」有關帶寵物0既惡客
(原因:一個證人不能完全證實犯罪行為
[否則一條「莫須有」已經可以令各位身陷牢獄之災...])
好多時巴士上面0既惡乘客行為,係需要各位良好市民0既檢舉
先可以令惡乘客「無從否認」--立遺囑要有第三者證人0既法理,在此通用
所以,小弟先會講「可以認呢個犯法者0既身份嘛?」
就係因為普通法需要完整0既現場人證指控被告
(至少2位證人同證同一件事,法庭先會受理呢2份證供)
法庭先可以定被告0既罪...否則一面之辭,何以服眾?

問題14
反問一句:巴士/巴士站上貼出來的路線資料(乳豬紙)係為乜而設呢?
小弟唔係想講邊方面有錯,不過巴士公司已經將路線資料張貼晌當眼地方
巴士公司已經盡0左佢地0既本份,提供最準確0既路線資料...
乘客A小姐知道自己「初到貴境」,而無注意到巴士站/巴士「乳豬紙」等等乘客資訊
而只係聽報站機報站(90%機會準確)...會唔會將自己0既責任隨便推卸俾巴士公司呢?
[又或者,第一時間請車長先生提點,會唔會好少少?]
樓上(19樓,車長態度欠佳->投訴成立)0既情況,
同本來問題14(報站機出問題,而A小姐無查問動作->投訴沒有根據/證明) 0既情況不同
[朋友,變換問題內容之前,請考慮兩者狀況是否一樣~
否則,除0左一問兩答之外,小弟都唔知如何處理...因為性質走樣就難以一概而論]

問題19
請問酌情批准帶行李上車0既「決定權」在誰人手上呢?
230a章已經講明晌車長手上,咁車長就已經被「授權」處理呢個行李問題...
唔通車長用/唔用酌情權批准/唔批准乘客帶行李上車0既權力
各位都夠膽挑戰?
(比<公安條例>(245章)更早0既法律...唔通就因為咁,各位就話230a章係惡法?)
既然權限晌車長手上,車長0既最前線判斷,就係最終0既決定
法律如此授權,各位就無謂再晌「酌情權」上面惡搞啦,盞各位搞完一肚怨氣...
[又,地鐵(港鐵)0既行李標準...亦都唔係人人可以守得到...
咁地鐵公司又唔阻止犯規者上、落車...又係唔係酌情處理呢?]

問題20
(唯一一條問題可以同19樓0既版友一致意見)
黑煙過多根本輪不到車長先生去管...
所以車長先生沒有理由因此被投訴
(客服部回應:我地會轉交工程部跟進...)

小弟之所以大篇幅回19樓
只係因為佢唔小心處理法律上0既問題(法規外0既情況、舉證罪行0既法律通則、授權等...)
同埋錯誤引導投訴情況(問14:到底A小姐有無問車長邊度落車?與否)
先會講咁多澄清0既話...

PS 請版友們細讀230a章<公共巴士服務規例>之後,先繼續討論...
(如此一來,大家就唔需要晌法例上再爭論幾個page...)

[ 本帖最後由 LNChickenRice 於 2009-4-26 18:32 編輯 ]