乘客用輪椅阻擋巴士開車

參考小弟晌N版20個無理投訴0既第5個問題答案
(警察先生,睇完之後你地都應該「有所行動」...)

重申一次:以上妨礙巴士服務運作0既行為
係可以判處最高3000大元罰款+6個月監禁(<一般市民都可以唔用武力,
將佢送到警察朋友/警署處理[法定權力]0既監禁年期下限)
即使有投訴都好,都拜託各位唔好搵坐輪椅朋友0既性命0黎「較飛」
(打電話去九巴客服熱線投訴
反而可能有令各位可以「落到台」0既處理...)

PS  版友當中如當差者,如以上內容跟各位工作時所知0既唔吻合
請依各位差大哥0既經驗指導各位版友...先謝~

PS2 加多一句:運輸署晌上述事件都有錯
(巴士公司努力換SLF時先搞Quota制,拖慢SLF巴士服務0既覆蓋率
以致SLF巴士不足,令傷殘乘客受不必要歧視之苦~)

[ 本帖最後由 LNChickenRice 於 2009-4-26 18:44 編輯 ]

原帖由 TL 於 2009-4-26 16:52 發表

咁即係話好多人諗野唔夠全面囉, 凡遇到對罵事件, 就一定係激動兼大聲果方係錯, 對方就係無辜!

點解又唔話係激動兼大聲個邊係諗野唔夠全面？
我唔相信個位人兄，或者閣下，係無其他處理方法
我亦都覺得，無人會認為，阻住一架巴士開行，或者大力關的士車門
係一個正確既處理方法....

原帖由 TL 於 2009-4-26 16:44 發表

邊個唔知丫! 扯火既野邊個想!

我平時係溫和派果種人, 我知道對果位的士司機發洩係幫唔到乜野, 而我鬧既唔係佢一個人, 係部份唔合作既的士行家.
我講既只係最激動果次, 我亦都試過遇到好有禮貌好熱心既的士司機, 最 ...

所以而家做公交前線人員比以前慘同難, 以前只有乘客受司機氣, 而家調轉, 司機受返乘客氣. 部份乘客郁D就向公司投訴, 有D直頭畀乘客打.
行車途中, 又要按報站, 又要轉八達通收費器分段, 兼顧好多野, 以前邊度要顧咁多丫.

九巴唔係城巴同新巴...要下一班低地台係好易
城巴同新巴就話成日經瑪麗都要開後門上架輪椅

原帖由 TL 於 2009-4-26 17:39 發表

我唔係就樓主遇到果件事黎講, 我係講緊拍片放上網之後網民既一般反應.

咁要睇返當事人點樣處理件事
同樣樓主遇到個件事
如果個人唔係咁利害擺架輪椅阻住個人開車
我唔信普通人會一面倒批評佢囉....

原帖由 TL 於 2009-4-26 17:50 發表

要巴士車長做咁多樣野係巴士公司既政策, 要受乘客氣係香港整體服務行業不斷提昇,
做得服務業就要預左, 何止巴士車長?  香港邊個要對客既服務行業唔駛受人氣?
當然, 講到有乘客打人鬧人, 係乘客本身素質既問題.

對 ...

咁都要睇下受個d氣合唔合理...
你上唔到車，要投訴，係你自由
但阻住架車開車就點都講唔通....