H1N1甲型流感疫情討論

原帖由 YC 於 2009-5-2 09:51 發表
總觀墨西哥以外全球爆發疫情的國家當中，大多都是因當地國民曾到訪墨西哥或跟曾到訪墨西哥的其他當地國民接觸而來，但香港卻因一名墨西哥人來港而爆發疫情，實在有點無辜。

但果位就算墨西哥人無黎到，難保香港唔會有另類渠道傳
入病菌亦一樣可以爆發，睇下而家世界各地都唔少地方，
有零星個案便可想而知..

原帖由 da54 於 2009-5-2 13:35 發表
不過那兩個的士司機一日唔蒲頭，一日風險仍在。

果兩個的士司機，假如係特登唔出現，對佢自己都完全無好處..
但當局到而家都未搵到，真係令人好擔心..

睇返沙士時期, 中招嘅都唔會出嚟, 就連捉到嘅都偷走
你估的士佬, 同機嘅搭客會唔會蒲頭?

如果將來係社區爆發, 而查到源頭就係呢o的唔現身o既人,
到時被千夫所指個陣唔好怪其他人或者賴政府喇

放心, 到時一定係政府無能
當日屯門醫院其中一個沙士病患都係唔願受隔離偷走
到最後咪擴散病毒, 最後邊個負責?
如果今次案件重演，某數字傳媒會有裁決
而一衆尊貴嘅議員們亦會出嚟馬後炮一番

原帖由 5074 於 2009-5-2 14:52 發表

果兩個的士司機，假如係特登唔出現，對佢自己都完全無好處..
但當局到而家都未搵到，真係令人好擔心.

勉強d黎講, 其實當局已經算係搵到其中一位司機.

根據商台新聞, 當局有派員到機場的士站查問,
有一位司機表示, 佢認識當日接載過有關旅客的司機,

佢引述該司機話, 因為對方驚被當局強制隔離7日, 影響生計, 故特登唔出現.
對方仲表示, 除非政府願意支付佢呢7日的收入, 否則堅決唔出現.

原帖由 Kevin 於 2009-5-2 17:21 發表
如果將來係社區爆發, 而查到源頭就係呢o的唔現身o既人,
到時被千夫所指個陣唔好怪其他人或者賴政府喇

說話又唔可以咁講ge, 每人都有佢的難處.

講真, 個兩位的士司機其實仲驚過我同你啦, 大家曾經困獸鬥wo.
但問題係, 香港的的士大佬, 一個月搵幾"多"錢, 大家都好了解架啦,
萬一被當局隔離7日, 就手停口停, 自己唔食, 但屋企人都要食架.

我都好明白佢可能係有機會引發社區爆發,
如果佢發覺自己身體有唔妥, 我相信佢自己都會主動搵當局,
可能佢身體強壯, 真係無事呢.

有事要隔離係為成個世界好, 有起事黎手停口停都無辦法
"除非政府願意支付佢呢7日的收入, 否則堅決唔出現"
如此自私, 有事都徙納稅人錢醫佢....

依家商會話會俾返7日收入俾那2個司機..

其實最危險, 係司機的家人...

另外, 香港一定會少左人坐的士, 如果那的士司機唔出黎,
倒頭來, 全行都影響....

[ 本帖最後由 3ASV196 於 2009-5-2 18:08 編輯 ]

原帖由 dbat98D 於 2009-5-2 18:04 發表
有事要隔離係為成個世界好, 有起事黎手停口停都無辦法
"除非政府願意支付佢呢7日的收入, 否則堅決唔出現"
如此自私, 有事都徙納稅人錢醫佢....

都係個句, 每人背後要考慮的事都唔同,
站在公眾立場, 當然希望有關人士現身,
但一家唔知一家事, 無人知如果佢唔開工7日, 影響會有幾大
所以, 如果一概而論話的士司機錯, 小弟絕對不表認同.


當然, 小弟希望, 當局能夠承諾為該兩名的士司機支付
被隔離7日期間的的士車租, 及支付最起碼每日$300生活費,
咁樣, 的士司機的財政問題得以解決, 佢地無後顧之憂,
就自然會主動接受隔離.

講真, 年中政府都唔知浪費幾多錢, 呢少少錢,
政府絕對比得起兼且應該比, 對司機對大眾都有好處.

一句要搵食唔係大晒, 今日呢個話要賠, 聽日就個個都要賠
如果因為甘而擴散病毒, 香港有幾多人要搵食?
我都係要為口奔馳, 如果因為個個都要搵食唔去檢驗而將d
菌帶俾我, 係咪又要政府賠俾我?
家陣又唔係話佢帶菌...驗知有無事, 唔驗就唔知有無事