港鐵勤洗車廂防豬流感

原帖由 Kaix 於 2009-5-4 22:13 發表
如果有搭過外國d地鐵，
而外國d地鐵乾淨程度叫正常，
香港地鐵就係乾淨到近乎無菌

外國d地鐵，d扶手可以油到薯條咁，
d玻璃窗仲有d有厚度嘅面油漬，
成車一陣陣輕微酸宿味同尿味

所以我真係完全唔擔心香港地鐵嘅衛生 ...

外國地鐵衛生差, 唔代表香港港鐵乾淨. 若果你坐港鐵(前地鐵)列車, 可以望下佢D冷氣機回風口同埋送風扇位,
你會望到佢係幾咁"乾淨".

原帖由 Alvin2002 於 2009-5-4 22:43 發表
外國地鐵衛生差, 唔代表香港港鐵乾淨. 若果你坐港鐵(前地鐵)列車, 可以望下佢D冷氣機回風口同埋送風扇位,
你會望到佢係幾咁"乾淨".

呢d位冇可能期望完全乾淨，
要日日洗呢d位都幾大工程

如果連呢d位都要求好乾淨，
咁就真係同無菌室差唔多

其實最重要都係空氣聞落清新就已經夠，
鼻對空氣質素好靈敏

原帖由 Kaix 於 2009-5-4 23:13 發表


呢d位冇可能期望完全乾淨，
要日日洗呢d位都幾大工程

如果連呢d位都要求好乾淨，
咁就真係同無菌室差唔多

其實最重要都係空氣聞落清新就已經夠，
鼻對空氣質素好靈敏 ...

若果你有留意我之前貼既文, 都應該會睇到我一向冇要求隔塵網要日日洗, 我亦知道日日洗隔塵網係不切實際.
我一路所要求, 只係希望港鐵能夠每個星期洗或者換列車空調隔塵網.
至於清洗隧道抽風系統, 未必個個人都留意到呢樣野. 但試諗下, 隧道入面列車D所謂鮮風, 係由邊度黎?
咪又係由車站附近既街邊通風井抽入去. 若果通風井冇清洗, D空氣鮮極有限.
若然隧道抽風系統同列車空調都冇勤於清洗, 車廂入面D空氣質素可想而知.

原帖由 Alvin2002 於 2009-5-3 18:27 發表


換隔塵網唔駛好耐時間咋嘛? 每晚收車後都有幾個鐘, 何況我唔係要求每晚換, 只係同巴士睇齊, 每星期換一次嗟.

巴士又點同地鐵

雖然地鐵人流比巴士多，
但人流帶黎嘅塵點都唔夠路面勁，
地鐵行嘅地方唔會塵土飛揚，空氣質素易於控制，
唔似巴士行路面咁大塵

巴士換隔塵網換得密過地鐵，
我都唔覺巴士空氣比地鐵好

原帖由 Alvin2002 於 2009-5-4 23:26 發表
車廂入面D空氣質素可想而知

其實係度講冇用，
閣下可以揾一d環保機構去抽取空氣樣本

其實港鐵自己一定有做空氣樣本檢測，可能只呈交政府唔會公開，
我甚至懐疑有d政府部門/機構一直有做開空氣樣本檢測

就算俾你知檢測結果又點，
但你作為layperson睇住堆數字係冇意思，
只要堆數字符合國際標準，
你就已經o爹都冇得o爹

所以點解咁多人討厭科學論證??
因為科學論證扼殺左layperson吹水嘅自信、吹水嘅空間

"巴士換隔塵網換得密過地鐵，我都唔覺巴士空氣比地鐵好", 我用返你說話啦, 講係冇用, 你都或者可以搵一d機構抽取空氣樣本, 証明港鐵空氣質素好過巴士.
你話我係layperson, 我承認丫, 但你係唔係layperson呢? 你同我都係一樣o係呢個討論區"吹水".
至於你話搵一d機構抽取樣本, 要科學論証, 我當然支持科學論証啦, 客觀數字永遠畀主觀感覺好, 畀你睇下一篇2000年既報紙報導 (http://www.singtao.com/archive/f ... ord1=&keyword2=), 報導中果位專家兼學者抽取既樣本, 地鐵車站氡氣嚴重超標, 二氧化碳亦都超過環保署訂立既室內空氣指引. 只係港鐵不肯接受用呢個標準, 改為用美國另一套標準. 但係美國呢套標準, 係唔係客觀或者適合香港用呢? 會唔會因為美國都要遷就返當地地鐵質素, 而將標準定得寬鬆一d呢?
另一篇環保署覆立法會既報告(http://www.info.gov.hk/gia/general/199902/10/0210213.htm), 環保署認為"在人多擁擠的地方，細菌含量會較高，但在這些細菌當中，大部分可能只屬非病源細菌，不會令人生病。", 佢都只係敢講d細菌可能唔係致病, 事實係唔係? 佢已經冇再驗. 就算二氧化碳超出室內指引, 都因為"由於乘客只會在地下鐵路停留一段短時間", 所以"不會對健壯人士健康造成影響".
政府有指引, 港鐵唔跟, 反而搵另一套比較寬鬆既標準去跟, 港鐵真係"識轉彎"囉.