問港島線客量

各位住香港島的網友繁時如何乘地鐵上/下班的情況，其實我個人感覺好似港島線都是比九龍/新界的人搭既多，住香港既多唔多人乘港島線的？小弟咁大個仔都好少在繁時乘港島線，好奇想問吓現時港島線上/班繁時的程況；例如多唔多香港島居民使用。小弟所見現時早上荃灣線同東涌線往港島方向的車廂都塞到塞唔入 落車又難落，反觀系尖沙咀站見由港島返過九龍的列車不太擠塞，有時仲有位坐，但唔知由一柴灣過來金鐘的列車系咪都咁塞？

(由於文字上難以表達清楚，所以可能問得怪怪地，敬請原諒)

我有個同事係港島出世港島大，住港島又係港島返工，
而且佢屋企唔算好近地鐵站 (公司就近)，
未有電單車之前都係搭鐵。

我自己返工搭港島線，同大部份人方向唔係太一樣。
返工搭東行好多時過左銅鑼灣就有位坐，
但放工見到東行車進入鰂魚涌站時都一樣多人，
又唔似被過海客壟斷。

其實點都好，至少港島線真係令到地面無咁多塞車先...

原帖由 AD15113 於 2009-5-3 12:43 發表
各位住香港島的網友繁時如何乘地鐵上/下班的情況，其實我個人感覺好似港島線都是比九龍/新界的人搭既多，住香港既多唔多人乘港島線的？小弟咁大個仔都好少在繁時乘港島線，好奇想問吓現時港島線上/班繁時的程況；例如多唔多香 ...

朝早8點半前...西行
過杏花村就冇位坐
到鰂魚涌基本上門與門中間既位置已經滿晒
北角通常只可以清月台上1/3至一半客仔（港島線密過將軍澳線，所以每隔幾班車會勉強清得晒）
而北角好多時排隊長度都長過本身月台闊度（即係幕門同牆之間闊度）
炮台山同天后既客會爆入車廂
銅鑼灣落一成客
灣仔再落兩成客
金鐘落一半
中環落晒咁滯

晚上7點前...東行
中環排隊長度約5-7米，星期五再長d，最長試過15米，去到柱同牆d櫈附近，d人通常唔會上晒，會有人等下班/下下班
金鐘排隊大約排左港島線同荃灣線之間1/3月台，通常上幾個就上唔到.....
灣仔落一成
銅鑼灣落三成
北角落四成
鰂魚涌上番一成
剩番三成後面d站落

呢d都係我坐車既印象，唔可以作準....但大概係咁上下....

[ 本帖最後由 i-Lens 於 2009-5-3 22:31 編輯 ]

早上繁時西行砲台山,天后甚至銅鑼灣間中有上唔到車既情況, 同埋銅鑼灣站都唔少人上車, 灣仔開始多人落車, 然後到金鐘落一半, 到中環落4/5

呢個係我從砲台山到中環既觀察 (08:30 - 09:00不等)

原帖由 mmlcs36 於 2009-5-3 23:08 發表
港島線自早上上年加班至120秒後
已經成為全港班次最密的路線

早上 09:10 左右在太古上車 (第四卡附近) ，好運的話會有空位，否則卡內頂多企七八人。
到北角，有機會遇到將軍澳線，通常轉車客可全數登車 (步速慢的除外)，但亦有機會遇到很吉的北角站月台。
乘客通常在銅鑼灣 - 中環站下車，而四站中灣仔站則最多人登車，包括上班族和去大嶼山的遊客。
過金鐘後會有空位，中環後距離荃灣線電梯 (轉線往上環) 較遠的車卡基本上沒多少人，可隨便坐。

原帖由 i-Lens 於 2009-5-3 22:29 發表
朝早8點半前...西行
過杏花村就冇位坐
到鰂魚涌基本上門與門中間既位置已經滿晒
北角通常只可以清月台上1/3至一半客仔
（港島線密過將軍澳線，所以每隔幾班車會勉強清得晒） ...

6月康城站通車, 將軍澳綫往北角由1小時22班增至24班,
相信到時北角站累積的人潮會比現時更多@@
康城往北角列車載了大量油塘站往港島的乘客,
而下一班已相隔5分鐘的寶琳往北角列車就載了大量將軍澳區往港島乘客~

原帖由 ES464470X 於 2009-5-4 14:07 發表


6月康城站通車, 將軍澳綫往北角由1小時22班增至24班,
相信到時北角站累積的人潮會比現時更多@@
康城往北角列車載了大量油塘站往港島的乘客,
而下一班已相隔5分鐘的寶琳往北角列車就載了大量將軍澳區往港島乘客~ ...

未必....
雖然將線加班....但總計乘客應該冇增加到.....

原帖由 i-Lens 於 2009-5-3 22:29 發表


朝早8點半前...西行
過杏花村就冇位坐
到鰂魚涌基本上門與門中間既位置已經滿晒
北角通常只可以清月台上1/3至一半客仔（港島線密過將軍澳線，所以每隔幾班車會勉強清得晒）
而北角好多時排隊長度都長過本身月台闊度（即係 ...

北角站8:15會有人潮管制
2號月台部分通道實施單向人流
8:41有一班特車清客(23車)
但一定清唔晒月台D人,幾分鐘後龍尾就回到通道
到大約9:15後先做到完全無left behind

感覺上大部份乘客都肯行入車廂中間
則魚涌開出後D人已經盡量唔企近車門通道