[NY, US]紐約巿地鐵半日遊劣攝 (16p)

到紐約觀光，當然不得不搭紐約巿聞名世界的地鐵。




Grand St Station上車。紐約地鐵歷史悠久，加上保養質素一般，可見車站設施相當殘舊，沒有扶手電梯，
更不要說升降機了。圖中可見，車站兩軌道之間用上鐵柱，以穩定結構。

月台的狹窄程度，不用多說。


對面月台的列車。


等了超過六分鐘，終於登上Line D的列車，月車為R68，1986-1988年間建造，內籠還可以，但比起翻新前的香港地鐵列車，還差上好幾十倍。


Bleecker St Stn拍攝對面月台Line F的R160A列車，投入服務不足四年，但完全不像新車，內籠比起港鐵東涌線的西班牙製列車還要殘舊。


Bleecker St Station同樣未裝上扶手電梯，要轉車，請步行，日日行樓梯身體好。


到了車站另一邊轉乘Line 6的列車。月台同樣狹窄，燈光略嫌不足。大家可能奇怪，為甚麼只得一邊月台，另一邊封了的？原來Bleecker
正進行翻新工程；和香港不同，這裏一做翻新，就要封掉半個車站，搞到Line 6只有下行方向停這個車站，Line 4、5雙向及Line 6上行一律
飛站，工程好像要到2011年才完成。


之後搭四個站來到Bway-Nassau St Station，再轉Line A到Chamber St Station，沿著隧道直通WTC Station。這裏不知道是否太多hippies，
整個車站（特別是樓梯位）都充滿垃圾和尿味。


Line E的R42列車，已有接近40年歷史，非常殘舊，待R160A/B全數投入服務後就會退役。


之後在世貿遺址一帶觀光，然後在Rector Street Station登上Line 1列車，前往42nd Street Station。上圖為本人當日乘搭的R62A，於1984
至1987年間投入服務，內籠還勉強可以。


42nd Street出閘，前往時代廣場。


時代廣場車站外攝。




之後搭一個站S Line（這條線全程只有兩個站，使用三卡列車行走）。


列車高速入站。


數分鐘後，到達42nd Street/Grand Central Station。


剛才乘搭的列車，為R44型，1971-1972年製造。

後記：

比起美國其他城巿（例如洛杉磯）的地鐵，紐約巿地鐵的質素總算不過不失。不過，從列車、車站的保養質素，
以及車站某些位置傳來的各種惡臭，就可以知道紐約巿政府管理地鐵，並沒有香港追求卓越的那種態度。相比之下，
香港地鐵的服務質素，絕對是達到世界級水平的，但願大家知足常樂。

完全同意最後果幾句！
紐約市地鐵其中一個問題係佢唔同香港可以用深宵做 maintenance，因為紐市地鐵係行通宵既。於是一有 maintenance 就要o係 weekend 做，成日都搞到 d 線要轉晒 track，local 變 express，express 變 local……亂晒大龍。最經典係有一次因為工程要改 track，成條 5 號線由 lexington avenue 搬過去 broadway / 7th avenue 行，即係同 1/2/3 線同路，都唔知玩死幾多乘客。
補充一下，紐約地鐵既線路部份以數字命名 (1,2,3,4,5,6,7 號)，其他以英文字命名，係同車型大小有關的。數字線因為路軌 infrastructure 所限，要用短車，一卡三組門；字母線就用車大 d, 一卡四(至五)組門，闊度都好似唔同。以前呢兩組線屬兩個唔同 system，後來架構重組後先歸 MTA 管晒 (MTA 同時管埋紐約市巴士，長島鐵路同埋 MetroNorth 鐵路)
S 線係 shuttle，唔係一條線，紐約地鐵除左呢條 "42nd street shuttle" 之外，仲有好幾條 shuttle, 印象中 brooklyn 有一條，rockaway beach 有一條，全部都係叫 "S".
42nd street 呢條，軌道上有地方同 1/2/3 線連接，係 1/2/3 線負責派車既。
暫時用車最舊既應該走唔甩 B/C/D/E 線，六十年代車，condition 恐怖都不堪。1/2/3 線，尤其係 2 線，就有一堆千禧後既新車，1/3 就主要用樓主影到 80 年代既車。
用車最新包括 4/5/6, L 同 N 線，尤其係 L 線，基本上做左 NYC subway 既先頭步隊，有咩新車、新 system (例如香港用左好耐既預告下班車幾時來既 system) 都o係 L 線上試。
去紐約搭地鐵不得不提佢既 local / express 系統，其實都幾複雜，因為同一條線o係 manhattan 行 express，去到 brooklyn / the bronx 可能行 local，相反亦然，真係要好熟先會知道點搭最快。而o係 manhattan 南北走線，因為有五條主線選擇 (由最西開始，分別是 A/C/E 既 8th avenue, 1/2/3 既 7th avenue, N/Q/R/W 既 Broadway，B/D/F/V  既 5th avenue, 4/5/6 既 lexington avenue)，揀搭咩線更加係一種好有趣既選擇過程。車較新但迫人到死既 4/5/6，定係車較密、express 較快既 N/Q，定係落點就腳既 1/2/3……要玩都真係幾多野玩

樓主有冇影費城地鐵？相比起紐約，費城地鐵既 situation 仲差... 唯一係 d 車靚少少。紐市地鐵，算係咁 lu。

紐約唔單止地鐵舊，大部分基建都日久失修，
以香港人角度呢d地方點住得人

但係中國人嘅生於斯長於斯一句，竟然最能體現係外國人

911個陣所有紐約市民都不禁激動熱淚，
佢地嘅奮不顧身、團結精神，
足見佢地對紐約係充滿感情，充滿使命感，
即使紐約周圍污糟邋遢，犯罪率高企，
佢地都引以為榮

倒番轉香港人，如果國金被人炸，
一係幸災樂禍都黎唔切，一係就玩blame game，
一係冷眼旁觀，一係移民，
自私自利，貪生怕死

[ 本帖最後由 Kaix 於 2009-5-9 23:30 編輯 ]

原帖由 Kaix 於 9/5/2009 23:28 發表
倒番轉香港人，如果國金被人炸，
一係幸災樂禍都黎唔切，一係就玩blame game，
一係冷眼旁觀，一係移民，
自私自利，貪生怕死

咁未試過又好難咁講既... (而且沙士果次都唔見得咁)

而且有 D 香港人覺得，當個政府唔係你用選票選出來，
國金入面 D 人又淨係識得剝削自己，又好難怪佢地咁諗架喎。

閣下o既介紹同樓主o既相同樣精彩!

樓主d 相中, NY 地鐵真係好似Matrix 入面一樣!

又講返轉頭, 地鐵咁o既環境, 換著我係開車族, 都多一個理由唔搭地鐵, 繼續開車, 要少d 塞車, 睇來整靚個地鐵都有幫助

原帖由 AV115 於 2009-5-9 10:47 發表  去紐約搭地鐵不得不提佢既 local / express 系統，其實都幾複雜，因為同一條線o係 manhattan 行 express，去到 brooklyn / the bronx 可能行 local，相反亦然，真係要好熟先會知道點搭最快。而o係 manhattan 南北走線，因為有五條主線選擇 (由最西開始，分別是 A/C/E 既 8th avenue, 1/2/3 既 7th avenue, N/Q/R/W 既 Broadway，B/D/F/V  既 5th avenue, 4/5/6 既 lexington avenue)，揀搭咩線更加係一種好有趣既選擇過程。車較新但迫人到死既 4/5/6，定係車較密、express 較快既 N/Q，定係落點就腳既 1/2/3……要玩都真係幾多野玩  

http://www.mta.nyc.ny.us/nyct/maps/subwaymap.pdf

咦, 我o係上址搵到o既路線圖, 裏面o既B/D/F/V 好似係行6th avenue 喎, 而唔係5th av. 
而剛剛發現, 原ny subway d 站名除左由兩條街名組成之外, 仲要加上停靠o既路線名, 真係水蛇春咁長! e.g. 14 St–Union Sq L•N•Q•R•W•4•5•6

原帖由 leochill 於 2009-5-10 08:37 發表
閣下o既介紹同樓主o既相同樣精彩!

樓主d 相中, NY 地鐵真係好似Matrix 入面一樣!

又講返轉頭, 地鐵咁o既環境, 換著我係開車族, 都多一個理由唔搭地鐵, 繼續開車, 要少d 塞車, 睇來整靚個地鐵都有幫助 ...

One scene of matrix was filmed at the concourse of Museum Station at Sydney.
An earlier scence was filmed near Martin Place station as well.

原帖由 AV115 於 2009-5-9 10:47 發表
去紐約搭地鐵不得不提佢既 local / express 系統，其實都幾複雜，因為同一條線o係 manhattan 行 express，去到 brooklyn / the bronx 可能行 local，相反亦然，真係要好熟先會知道點搭最快。而o係 manhattan 南北走線，因為有五條主線選擇 (由最西開始，分別是 A/C/E 既 8th avenue, 1/2/3 既 7th avenue, N/Q/R/W 既 Broadway，B/D/F/V  既 5th avenue, 4/5/6 既 lexington avenue)，揀搭咩線更加係一種好有趣既選擇過程。車較新但迫人到死既 4/5/6，定係車較密、express 較快既 N/Q，定係落點就腳既 1/2/3……要玩都真係幾多野玩

樓主有冇影費城地鐵？相比起紐約，費城地鐵既 situation 仲差... 唯一係 d 車靚少少。紐市地鐵，算係咁 lu。

紐約地鐵的確相當複雜，而且又完全不像香港，車站並沒有清楚顯示列車的方向
與停站資訊，結果我當天在紐約最後一程地鐵，竟然把B/D Line和F Line撈亂，
搭錯車，要上回地面步行十多分鐘（幸好也不算太遠）才回到原來的地方。

從這個角度而言，香港地鐵的乘客資訊傳遞的確做得相當出色，既有顯示屏之餘，
月台上到處又有大大張路線圖。紐約？只靠真人廣播。所以那天搭了一班Line 6的Express，
全車乘客都在O嘴……

還有，紐約地鐵（其實全美國不少大城巿都如是）有許多人遊蕩，治安亂七八糟，
那天在Line 6（如無記錯），列車在其中一個車站開行後，在我站立位置三米距離外
突然有一個黑人（按：我不是在這裏advocate racism）打鼓唱歌，雖然唱功相當不錯。
到站前，他還叫乘客please take care of your belongings as there are lots of thieves around，
換著是香港，可能早已被抓。

本來都想搭費城地鐵，不過那天在U Penn探畢朋友後已經是夜晚十一點，朋友「強烈建議」
我「千祈唔好搭地鐵，行路最安全，因為地鐵好多random people」，費城地鐵的情況可想
而知。結果我由36th street一路走了差不多二十個街口到16th street的酒店，花了半小時。

原帖由 Kaix 於 2009-5-9 23:28 發表
倒番轉香港人，如果國金被人炸，
一係幸災樂禍都黎唔切，一係就玩blame game，
一係冷眼旁觀，一係移民，
自私自利，貪生怕死

幸災樂禍就未必（話時話，911果陣的確有一班中國人見到飛機撞
世貿之後拍手歡呼，最後好似全部被逐離境），但係自私自利、貪
生怕死，就絕對係大部分香港人的特質。

但係，雖然美國社會相當分化，相當polarized，但係美國人對國家
的歸屬感，不論政治取態，都相當強烈。儘管我不過是一個手持J-1
student visa的香港人，但是身處紐約世貿遺址時，實在被那種氛圍
感染，為著這場深重的災難，為著眾多紐約巿民、特別是救援人員的
犧牲，為著紐約巿政府對死難者的關切和重視，心中實在有一種說不
出的激動。

香港同樣會對為大眾犧牲的人員，例如SARS期間犧牲的醫護人員、
和去年彌敦道五級火犧牲的消防員，致以崇高敬意，但那種敬意，
似乎都是短暫的，現在巿民經過這些地方，哪裏還會第一時間記起
這些毫不起眼，但為大眾付出了生命的人？

順便貼幾張世貿遺址的照片（最後三張雖然離題，但因提及，
亦希望板主准許貼出）：


PATH（連接Manhattan與鄰近Jersey City、Hoboken和Newark的捷運系統）位於紐約世貿遺址的臨時車站，原來的terminal在911中被
毀，這個是臨時車站，於2003年11月啟用。


PATH車站裏，紀念911中犧牲的救援人員的國旗和花圈。國旗上印滿了為911犧牲的救援人員的名字，不斷還有人來擺放鮮花。






一切一切，足見紐約巿對犧牲者者的思念和尊敬，足見紐約巿的solidarity。

原帖由 leochill 於 2009-5-10 08:37 發表
閣下o既介紹同樓主o既相同樣精彩!

樓主d 相中, NY 地鐵真係好似Matrix 入面一樣!

又講返轉頭, 地鐵咁o既環境, 換著我係開車族, 都多一個理由唔搭地鐵, 繼續開車, 要少d 塞車, 睇來整靚個地鐵都有幫助 ...

多謝支持。

不過紐約巿的路面交通情況實在非常糟糕，以致許多時候，地鐵成為唯一可靠的選擇。因此，
紐約巿地鐵經常見到西裝筆挺的有錢人乘搭，有別於其他美國城巿，地鐵一般都是沒錢沒車
的窮人或者學生（例如我這些）專享。