尋日搭64k 既一些分享

話說我與友人尋日響上村球場等64k ,等了都好一會兒仍未有車到, 搭慣64k 都知道佢稍後應該會拖卡來, 結果一如所料來了兩部ATS , 第一部接客既, 車上的人都要企, 於是我與友人上了第二部,一如所料,車上得10幾個客~~但奇就奇在, 係之後去大埔既路途上, 我坐既呢部車點都唔肯過前車 , 即係可以過都唔過, 前車埋站, 佢又埋站, 就算無客上/ 落, 佢都唔過, 其實, 我在想: 既然架車咁空, 點解唔過前車, 因為係果個時段,新村, 鍾屋村, 放馬莆呢些站勁多人上車, 最後結果是, 前車搞到要頂晒閘, 而我坐果部車上層右手面的位全部都是空的, 而最搞笑係 係之後一個回旋處, 我見到前車既乘客見到我坐部車時, 個樣真係勁無奈~

講真搭了64K 20年,第一次有咁既程況發生, 我覺得真係好浪費資源~

大家都係同一條線，做到咁無品，有乜謂
出黎做野其實做多做少有咩所謂，樣樣怕蝕底邊會有朋友

原帖由 32 於 2009-5-10 13:22 發表
大家都係同一條線，做到咁無品，有乜謂
出黎做野其實做多做少有咩所謂，樣樣怕蝕底邊會有朋友

係囉
搞到咁樣倒頭來可能俾人排斥tim

原帖由 bewin2009 於 2009-5-10 12:55 發表
話說我與友人尋日響上村球場等64k ,等了都好一會兒仍未有車到, 搭慣64k 都知道佢稍後應該會拖卡來, 結果一如所料來了兩部ATS , 第一部接客既, 車上的人都要企, 於是我與友人上了第二部,一如所料,車上得10幾個客~~但 ...

呢個情況都算常見 , 特別係一d後備車長番64K 時 , 往往都唔願做而跟住後車
其實咁真係有d「哂氣」, 跟住前車又令自己行車時間都減慢
到前車頂閘 , 自己又要額外花時間載埋剩餘o既站o既客 , 咁樣真係慢上加慢
仲有如上面講 , 咁樣做真係會受其他車長排斥.. 有點不智

[ 本帖最後由 jd2522 於 2009-5-10 14:26 編輯 ]

有時可能係制度上既問題令到車長無心同你做...
萬一某個站爬頭時, 有人想上後車或者前車剛頂閘上唔到, 隨時比人投訴都唔奇...

而我自己見過一次九巴118早更收工單, 有部後車想係裕興樓站擒前車, 當時兩車都唔多客, 誰知有個客殺出截後車
而前車師傅(望落資歷應該深好多)極到不滿後車做法, yap晒手叫佢跟尾, 梅花間竹一定大家得益, 但前車唔like都無法
其實有時可能唔係個個「老前輩」都想你爬頭落自己面, 或者後車師傅真係左右做人難都唔出奇

反而對面海師傅呢d情況真係易做好多, 大多師傅比人過都無乜所喟, 你讓人時人讓你, 個個更份唔同, 人地趕食飯飲茶收工咪比人行先
只要做足規矩未到站位唔過就唔驚投訴

試過搭64K往元朗方向..只係一段短短的錦上路到西鐵站..
已經1,2分鐘見到一部64K....

駕九巴唔同駕小巴，駕九巴唔會因為踩得快，行多幾轉而有得益的。

聽我爸講，為什麼有些人寧死不爬頭，係唔想自己早返到總站，畀站長踢出去繼續行，損失原有的休息時間。
可以話係自私，但對某些人而言，佢都係搵餐食嗟，唔會同你賣命。

我爸駕駛的路線，車疏、交通繁忙，冇乜可能追到前車，拖到卡一定係大塞車，到時唔到你話唔踢車。

亦有一個宏觀少少的角度，就係管理層見到某線原來可以比預定時間更快完成行程，
就會cut時間，到時全條線一鑊熟，萬一交通不暢順，就趕唔切返總站，休息時間又少了。

樓主,唔評論你的情怳,現實想講,64k班次都幾密,尤其是大埔公路個段,勁多人上車,連小巴載唔灑,64k去執死雞了