中大校巴 - 超載問題

近日網上流傳「中大校巴司機」一文，各位點睇？
同埋有無人知中大校巴夜更司機有幾多個？



希望比每一個會搭校巴的人睇下

話說今晚九點四十分既時候，我係中大本部想搭校巴落番去火車站，在晚上校巴的班次很疏，但人龍很長，然而感謝神，我成為最後一個逼上校巴的學生，誰不知原來我上了一架比過山車更加危險的東西

同車既人開始講點解晚上班次咁疏，司機無奈咁話之前碩士課程係有筆錢加開晚上既校巴架，但之後碩士課程話只係CC度上堂, 所以CUT左筆錢，奈何因為好多教材都係山上, 唔會TRANSFER落去山腳，所以都係NA個D上堂，可惜無加番錢

司機好無耐講其實超載好嚴重, 根本踩"BIG力"架車都係唔會停, 因為太重, 佢示範左好多次比我地睇，佢話只有司機知道每晚冒著咁大RISK, 背負咁多人命的重責，高層唔會明白，出事既話只會鬧司機，由佢地BEAR個責任

另外，因為上落客擾讓得好長時間, 結果佢地係由晚上六點半正DRIVE到接近十二點都係無得休息, 廁所都去唔切，免得遲左開車被投訴，加上路又彎而且又窄，開車又唔夠膽開放，但又要追趕番因為上落客延誤既時間，司機佢好強調每晚都驚有意外，因為每晚接載咁多條生命

如果唔係聽到司機既故事，我真係估唔到司機背後原來咁大壓力，仲要係個"BIG 力"係超載既情況下係唔WORK!!

司機無奈地一路講一路示範架車係佢踩左BIG力之後都繼續行既情況，佢話係車入面貼個Ｄ嚴禁超載既告示係無意思，大家咁晏放學個個都趕住走，唔通每一次都同Ｄ學生吵架咩？唯有係心入面希望車程順利！

聽完司機既故事，好想為佢地發聲，同時都想為我地自己呢班乘客去發聲，雖然小貓三幾隻未必做到甚麼大事，但一定要比大家知道司機背後係好大壓力，而呢個壓力唔係來自佢地個人既問題，而係個環境逼成佢地咁！！！

如果你睇完司機既故事係有所觸動既，不妨一齊諗下點樣回應佢地既故事，最簡單既係讓更多中大同學知道司機既苦況，減低自己對司機既”意見”！

Iris 的話: 司機叔叔....辛苦了。 我以前都有怨過等校巴等好耐...不過好少諗...比起你地每日要屈o係架校巴入面幾個鐘...我企gor幾個字根本唔算得d咩....希望全中大gei人都會明白你地gei付出。
多謝你地

大家睇完就轉post la!!! 希望多d人會支持kui 地!!


中大學生會回應「中大校巴司機」一文                                                        Sat, 05/09/2009 - 04:05 — 網站責任編輯        近日，互聯網上所流傳一篇名為 ''中大校巴司機''的文章，內容提及中大校園內的校巴服務嚴重不足而導致超載，對乘客及司機的生命構成危險。當中最令本會身同感受的是提及司機即使煞車，但在嚴重超載下仍然行走。中大校巴服務一直以來不盡完善，備受非議。本會過去就校巴收費、校巴質素及車站環境皆為同學爭取更優質的服務。針對是次文章指出的問題，本會有以下措施作出跟進：

1. 本會將去信交通組及交通諮詢委員會，要求校方就文章所提及的問題作出詳組交代。

2. 本會並會向交通諮詢委員會 提交建議方案，分別就繁忙時間校巴服務班次、校內和外判校巴的協調，以及校巴員工福利作出改善。並承諾建議書在下星期三前提交，並在學生會網上同步發放。

3. 本會亦會向校方爭取在整體中大交通情況的管理、意見表達及資訊發放增加透明度；改變現時各部門閉門造車，對於實況懵然不知的劣況。

原帖由 053h4 於 2009-5-10 21:55 發表
中大校巴有沒有電制動系統? 架車日日超載落山持續落斜, 個brake過熱就好危險

校內既車唔覺有,
不過批車係好殘,
行到散下散下

有個中大朋友話:不如整條"SIR滑梯"落山,
依家都唔夠班次

這篇文章我早前也看過幾遍，但一直半信半疑。
其實中大校巴真係咁容易超載？
唔計兩架新亞車身（47座+12企），
其餘捷聯車身的法定載客人數都係46座+22企，
中港車身兩輛都好似差不多（有錯請指正）。

以我所見，即使乘客好自律地行入下車門以後的空間，
令整個車廂迫到插針都唔入，也只能容納約20位站立的乘客。
對於中大大部分校巴車隊來說，68人這法定載客人數其實唔係咁容易可以超過。

究竟文章所指有問題的校巴，是否只限於那兩部法定載客量特別低的新亞車身呢？
抑或是68人這法定人數已經超出車輛本身所能承受的重量，令問題遍及整個校巴車隊呢？

再者，有一天我聽到校巴司機吹水，
某部車出現了一些很小的問題，但司機都馬上駛去大昌行修理。
另一邊廂，如果文章所說屬實，冇brake咁大問題，司機又會真的坐視不理嗎？

多人時踩brake架車唔停／停唔切，此乃正常，
但講緊條路係由富爾敦落到火車站1.2公里，
唔止停車要brake，係全程都要就住就住，都幾係嘢。

司機有壓力唔出奇，但我懷疑司機如何示範「踩brake都唔停」？好危險喎。
如果真係踩brake都唔停，咁五低、UGym兩個站咪晚晚飛站？

似乎夜晚車疏時，會有更多人願意迫入架車，至於有冇超出法定限制，或法定限制已經不太安全，就不得而知了。

原帖由 070179620 於 2009-5-11 17:56 發表
個人估計: 從站友底線果句,中大可能嫌電制動系統(或廢氣煞車系統)維修成本高,寧願慳番筆錢......
(以上內容純粹估計,實際情況都係等更多熟識中大校巴嘅站友解答)
ps: 其實廢氣煞車系統維修成本只係幾百至千多元( ...

我覺得姐, 不過小弟通常係行落山