呢位小朋友的生日會... 有點誇？

對於父母點樣教子女，點都唔關我地事架啦
不過，租兩架雙層城巴，點都平過租4架單層，呢個係城巴既做法
如果呢兩架雙層變成4架單層，唔知各位又會點睇?
唔係一定租雙層車就貴喎

原帖由 kay 於 2009-5-12 10:35 發表
對於父母點樣教子女，點都唔關我地事架啦
不過，租兩架雙層城巴，點都平過租4架單層，呢個係城巴既做法
如果呢兩架雙層變成4架單層，唔知各位又會點睇?
唔係一定租雙層車就貴喎 ...

如果係單層，我諗佢情願唔租啦....

其實就我現場所見，賓客的數量應該大約有 50 人...
其實包一架車都夠... 當然或者預多好過預少，所以包兩架。

其實租城巴唔係好貴，我諗好難話佢係租巴士上太豪....
只係排場同意識形態上的問題~

P.S. 小弟發現 #1 新 look 已出現在城巴網頁~
http://www.nwstbus.com.hk/content/default.aspx?intLangID=2&section=routes&page=privateHire

依家d細路搞個生日會都幾乎可以貴過人地搞個婚禮, 咁呢兩個細路第時個婚禮咪......

我舊年同個女仔搞個生日會, 25個人包油麻地一間樓上Cafe連飲品食物(熱食)都只係$4000, $7500去麥記又真係貴左d.

人地點搞生日會我地真係理唔到，就算點豪爽都係人地既事
或者第時人地直情買架巴士都未定，但唔到我地理
但將來那位小朋友希望佢真係可以回饋社會
有錢同冇錢，其實都係只係差一線
最重要都係佢品格各方面，有時d野錢就唔可以衡量
可能係小朋友既意願，個阿媽先至盡顯母愛，留低一個好印象
但母親節，好像有點本末倒置
不過樣樣都唔緊要，最緊要安全
攝影師真係好危險，倒頭來生日會有悲劇發生，真係大吉利是
其實，雖然講明上層不得企立，又有幾多遵守呢？
仲有，德立街只係得兩條線，就咁擺左兩架車，咪塞晒後面d車？

原帖由 LM1933@641 於 2009-5-12 15:29 發表
人地點搞生日會我地真係理唔到，就算點豪爽都係人地既事
或者第時人地直情買架巴士都未定，但唔到我地理
但將來那位小朋友希望佢真係可以回饋社會
有錢同冇錢，其實都係只係差一線
最重要都係佢品格各方面，有時d野錢就唔可以衡量

其實我諗真係唔好將件事越講越誇張了...
依度好多人好似要教人個仔/教人點教仔咁....

其實呢度唔少版友(包括我)都仲好年輕, 與其"擔心"那不認識的4歲小朋友
的將來, 大家不如關心下自己, 諗下自己點發展, 點品格, 點可以回饋社會,
仲好仲實際吧...呢d事, 唔係易事...做好自己, 已經係最好的回饋社會

講返, 那攝影師動作真係非常危險, 司機應該禁止@@
巴士公司呢門生意, 其實亦真係幾好做...小朋友生日都可以做埋...

以常理黎講係可能誇張, 咁人地覺得洗得有意義o既咪得囉,
對我地外人又無影響o既, 無謂計較啦.

就等於, 假設有對新人要租兩架開頂巴做花車, 一架載滿親朋好友, 但係另一架就只載新人兩個人載唔滿, 咁又係咪徙錢先?
或者巴士對當事人有特別意義, 如果又支付得起, 點解唔可以大條道理地租呢? (都要幾疊水啦)

當然, 4歲就的確可能會無乜印象, 我自問4歲點過生日都無晒印象啦, 或者21歲先搞就合理化o的?

不過我最好奇, o係老麥搞到7000埋單, 食左乜咁多咁犀利呀,  燕窩漢堡包??