特首對六四的言論

想跟大家分享一下兩篇文章。

蔡子強：記憶與遺忘
http://news.mingpao.com/20090604/fac1.htm

隨覑年月過去，人類無疑是較前文明了，再容不下如此赤裸裸的手段，於是，獨裁者以及其助拳者，亦慢慢變得比以前更加狡黠，把歷史、是非模糊化的手段亦變得更加高明。於是他們會問：
．屠城這個形容詞是否貼切﹖
．天安門廣場有沒有死過人﹖
．照片中被坦克輾過的那具屍體是平民抑或是軍人﹖
．坦克炮管裹了油布因此怎能說坦克殺人﹖
．學運領袖「走佬」有否道德責任﹖
．李卓人拿錢上北京會否令學運變質﹖
．今天的中國是否比起20年前更加繁榮和富庶﹖
原來，昔日的鐵證如山，只要稍一鬆懈，便可以一下子變得像今天某些人口中的對錯難辨。

程翔：香港：中國的良心 - 紀念六四事件20週年
http://news.mingpao.com/20090604/fad1.htm

所以我們就看到一個怪現象：生活在資訊封鎖的大陸的同胞，卻是冒覑很大風險拚命去保存歷史，努力還原歷史真相。可是生活在資訊開放的部分香港人，卻選擇通過淡忘、模糊歷史去為當權者洗脫罪責。

希望大家能夠獨立思考，別被其他有心人士的言論和想法蒙蔽，別因此而看不清楚甚麼是對、甚麼是錯、輕重不分。

心血來潮
一氣爬了百多篇回文

有人質疑香港人淨係一面倒支持學生
我諗六四呢個題目諗咗好多年
都係覺得
就算有個小朋友做錯咗乜嘢事
阿爸阿媽都冇理由連續"砰砰砰"將小朋友射死

再者
我唔覺得當年的"小朋友"
係做錯咗咩事
對國家有呢d訴求有咩問題

都聽有大陸同學講過
同樣ge事情發生喺外國
佢哋一樣會咁鎮壓

對唔住
我真係未見過外國會用軍隊
荷槍實彈KO自己嘅國民
嗰d係軍隊喎
唔係防暴警察

諗諗下都唔係
極權國家咪有囉

平反六四其實係俾中共機會
解除一個禁忌
好好諗下自己做錯咗d乜野

仲有一件事...
你話六四唔急於平反
但你唔係喺事件入面有小朋友死咗嘅父親母親啊
點解要到全部人死哂
你先肯去平反?

又有人話民主唔一定好
要付出代價
係ga
不過我覺得喺民主嘅地方
付出嘅代價未必會係活生生嘅人命囉!

六四話俾我聽
喺極權國家
意見唔同隨時俾人"啪死"
六四係因為要求政府進步所以死
我點都下次會係咩原因?
我唔願意我自己、同身邊所愛嘅人受呢d壓力

爭取民主係要抗爭的
但你估香港人咁務實
有普選之後
上台嘅會唔會同中央對著幹嘅人呢?
到時冇point亂up的人又有冇市場呢?
我覺得唔會囉

最後想講嘅係
有d學運中人或者有私心、甚至有企圖(不過sorry, 我搵唔到證據)
但中共鎮壓六四
本身係一件唔公義嘅事情
我哋先要爭取嘅係公義
小節唔應該成為爭取公義嘅障礙
如果要算小節的帳
以後還可以慢慢來

原帖由 S3BL100 於 2009-6-4 13:28 發表
想跟大家分享一下兩篇文章。

蔡子強：記憶與遺忘
http://news.mingpao.com/20090604/fac1.htm



程翔：香港：中國的良心 - 紀念六四事件20週年
http://news.mingpao.com/20090604/fad1.htm



希望大家能夠獨立思考，別被 ...

剛剛一口氣睇完果兩篇明報既文

到今時今日 , 趙紫陽段錄音終於公開
證明上面都仲有番些少既公義係到既

不過亦都睇到鄧小平係有幾咁兇悍 , 同埋係另類途徑得知當年李鵬係審核批文果陣貪污無數

首先悼念一班六四中受中共坦克暴力對待的學生。
平反六四, 係一件要做嘅事, 但係可唔可能響現今呢個極權社會發生呢?
要知道, 要中共平反六四, 即係承認當年暴行, 承認此場為愛國民主運動, 並非動亂。李鵬當年咁強硬嘅態度, 如果平反, 佢都幾大獲, 中共有冇可能響佢仲在生時咁對呢個前總理? 再加上響一個共產極權國家, 核心就係共產主義, 要民主運動響一個共產國家發生, 係一件好難發生嘅事。所以六四要平反, 要點時間。
其實諗清楚, 建制派話要了解清楚成件事, 唔應該妄下判斷話平反六四, 但係時間愈耐, 証據愈少, 似乎表面要港人睇清事實, 暗地裏想証據隨時間消失, 等港人忘記六四。

希望大家依然不忘六四。

原帖由 S3BL100 於 2009-6-4 12:37 發表

有咩問題？你認為佢地搞咩事？

我只係想講, 如果因為反共而支持/平反六四只會令中共繼續封殺,
我覺得中國發展不過短短幾十年, 好多野都唔可以完全民主,
六四有傷人死人屠城我相信係事實, 不過延續六四理念就唔應該有推翻共產理念,
一來無可能, 二來我地既心聲都無可能令中共受諫

原帖由 S3BL100 於 2009-6-4 12:37 發表
既然你唔清楚六四，又何以下定論「當時的確混雜左一批搞事既人係入面擾亂治安」？

未必係學運人士搞事, 而家北京有D流民乘機搞事,
影響北京治安

我無親眼見到, 但都有聽電台當時親眼目睹既傳媒者既分享.
唔清楚, 掉轉黎講係知道事實既大部分, 有邊個可以企出黎話自己清清楚楚?

同樣地
先悼念一班六四既受害者先...

唔知今日有冇人有睇議事論事呢?
當中我幾認同游清源所提及,中共對平反六四既難處
就係對鄧小平既評價
若果處理得lee個問題唔好既時候
又會有一場大風波

唔知大家有冇睇到一個紀錄片叫"天安門"呢?

鄧小平反而唔難, 因為佢已不在人世。反而最大"主腦"李鵬同佢嘅接班人江澤民就難搞d, 因為平反六四, 要考慮到佢地嘅聲譽。
死者己矣, 無謂追究(所謂死者是指鄧小平, 並非六四受害者)。在生的, 又要保氣節, 六四平反, 還要點時間

就#154提出，共產與民主好似係對立的概念，其實不然，共產主義係對應資本主義，民主係對應獨裁。
一個有民主的地方，可以選出行共產路線的領導人，這本身不是一個問題。

問題出在中共係「專政」，亦即#154所講的「極權」，黨大過國、黨指揮槍，
簡單來講即係皇權制度借屍還魂，由一個人的皇帝變成好多人的「黨」。
咁重衰，唔可以話前朝皇帝死咗就大特赫，又或者賢君上場就國泰民安，永遠都會有一些事因為前朝的人未死晒而不能翻案。

關於中共的做法、立場，大家都心知肚明，我都唔想多講，唯有將希望放在明天。
我要一再重申的一點是，不正視過去，等於沒有將來。
假如中共真係覺得「鎮壓」係正確的話，何以閃閃縮縮？

原帖由 SunnyJacky9094 於 4/6/2009 22:52 發表
鄧小平反而唔難, 因為佢已不在人世。反而最大"主腦"李鵬同佢嘅接班人江澤民就難搞d, 因為平反六四, 要考慮到佢地嘅聲譽。
死者己矣, 無謂追究(所謂死者是指鄧小平, 並非六四受害者)。在生的, 又要保氣節, 六四平反,  ...

1. 如鄧小平確實下令出兵鎮壓，則佢在此事無可原諒，
確屬事實；但我地亦應該明白佢本身被毛澤東、江青佢地
鬥左咁多年，對任何疑似紅衛兵既局面，佢都會極之敏感。
而且佢至少同中國開左一條出路，呢個貢獻唔可以抹煞。
我認為正視「鄧小平下令出兵」呢個問題，唔應該影響到
佢個歷史評價。畢竟民主化並唔係打天下既人擅長既事。
頭先喺維園聽到熊焱果段說話，雖然似為現政府留面子，
但亦似乎太過為要追究鄧小平責任而將佢評價得唔係好公
平。須知趙紫陽本人都唔認為追究責任對平反有幫助。

2. 李鵬同江澤民退得似乎相當快同徹底，胡錦濤同溫家寶
相當迅速取得權力。而且除左李鵬之外，歷任總理似乎都頗
得民心。要「清算」李鵬相信唔係太難，而其他第三代領導
人 (包括江澤民同朱鎔基) 某程度上同「六四」又好似無乜
關係。反而近年同六四最大關係既高級官員，應該正正係同
趙紫陽最跟出跟入既溫家寶。六四平反與否，有可能要睇溫
家寶取向 (除非有實據證明此人出賣趙紫陽，否則唔需要等
佢過世)，多過李鵬死得未。

原帖由 DIH 於 4/6/2009 23:40 發表

問題出在中共係「專政」，亦即#154所講的「極權」，黨大過國、黨指揮槍，
簡單來講即係皇權制度借屍還魂，由一個人的皇帝變成好多人的「黨」。
咁重衰，唔可以話前朝皇帝死咗就大特赫，又或者賢君上場就國泰民安，
永遠都會有一些事因為前朝的人未死晒而不能翻案。

關於中共的做法、立場，大家都心知肚明，我都唔想多講，唯有將希望放在明天。

咁講不如直接嗌「打倒共產黨」。

不過你提醒左我一點，就係中共而家想整既硬性
派系輪替制度有漏洞。我總覺得下一代領導班子
(以習近平為首既一群) 似乎又無胡、溫果種
溫文爾雅既氣派。我有少少擔心呢班人上台後，
對六四取向又會轉趨強硬。