特首對六四的言論

曾蔭權不代表我~~~~~~ 講完﹗

家人說 : 六四可以淡化嗎

各位後生仔, 要對六四多認識, 唔好靠官方資料
官方資料是有=無, 一句 春夏之交的政治風波, 是動亂就算

現在的中小學生在六四後出世, 只能靠二手資料接觸六四
政府想為他們洗腦, 好簡單, 在國民教育/中史課課程做手腳便行
到時就會有更多年輕人不認識六四, 上堂講什麼就信什麼
最終影響爭取平反六四的工作

對此等人渣級0既政治人已經失去信心
(開始覺得呢位特首比前任姓董0既,表現更加人渣...
小弟都諗唔到其他比「渣」更好0既形容詞0黎形容佢...)

事實上年年6．4晌維記0既悼念活動
已經令政府0既「洗腦工程」完全失敗...
(「全世界都在看~」:我地對6．4呢件事0既睇法...)

再講一次,6．4事件已經被當年見到直播畫面0既各位
記錄在案......[當日0既電視畫面,相信網上一搵就有...],根本不容抵賴
[連C.Y. Hsu 0既<The Rise of Modern China>(高考世史用書,6版)
都寫成章篇幅講6．4,教科書想篡改歷史?佢地d良心真係幾毫子一斤[俾政府包銷!]...]

香港人最重要0既資產係「可以改變中國未來0既力量」
孫中山當日晌香港搞革命如此,我地各位今日都如此
中央政府怕0既正係香港人呢種「可以連政權都推得倒」0既理性力量
不過,呢樣0野先係我地比各地0既中國人更優勝0既地方
(事關除香港以外,其他中國人0既社會都係將洗腦當平常
而半點疑問、半分0既理性思維都無...)

拜託各位香港人唔好隨便將呢份歷史留落0黎0既「資產」敗0左去
對歷世歷代0既中國人唔住!大家咁話啦

[ 本帖最後由 LNChickenRice 於 2009-5-14 22:52 編輯 ]

雖然我年年都冇去六四晚會、年年都冇去七一遊行，主因係唔想屋企人擔心；
親眼睇住六四發生的一代，口中說不要再提往事，我估內裡其實是心死、無奈、恐懼，
既然做甚麼都不會有結果，倒不如今朝有酒今朝醉，馬照跑舞照跳。

但六四需要平反是我作為中國人、作為中國香港中文大學畢業生，心目中堅定的追求，
早前去了北京旅行，我在人民英雄紀念碑前拍照，心中想著的就是二十年前的人民英雄。

做生意我唔識，對金融無概念，我只知道年青人與學生是國家的棟樑，
一個國家政權可以狠心到把未來的棟樑砍掉，這個政權的心已經腐爛，
以後它做甚麼，是對是錯都沒有人會進諫、糾正，只餘下阿諛奉承，
當它沉醉在大地在我腳下之時，全世界都在看戲，這個把柄會是令它心臟病發的一條刺，
將來後繼無人、支持不下去時可不要抱怨。

記得周星馳《濟公》中的袁霸天嗎？他與魔鬼交心，魔鬼回敬給他的是一塊一捏即碎的石頭，
即使你肯與魔鬼為伍，你都只是魔鬼作惡的另一個受害者。

坦白說，在中國共產黨能認真確切了解，自己在過去一世紀對中國帶來甚麼影響（有好有壞）之前，
它沒有資格對日本改歷史書等問題「說三道四」，雪亮的平民百姓可以，滿手血腥滿口謊言的中共不可以。
又或者，中共與日本根本在媚來眼去，有需要就煽動民間情緒，過火就忙於撲火。
中共啊中共，民意不是你的工具、人民不是你的玩具！

曾蔭權話自己代表香港人整體意見？
倘若佢係一人一票選出，我都唔會批評佢咁講，
但正如今晩收音機講，奴才始終是奴才，
奴才說歪理，比主子還要狠，因為沒有顧慮。

對稿讀，你這個推銷員太失敗了。

[ 本帖最後由 DIH 於 2009-5-14 23:48 編輯 ]

阿特首都係曲線緊
將個波拋番比香港市民
即係話:"你班香港人一見經濟好就連六四都可以淡忘
我只係引述你班香港人既意見,
唔好唔記得特首我只係一份工 "

點知曲線不成,兼比人插多鑊甘

特首提醒左我…
人生有幾多個廿年？最緊要係去表態

呢頭話將會推出趙紫陽當年被軟禁時30小時錄音內容集
結成書,另一面特曾曲線地提醒大家六四快將二十年

當年發生既事同今時今日經濟起飛係兩回事,只談不論歷史,
結果咪繼續俾人話只係識囉著數,特曾如果只係表達個人意見,
市民係會尊重,但不能用一人言論就代表全香港人

原帖由 dbat98D 於 2009-5-14 18:57 發表

回說被罷免嘅陳生, 佢有佢觀點與角度, 雖則我唔全部認同
例如解放軍無殺過人. 但成件事我覺得係親泛民一黨輸打贏
要, 如果唔同佢地觀點就要被罷免, 下 ...

偷換概念。

解放軍有否殺過人，是一個factual的問題，不是觀點問題。

回說曾生，這個人一開始我就覺得自我中心到極點（董生還不算自我中心），
我為這人此番言論並不感到驚訝。