特首對六四的言論

原帖由 12A 於 2009-5-14 22:09 發表
家人說 : 六四可以淡化嗎

各位後生仔, 要對六四多認識, 唔好靠官方資料
官方資料是有=無, 一句 春夏之交的政治風波, 是動亂就算

現在的中小學生在六四後出世, 只能靠二手資料接觸六四
政府想為他們洗腦, 好 ...

十分認同 六四唔可以就此淡忘

不如大家搵d講六四既site 出黎
俾d未見過既板友睇下
當年發生左d咩事實

原帖由 orange 於 2009-5-15 01:52 發表
大公報今日都有報導相關新聞

一場有預謀的政治騷

--
有預謀又好,無預謀都好,如果真係有計算過,
只可講句:曾生處理失敗

就算有預謀 故意提六四又點
把口係曾生度 佢自己耍咁答 唔可以話人陰佢

原帖由 LNChickenRice 於 2009-5-14 22:50 發表

開始覺得呢位特首比前任姓董0既,表現更加人渣...
...

現任特首經常從新聞見到佢既時候唔係做 Show 就係領功，
有獲第一時間失蹤，用人渣黎形容佢我無意見

不過話董生係人渣我就唔太認同，我覺得佢祇係衰在願景太多，信心超過能力，
但起碼從無 A 字膊，有獲自已"咩"，加上佢本身唔係從政而且要做開荒牛，
如果兩屆特首互換當政時間，有前車可鑒下，相信董生表現未至於會差過曾生，
相反曾生有版睇情況下民怨仍然咁大，真係要好好反醒，唔好成日"瀉膞"走精面，市民係睇到既

[ 本帖最後由 32 於 2009-5-16 05:11 編輯 ]

原帖由 LNChickenRice 於 2009-5-14 22:50 發表
(開始覺得呢位特首比前任姓董0既,表現更加人渣...
小弟都諗唔到其他比「渣」更好0既形容詞0黎形容佢...)

一向都覺得董生好過曾生好多....
之前既好境,都係董生做野先
曾生就剛剛係到享褔
近排一有咩事
曾生既處理真係唔掂lo....

原帖由 marioso 於 2009-5-15 20:59 發表
Just copy from a Facebook Group:

1) 可靠消息
泛民議員離場時，無恥的建制派議員黃國健竟然大罵：
'車,都唔知係咪夾埋架!!'
佢意思大概係認為民主派係專登俾個局俾曾蔭權，
然後夾埋做戲一齊走!

叫工聯會班友慳 d 啦 , 佢地有做過 d 乜野呀 , 淨係識得係到 up 話爭取工人權益
但倒頭來咪又係由社民連班友出黎幫佢地囉 , 早前班扎鐵工人就係社民連班人出黎幫佢地呀 , 佢地工聯會班友有做過 d 乜呀
根本工聯會同 BAD 係同出一轍囉

好坦白講 , 我真係未見過一個咁無政治智慧既 "政治家" 囉
淨係識得一年上去三兩次北京述職 , 香港有事唔係佢自己第一個出黎現身解畫
淨係識得搵個窿收埋先 , 到單野白熱化果陣先出黎
把口淨係識得講強政勵治 , 但到頭來呢
唔好意思 , 我完全見唔到有任何正面既強政勵治囉 , 反而拆野果陣就見到喇
遲早尖碼真係要拆既話 , 即管叫人出黎訓街 , 睇下佢點收科

原帖由 homanbean 於 2009-5-16 01:34 發表


十分認同 六四唔可以就此淡忘

不如大家搵d講六四既site 出黎
俾d未見過既板友睇下
當年發生左d咩事實

剛剛去 youtube 搵到一輯既六四事件紀錄片
http://www.youtube.com/watch?v=r ... 00377A1&index=0

希望咁多位版友去睇呢段紀錄片 , 讓你們去明白到六四事件係點
並唔係果位當奴認為係可以輕描淡寫囉

[ 本帖最後由 AD18 於 2009-5-16 16:28 編輯 ]

真係幾唔得閒都想偷少少時間講兩句..話說小弟個日溫書溫到發癲, 睇到段咁既新聞,
小弟只係搖頭歎息...

先旨聲明, 本人之言論只代表本人既意見, 如果唔啱聽既, 大家當廢話算數..


1. 特首話過 '我會做好呢份工'....但係別忘記, 佢既老闆有兩大個, 一個就係香港市民,
另一個大老闆就係中共...俾著你, 你夠唔夠膽明知大老闆會睇著你, 你都夠膽倒佢米, 掉轉槍頭話佢?
曾生今時今日呢個位, 仲可以好似廿年前咁有感情? 唔好忘記, 廿年前佢既大老闆係英女皇....
發表言論, 都要睇身份,  睇場合...就好似D SALES既, 明知個PRODUCT有咩唔好, 都要繼續SALES, 一係你就唔好做呢份工.
但唔好忘記, 佢唔做, 一樣有第二個SALES, 第三個...我相信, 冇一個特首可以俾到個合泛民心水既答案...

正如當年廿三條, 葉劉俾人擺上枱, 一樣咁無奈...落左台之後, 而家講野當然free好多啦...
而且, 有時真係要分輕分重....你寧願一個真正親中派上場, 還是曾生係度?
曾生係度, 有d 大老闆放手俾佢做既野, 佢可以做得比較合大家心水一d, 俾著老董? 唔係益商家就益親中派啦...
點到大家? (雖然而家都唔見得曾生益大家d乜)


2. 無一個政治人係'為民服務'.... 每一個都有私心, 每一個都有自己既想法...
只係睇下邊d識得 '利用' 民意, 為自己達成目的之餘, 又可以達到大多數人的利益..

3. 香港人係咪真係咁熱心政治呢? 股票行, 銀行既人一定多過去區議會, 去立法會既人...
曾生只係講左一個, 大家都心照既答案....當然, 將呢個泛民都唔想提既答案擺上枱,
同揭人底牌冇乜分別...泛民有咁激烈既反應, 亦都算係正常...

4.曾生IQ高, 政治智慧都高, 就係EQ比較差...次次俾人激兩激都發脾氣講錯野...
將一個大家都知係事實, 但大家都唔想提既事拎上來講, 唔反枱就奇啦...

始終特首呢個位, 身份特殊, 唔同其他地方/地區既領導人....
要同中共傾到計, 又要合香港市民心意..簡單D講, 就係一個磨心位....
泛民既人上台, 只會令香港有著更多限制, 絕對唔見得對香港發展有何幫肋...

再者, 而家既香港人, 係咪真係咁易分得清是非黑白呢?
八卦雜誌, 某些數字傳媒既報刊, 煽情, 做假, 乜都出齊, 但又有幾多人真係分到
邊D真, 邊D假? 還是很容易就被人煽動, 成為別人的棋子呢?

六四已經廿年...有很多人仍然很執著..或者, 某程度既執著係需要既...
有讀歷史既, 都應該清楚, 每一個政權, 每一個朝代, 後世自會有一個中肯的判斷...
只要大家記得六四, 記得同自己既子女講呢件事, 又何需急於平反呢?
要一個政權認錯係唔容易的...再者, 認左錯之後你又想中共點呢?
何況, 而家中共都只係一個進步中, 發展中的政府, 漸漸更加文明的一個架構....

經濟既發展, 令列強開始忌諱中國, 係不爭既事實, 亦係中共今時今日一大既努力成果..
六四同經濟, 擺上台就真係唔可以相提並論, 但係一般港人既心目中, 又有幾多人真係咁諗呢?

原帖由 hkbw 於 2009-5-16 17:00 發表
真係幾唔得閒都想偷少少時間講兩句..話說小弟個日溫書溫到發癲, 睇到段咁既新聞,
小弟只係搖頭歎息...

先旨聲明, 本人之言論只代表本人既意見, 如果唔啱聽既, 大家當廢話算數..


1. 特首話過 '我會做好呢份工'... ...

我認同你呢返話, 呢場歷史悲劇, 無話
一方面錯晒, 亦唔係一方岩晒. 共產黨武力清場,
殺左唔少平民學生, 呢要負呢個責任, 責無旁態.
但, 學生係咪代表全對? 無可否應, 當時中國政府腐
敗, 學生出發點要佢改善, 無可厚非, 但成千上萬人民
圍堵天安門甘耐, 起碼以月計, 以共產黨當時甘無偈傾
都俾學生晌度示威月計甘奈, 佢算係容忍, 調轉好似美國,
英國, 台灣, 以至近期嘅泰國, 老早就武力鎮壓. 但我
唔係認同當期時做法係岩.
唔好忘記當時共產黨唔係無叫過學生離場, 你話佢講都
唔講就開拖, 我覺得學生就真係完全獲得支持, 但事實
我覺得無論共產黨同學生都要負責, 達成一個雙方都能
夠接受嘅方案或者係一個共識, 六四先有一個平反嘅一日.
所以時至今日, 眼見一班激進嘅學生, 一班自以為民主
嘅政客認為佢地先係事實真相, 我其實真係好睇唔過眼.
無奈, 我相信到最後, 唔認同泛民, 就等如與民為敵, 違
背真理正義...我倒想問, 佢地憑咩代表正義同真理?
有如曾特首憑咩代表我發表對六四睇法?
我只係想講, 我唔認同共產黨, 亦唔支持泛民. 我晌
六四發生嘅年代長大, 雖則資訊係由第三者接收, 即係
傳媒, 親眼目睹當年嘅百萬人遊行...我...起碼有親身見證
可以獨立思巧, 但下一代接收呢段歷史, 唔係要俾共產黨
矇弊, 亦唔能夠單方面聽支聯會, 民主派, 毒蘋果之詞.
平反六四, 呢個係整個國家嘅事, 我相信係漫長,
唔係一時三刻, 立法會班議員話平反,就平反.
一日共產黨唔開放, 泛民繼續企硬, 再加上唔理性嘅學生思
想, 六四無可能平反. 今時今日平反六四, 去追咎某些人,
唔係唯一嘅重點, 二十年, 死的死, 去的去, 今時今日
我地應該去諗點樣去為呢段歷史篇上最中肯嘅斷定,
甘樣後人先唔會接收偏差嘅事實, 呢點係咪當權者同反對派
可以做到? 今時今日我諗好難做到...唯有希望後人會放開成見
令呢個包伏可完滿甘卸下.
我只係一個普通百姓, 唯一可以做嘅就係甘, 亦預左泛民
睇到呢段廢up實唔like, 然後一輪嘅言論圍攻...
但希望你地俾返d 言論自由我...

原帖由 dbat98D 於 2009-5-16 17:08 發表


我認同你呢返話, 呢場歷史悲劇, 無話
一方面錯晒, 亦唔係一方岩晒. 共產黨武力清場,
殺左唔少平民學生, 呢要負呢個責任, 責無旁態.
但, 學生係咪代表全對? 無可否應, 當時中國政府腐
敗, 學生出發點要佢改善, 無 ...

我相信這個板的氣氛，會比立法會溫和及包容......

六四「需要」平反，同六四「幾時」平反，係兩個問題。
明眼人都知道今時今日叫中共平反係冇可能的，當下都係搞好整體中國經濟、教育為先，
有餘錢就幫助百姓基本生活所需，再來才是開啟民智，
要十三億人有足夠的思辯能力去回望20世紀中國所發生的大小事，
從而作出理性判斷，這是一個非常漫長的過程。

香港最迫切要做的，是把當年的史料保存、延續期望中國朝大家心目中理想角度改善的赤子之心，
到有需要、時機成熟時，才去再搞平反的問題（期間都要好似而家咁煲下），可能到時學運領袖都已「椒鹽鮮魷」（仙遊），
但既然有些人連自己的下場都看不清便被迫閉上雙眼，有幸看到大千世界多幾十年的他們，又算得上甚麼。

但曾蔭權真係不代表我，董生都冇佢咁大膽。

[ 本帖最後由 DIH 於 2009-5-16 19:00 編輯 ]

原帖由 DIH 於 2009-5-16 18:58 發表

但曾蔭權真係不代表我，董生都冇佢咁大膽。

1. 你唔會問董生呢類問題, 因為你唔覺得佢會識答, 除左講'早晨'

2. 董生明知自己民望唔高, 唔會夠膽咁講.

3. 泛民根本企係另一個extreme, 一個representative盡其量咪代表到median voter,
點都唔會代表到任何一個extreme.

4. 唔見得泛民代表到我...不過呢個argument冇意思既, 因為by theory 就算majority voting都做唔到
representative完全代表到citizens...

4.成日都話全香港人都想普選
但係我自己又唔係好想....

3.泛民係六四上係覺得咩都係中共錯晒
但係事實上又係唔係呢?
個個人都會有唔同睇法...