尖沙咀碼頭廣場消息

原帖由 FB9469-FA9288 於 2009-5-15 20:13 發表


但政府係個計劃中係有指出會係碼頭興建新巴士上落客區
市民如果係知道有呢樣野,　就更加唔會反對,　因為佢地好多本身以為搬左,　就唔會有車到達 ...

閣下可以參考一下5號巴士搬左去尖東之後,
市民及區議會的反應等

仲有一個講左好耐既問題，就係個上落客區同埋永安隔離個站冇可能容納晒所有舊尖碼線，所以始終都係有車要有大型改動。而且呢樣仲會令尖碼一帶既交通狀況惡化不少。

原帖由 FB9469-FA9288 於 15/5/2009 20:37 發表


５號係另外一個問題,　我係講近Ｄ市民以為將來無巴士去尖沙咀碼頭

另外以前尖沙咀碼頭都有好多路線途經,　因為果度人流多既關係,　政府就擴闊左星光行對出既行人路
由於係咁就容納唔到咁多條線,　就趕左好多線走,　係 ...

既然係咁，就更加唔應該將巴士站轉成政府
計劃入面既樣，而係應該原址改建擴大。


P.S.
無錯，我的確認為你個口吻同思維似親建制派，但咁又點？
雖然親建制派網民講道理普遍係唔叻，
但我無當親建制派係一個貶詞。人人都有立場架啦。

而且，我有無禮貌都好，我唔會喺度第一篇文就發哂火話人「歪理」先。

[ 本帖最後由 238X 於 2009-5-15 20:48 編輯 ]

原帖由 238X 於 2009-5-15 20:46 發表


既然係咁，就更加唔應該將巴士站轉成政府
計劃入面既樣，而係應該原址改建擴大。

注意: 80年代初當時的政府是考慮過重新發展尖碼的巴士總站, 而有關的方案是擴大現時的巴士總站及改成兩層的總站, 以容納更多的巴士線及旅遊巴士, 並將廣東道部份路段改為行人專用區...

如果大家只focus on 巴士總站只影響巴士, 就大錯特錯了. 尖碼最塞的不是巴士,而是的士...而且站內還有上落客貨區,按政府的計畫, 的士站表面上多了車位, 實際上是少了, 因為佢計的只是現時有蓋的上客區, 而沒有計實際打蛇餅的的士龍, 還有將私家車/貨車上落客區搬去1881旁的廣東道, 只會造成廣東道更擠塞, 駕車人士更不便(更可能因"泊車"去一去toilet被抄牌的機會大增!)

原帖由 FB9469-FA9288 於 15/5/2009 21:19 發表

尖沙咀碼頭將來計劃既新上落客區,　Ｄ車係＂即捕即介＂,　上落客後就即走,　
同而家有咁多架車同時停晒係度等開係兩回事
而家既尖沙咀碼頭巴士總站根本唔適合咁多條線做總站,　
除非所有線轉晒做中途站,　
而家主要都係因為多線做總站,　所以無法容納得好多線

技術上可能不可行。

1. 咁好似同將批線轉哂做循環線無乜分別。循環線缺點係易脫班，
如果唔想脫班就要加車，到頭來又係成堆車塞哂入去。

2. 好多中途站都係即捕即介，但因為站短，一架車上落，後面又要，
結果塞到飛起。荃灣千色店個站長度應該同文化中心個計劃站差唔多，
千色店唔算比文化中心多好多線，但都好易塞，唔係好敢想像文化
中心交通情況到時點。

原帖由 leslie 於 15/5/2009 21:09 發表

如果大家只focus on 巴士總站只影響巴士, 就大錯特錯了

Sorry... 而家個的士站真係霸住唔少地，唔係好想留低佢地。

[ 本帖最後由 238X 於 2009-5-15 22:28 編輯 ]

原帖由 238X 於 2009-5-15 22:23 發表


技術上可能不可行。

1. 咁好似同將批線轉哂做循環線無乜分別。循環線缺點係易脫班，
如果唔想脫班就要加車，到頭來又係成堆車塞哂入去。

2. 好多中途站都係即捕即介，但因為站短，一架車上落，後面又要，
結果塞到飛起。荃灣 ...

好簡單: 就當現時一半班次仍然入文化中心上落, 呢一半車,到尖沙咀入梳士巴利道/文化中心一次, 由尖沙咀東總站開出又要入梳士巴利道/文化中心一次, 同一條線, 一出一入, 已經是出入梳士巴利道2次, 咁樣車流與現時一次入站一次出站是一樣, 但有最少一半用家受害, 咁, 改來幹嗎?