N08 的差劣銷售手法 (「上環街市」店)

事緣昨晚(27/8) 小弟往他們在「上環街市」的店舖, 想預訂 1:50 的DMS(XF) 模型,
我見在XF139 的模型旁, 新加了定價的牌子: "$1,398  會員九折"

於是我問在場 (店內櫃位) 的店員 - 當時有一男一女穿著黃色制服的職員在內:
小弟:「請問部 1:24 的DMS 模型, 九折後是否 $1,258?  」
男店員:「部野都未定價, 價錢可升亦可跌喎!」
小弟:「咁你地在出面 (指指出面飾櫃) 又寫 "$1,398  會員九折" 既??!, 咁即係點??」
女店員:「到時定在價, .... 差額會退番俾你....」
小弟:「咁即係點?? 你地賣幾多錢一部? 係唔係日後賣二千蚊一部, 而我訂左既, 都要俾二千先買到??  」 #]  (已經想唔買)
女店員:「咁又唔會, 唔會貴過千四蚊......」她繼續接待其他顧客.....

問到這裡, 我已經轉身, 再唔想買...... 或者說, 要買都唔去這店子買!!

令人最不滿的是, 男店員:「...價錢可升亦可跌喎!」這句話, 我現在買股票嗎?
OK, 在商言商, 我接受價格是可跟市場供求而定,  如果賣家認為反應好,
可以封盤, 下一分鐘加價.

但是, 這是他們白紙黑字標了價, 顧客想以這標價買入時,
他們就模稜兩可, 含含糊糊的回答顧客.
以 "今時今日的服務態度" 標準, 完全不能接受!! :mad:

如果未定好價, 請不要吸引顧客預訂; 如果定好價, 顧客預訂時請以該價錢為準!!

以上全是真人真事, 絕無「老作」
如版主覺得有問題, 不應該在此貼, 請提點 -- 即改!

[ Last edited by DD2113 on 2005-8-28 at 23:38 ]

單憑文章所述, 同差劣「態度」無乜關係。

嘩...."價錢可升亦可跌"?!?!?!
咁俾左訂先加價咪血本無歸
照字面咁睇個男店員態度都幾輕佻
好似玩緊個客咁wor

既然個女店員話"唔會貴過千四蚊"
咁同$1398呢個定價最多都係差$2
又點解唔清清楚楚話俾客人知道定價呢?
定係反應差會減價呢?

By the way，相信你講緊o既o個部1:24好大部o既XF啦
應該唔係1:50wor

講真如果駛咁多錢仲要受氣
睇見你咁o既遭遇
我本來都有d想買
不過依家都係諗過先幫襯

[ Last edited by Yonie_Sung on 2005-8-28 at 23:54 ]

你咁早問，無非都係怕佢價錢可升但冇跌姐，不過人地正正講中你的思想，心有不甘所以致咁話人姐！

[ref=354252]DE8779[/ref]  在 2005-8-29 01:31 AM 發表:

你咁早問，無非都係怕佢價錢可升但冇跌姐，不過人地正正講中你的思想，心有不甘所以致咁話人姐！

你咁講又奇怪wor
又有邊個想買貴野呢?

[ref=354252]DE8779[/ref]  在 29-8-2005 01:31 發表:

你咁早問，無非都係怕佢價錢可升但冇跌姐，不過人地正正講中你的思想，心有不甘所以致咁話人姐！

咁他們展出模型, 吸引人預訂, 當然會有人問價啦, 有什麼問題?

Main Point 是, "海鮮價" 不是問題,
售貨員可以向甲君報價千二, 乙君報千三,
但是價錢報定了就不要改, 更改只會令客人覺得店舖 "反覆無常",
嚴重打擊消費者的購買意欲及信心!!

似乎係男店員交代不清
佢應該講:「部野都未定價, 價錢可升亦可跌喎!不過一定唔會貴過$1400」
咁講多句，誤會無左，亦都令客人可以放心預訂先岩

另外，不太同意"差劣銷售手法"之說...

[ref=354410]GR614[/ref]  在 2005-8-29 11:01 AM 發表:

似乎係男店員交代不清
佢應該講:「部野都未定價, 價錢可升亦可跌喎!不過一定唔會貴過$1400」
咁講多句，誤會無左，亦都令客人可以放心預訂先岩

另外，不太同意"差劣銷售手法"之說...

既然諗定左唔會貴過1400，何不直接寫：「暫定$1400‧會員九折(如正式
如售價比暫定價低，以最後公布之價錢為準。)」

又要定得平過最高價，但其實兩個價又只係差$2，我就認為唔可以怪晒個
男店員，反而舖頭負責人應負最大責任。

老實講句,職員既語氣態度或者無問題，但呢種生意手法就好有問題
賣野會唔知價,仲要賣左咁耐野,咪玩啦 !就算無實價都應該估都到八九成，咁咪開個fix既訂購價比人囉,人家買相機賣鏡頭價格升跌得比你d模型仲大啦，預訂時一樣開個訂購價比你,有個fix價價錢既話岩就落訂唔岩就算,之後價錢升跌雙方都無得好怨．連實價都無就話落訂對消費者根本就無保障,真係唔訂把就,到時咁唔好彩訂左之後佢先坐地起價隨時焗住硬食,就算唔要呢架，訂金都好可要幫佢買返野....