做得好有車飛送

港鐵推廣一個月既安全運動，已經請左神秘大使，如果以下做得好，有機會得到單程車票一張(每日限50名)
1. 在扶手電梯上緊握扶手
2. 在扶手電梯上不走動，左右都企好
3. 不衝門


哎呀..呢三樣野我平時都有做...
上星期日尤其是第三樣呢...個西鐵綫列車要關門了，全班人都從電梯跑進去...司機都開始有點質疑我是否想乘車..追都不追...
最後我其實可以O係關門前入到去，都冇入，我好乖冇O係電梯走動及衝門...那時又未有這個計劃...

到我去到美孚轉車，見到痴新poster叫人唔好電梯走動。

希望這個運動真的有效吧！！
(我是慣常站在左邊的乘客...因為我右手hold住野嘛..右手係我重力手，較為受力)


最後送上一段短片(是當時參與拍好香港的啊..)
http://hk.video.yahoo.com/video/video.html?id=867665
\



有關報紙報導︰

港鐵單程票贈守規客
(明報)2009年5月19日 星期二 05:10

【明報專訊】一向慣守秩序的港人，乘搭港鐵時原來不守規矩。港鐵委託中文大學進行的調查顯示，44%受訪者曾經在列車車門即將關上時衝門，55%人承認搭電梯時不會緊握扶手，去年因此發生超過812宗電梯意外，比前年多出14%。
44％人曾衝門 55％不握電梯扶手
負責調查的中大心理學系副教授區永東表示，結果顯示乘客一般都相信自己有能力避免受傷，安全意識不足。
港鐵副車務總監李殷泰表示，將推出為期一個月的安全運動，聘請100名員工扮演神秘顧客，在月台留意乘客是否守規矩，並向守規矩的乘客派發一張單程車票作獎勵。港鐵預計在全線車站派發1000張車票，每天限派50張。


港鐵去年扶手電梯意外812宗
(星島)2009年5月18日 星期一 15:55

港鐵表示，去年涉及扶手電梯的意外有812宗，有257宗涉及列車車門的事故。
港鐵年初委託中大訪問1000名乘客，結果當中五成半承認，經常無緊握扶手；五成一人認為在扶手電梯上走動是安全。亦有四成一人曾試過衝門。港鐵將推行為期一個月的安全運動。

[ 本帖最後由 lsc04d11 於 2009-5-19 09:10 編輯 ]

原帖由 68A 於 2009-5-20 00:00 發表
港鐵新聞稿最荒謬的一句係

每日獲贈單程車票的乘客達五十名

50名真的是很多嗎 ?
搵人去月台企班幾班車時間 + 3分鐘扶手電梯都派完

港鐵全線都唔只五十個站啦…

咁又唔係wo...守規矩既人又真係好少...但我唔明佢點可以strict住50名...

難道只有一個大使..或一個團體之大使一隊走...

難道下午做得好的..便不能得到車票，只因早上已經派完50張？？

其實他亦想找三項條件都符合既人，點搵？？都係玩跟蹤...？？由入站跟到佢上車..三樣都pass哂先俾？？


今日都見多左月台助理...但d助理係叫人衝門衝快d..唔係唔衝....
其實我覺得d助理o係嘟聲起就要截人，然後警告佢要罰$2000..佢都衝既話..就叫下一站職員「拘捕」佢...咁港鐵多左收入，車費可以減哩！哈...

有時關不了門，再開一次門，但d人就再把握機會衝門，其實咁樣實沒完沒了...好應該第二次重開門，不開月台的門，只開車門(如果只是車門攝野既話，咁就可以冇事，亦唔使俾月台遲黎既人再衝門，沒完沒了)。再不行的話(如果是因為月台門攝到野)，再開月台門。
有時就係因為有人衝門先要再開門..如果再開門又有人衝..咁...下一班列車都可以到站，然後相撞了...(不過我相信港鐵唔會)

但我今日搭觀塘綫...架車都未離開個站(往油麻地)，月台上就已經在廣播「往油麻地列車即將到達...」

[ 本帖最後由 lsc04d11 於 2009-5-20 15:54 編輯 ]

原帖由 lsc04d11 於 2009-5-20 15:51 發表
有時就係因為有人衝門先要再開門..如果再開門又有人衝..咁...下一班列車都可以到站，然後相撞了...(不過我相信港鐵唔會)

這句話其實有點兒無聊....如果上一班車未開, 下一班車到站, 就會相撞的話,
呢個鐵路系統都係全無安全系統可言..

當然, 安全系統有可能失效, 世界上亦發生過呢d意外, 但其實係同衝門全無關係...
班次延誤, 也不一定衝門有關...

我覺得mtr 係借活動宣傳多d, 而那50張飛, 並不是重點...

至於關門問題, 唔再講了..