今日阿媽用節日通, 發生o左件事

今日我阿媽要去銅鑼灣, 我叫佢撘西鐵, 買節日通啦, 去到
南昌轉地鐵, 加埋$40, 最抵係佢.
我仲提o左佢幾次要用頭尾o個邊o的閘出.

去銅鑼灣就一定唔會有問題, 返黎屯門就出o左問題.

我今晚返到屋企佢同我講番呢單野, 佢問我點解西鐵o個度
唔駛用飛入既? 我聽到即刻知道, 佢用o左轉車閘. 於是同佢r
講話佢蝕o左錢, 但佢唔多明, 講o左好耐佢都唔明. 講o左好耐
話佢用八仔, 八仔扣o左錢o架啦, 佢話見到係$10(地鐵價), 點會
蝕喎. 似乎佢仲係唔多明, 於是我又解釋多一次.

點知佢突然間講o左句, 話佢o係元朗(佢要去元朗買野), 係用飛
出閘既. 我即時打o左個突, 無入閘記錄既節日通出到閘?

但係我叫阿媽聽日囉張八仔去西鐵度reset, 帶埋張節日通去証明
佢係買節日通既.

問題黎啦, 點解張節日通無入閘記錄可以出到閘呢? 我又唔會去懷疑
我阿媽, 因為呢程車, 全程點撘, 點做, 都要我教既 (佢無乜幾可過海)
佢無可能咁醒話要插番張飛入閘, 何況佢講o左, 過完轉車閘, 見指示
上屯門月台佢已經行o左上去.

閘機可能一見係節日通就會開閘

如果係咁... 咪可以一張節日通俾幾個人同時搭車？

其實南昌d閘我都唔係好明係點分佈??
頭尾係直接出閘而中間係轉車閘??
咁用節日通轉地鐵應該點做好?

[ Last edited by 北角---九龍城 on 2005-8-30 at 01:37 ]

[ref=355282]北角---九龍城[/ref]  在 2005-8-30 01:32 AM 發表:

其實南昌d閘我都唔係好明係點分佈??
頭尾係直接出閘而中間係轉車閘??
咁用節日通轉地鐵應該點做好?

[ Last edited by 北角---九龍城 on 2005-8-30 at 01:37 ]

對 ..
轉車閘多數都係一落電梯隔離就係 ..
我諗樓主媽媽可能係咁樣就中左招 ..

如果用節日通轉地鐵，
就要行到站頭出閘，
再行過隔離地鐵入閘 ..
行唔少冤枉喎 ..

以前全月通都要咁樣轉車 ..

以我所知九鐵呢類d非單程飛如原站出入閘飛,以前仲係一張車票咁既全月通,定期票等等入面既出或入閘記錄其實過左一段時間(實際唔記得,我既經驗就應該出/入左後約10分鐘內就會無左)就會"失憶"(或者應該叫失效先真) ,不論之前係出定入都可以用返來入閘或出閘用,樓主所講無入閘記錄而出到閘好可能都係因為呢個原因

[ Last edited by hr1918 on 2005-8-30 at 02:15 ]

[ref=355336]hr1918[/ref]  在 2005-8-30 02:07 AM 發表:

以我所知九鐵呢類d非單程飛(如原站出入閘飛,以前仲係一張車票咁既全月通,定期票等等)入面既出或入閘記錄過左一段時間(實際唔記得,我既經驗就應該約10分鐘內就會無左)就會"失憶" ,不論之前係出定入都可以 ...

不是嘛.....
之前有人話西鐵車廂會有人查飛
咁攪法佢地仲可以查D乜？

[ref=355340]Raymond[/ref]  在 2005-8-30 02:14 發表:



不是嘛.....
之前有人話西鐵車廂會有人查飛
咁攪法佢地仲可以查D乜？

呢d就係我曾經段時間因工事而要經常用東鐵定期票同某西鐵站原站出入飛所得既經驗,但西鐵我唔敢講啦 ,不過要check我諗check到張節日通飛有效日期係當日都應該無問題喇0卦

[ref=355340]Raymond[/ref]  在 2005-8-30 02:14 AM 發表:



不是嘛.....
之前有人話西鐵車廂會有人查飛
咁攪法佢地仲可以查D乜？

睇番係咪即日既節日通囉

咁都仲有漏洞

假設一人去元朗一人去屯門
某人響元朗出左閘再遞返張飛入去比去屯門果個人
之後佢去屯門果時俾人查飛都冇事啦
而佢又可以順利咁響屯門出閘

[ref=355939]Raymond[/ref]  在 2005-8-30 21:55 發表:

咁都仲有漏洞

假設一人去元朗一人去屯門
某人響元朗出左閘再遞返張飛入去比去屯門果個人
之後佢去屯門果時俾人查飛都冇事啦
而佢又可以順利咁響屯門出閘

如果呢個係漏洞,咁其實張飛有無"出入閘記錄失效"呢樣野都可以咁做架,最多去到屯門出唔到閘時要去補票處搞姐,但有個問題係你講個情況兩個人點樣當時同時入閘搭車呢#