元朗公路直往天水圍路線通宵改道

根據九巴通告..
因要配合更換橋樑石壆工程，由2009年5月9日至6月28日(逢星期六及日)零晨0時30分至早上5時，元朗公路西行往朗天路北行之支路將暫時封閉，以下往天水圍之路線將要改道如下︰
69M,69X,265B,265M,269B,269C,269M,276A,276B
改行博愛交匯處、青山公路(大馬路)、朗天路、唐人新村交匯處及朗天路，返回原有路線。


但據我所知..(因早前到了天水圍..)城巴的改動只是行經洪天路就可以，只是臨時取消近天水圍輕鐵站之車站，搬去天盛苑(港鐵站B出口)，咁咪快好多囉..又唔使兜..又唔使停大馬路咁多燈兼單線行車，仲非常危險，有亡命小巴。

如果係都可以行以下改動︰
1. 於天水圍西交匯處前往洪天路，落支路兜番入元朗公路東行，再O係番唐人新村交匯處落朗天路。
2. 改行青山公路、安樂路、媽橫路、朗天路
都可以keep番個站
當然我最support係城巴既方法...但夜媽媽keep番個站都好既..但唔好俾人感覺以為搭錯往元朗車囉！！


source:
美孚鐵路站巴士分站往天瑞(69X)

[ 本帖最後由 lsc04d11 於 2009-5-21 10:36 編輯 ]

嘩..咁行法咪用多成半燈鐘,
住天水圍既多得佢唔少...

其實265B、265M、269M及276B均可以用城巴方法咁行..
又唔駛兜咁多又可以快....

69M、69X、269B、269C及276A就無咩計...你擺天水圍B出口都係死..
因為那時西鐵站都要收工，行返個應該要兜天耀站過...
所以其實搭城巴的乘客都唔知點算...

點解唔係朗屏過 ? 行個到應該快 D ..

坐過一次元朗大馬路不停站既KM7241@69x....(268B尾車去到大欖轉車，時間自己計)
講真，全車係得1個客問咩事咁大把....其他人都係訓緊
時間上又唔算差好多，都係5分鐘左右，可能順燈掛

至於唔經朗屏，可能係因為唔想同收工車塞埋一堆，同時朗屏路響果個時間一定有大車泊過夜，變相都係單線行車...

原帖由 士刁拔尼．奧 於 2009-5-20 22:22 發表
坐過一次元朗大馬路不停站既KM7241@69x....(268B尾車去到大欖轉車，時間自己計)
講真，全車係得1個客問咩事咁大把....其他人都係訓緊
時間上又唔算差好多，都係5分鐘左右，可能順燈掛

至於唔經朗屏，可能係因為唔想同收工車塞 ...

朗屏個邊會唔會順燈d(我未去過),,但系多左咁多巴士行大馬路.又會唔會塞曬?

原帖由 AD15113 於 2009-5-21 00:43 發表


朗屏個邊會唔會順燈d(我未去過),,但系多左咁多巴士行大馬路.又會唔會塞曬?

通常都係唔會一次過順晒咁多支燈...同埋里數都多左
大馬路好處係所有燈可以叫做同步既，變相係最多停一次咁多...