沙中線何文田站問題

原帖由 FB9469-FA9288 於 2009-6-1 22:58 發表
我舉出既地方total係有三個, 唔該你睇清楚d
我舉出呢d例子目的只係想糾正返果個人既謬誤, 我相信你都見到有關既謬誤, 但又唔見你呢位住黃埔花園既人去糾正

講返你想講既問題, 你話要行15分鐘去鐵路站唔合理
依家何文田站既情況就等同黃埔花園與紅磡站咁
兩者普遍都要行成十幾分鐘先到車站
既然黃埔花園都係因離紅磡站遠既關係而建黃埔站的話
以你既睇法何文田站又是否唔應該興建在現時計劃中果個遠離該區民居既位置

ok，我所指既"兩個地方" 係兩期，咁樣可以嗎？
我比較想知你話佢既謬誤係咩野，實際距離我就唔識度喇
不過哩，如果你話德安街距離紅磡站係800 - 900米的話
我住緊個期，甚至再遠d 既綠榕苑，1000米唔出奇
而我數學係比較差，請問1000米係咪一公里？
仲有喎，我唔清楚你係咪拉直線計，但我由屋企出發無可能一直線去火車站呀嘛？

咁講啦，如果紅磡站都可以有一個自動運輪帶係接駁紅磡站同黃埔，
又或者，其實重新執一執黃埔期同期之間d 天橋 同 駁埋過海濱南岸
咁其實已經無咁大必要性去起黃埔站...
有陣時，遠唔係問題，但你諗下，一個人唔熟紅磡，出到火車站一落就係舊區
你要佢能夠好快咁穿過堆舊樓，仲要搵埋期數，我可以話係好難...
講真，好多地方都要行15分鐘先到就近既鐵路站
我個人覺得有行人運輸帶或者中間穿下d 商場其實已經ok...
又重新睇返上文，無人話過何文田站唔需要呢種自動運輪帶
個陣個argument point係 "有無需要將呢種自動運輪帶擺係地底駁去何文田村"？

其實觀塘線支線起了對東西九龍連接旺角好有幫助(因沒有東西九龍線), 兩條線型成個九龍環狀線, 如果唔係就要在尖東轉線!

原帖由 FB9469-FA9288 於 2009-6-7 21:52 發表


如果真係就咁拉直線計整個黃埔花園（包括綠榕苑）都係離紅磡站唔夠一公里
我當然係以實際你行既路黎計
仲有唔熟紅磡既人通常都係好少出入呢區,　所以先唔熟　

我係google map 畫條route，由我屋企 (12期) 去火車站，行紅磡道駁紅荔道上去已經要1.2 公里
再大d 距離 既10期係 1.3公里...
更何況大部人上火車站都係行半島豪庭隔黎條天橋，我真係唔知閣下點樣計到唔夠一公里...

另外仲想更正你既一d 資料

原帖由 FB9469-FA9288 於 2009-6-1 18:50 發表

呢句說話係咪有D誇張, 翠楊苑離紅磡站只有約400米路程, 百合苑沿紅鸞道果邊行七百米到
即使建議中既黃埔站(德安街)離紅磡站只有八百至九百米路程

based on google map 既route
9期去火車站係1公里，唔係700米
其他地方你計行紅荔道係差唔多，但so far我未聽過有人會揀行紅荔道而唔行半島隔離條天橋...

原帖由 FB9469-FA9288 於 2009-6-7 21:52 發表

紅磡站本身已經有係度,　加上離黃埔花園既路程都係平坦,　
所以你對黃埔花園既建議都係ＯＫ無乜問題,　而且都係一個幾化算既做法

何文田站則本身未起,　但如果政府仍然係要依原有建議黎興建,
結果就俾大多市民話唔方便,　到頭來政府又要再加建自動運輪帶同出口,　咁樣咪大家拎黎煩
而且政府又要花多筆錢去起同日後營運有關通道既費用,　
而且有版友亦提及到因何文田果度既地理環境高低起伏而會令到興建有關通道既建築及營運費用數目較多
咁樣長遠黎講只會造成更多金錢同地球資源既浪費
因此何文田站如果起返近果區既民居一Ｄ的話,　以上既補償方案就可以慳返唔使起　

鐵路站唔選擇exactly起係屋樓下，而係用行人通道接駁，
據我既observation，何文田站唔係第一個。
而家proposed 既車站位置附近都有民居
你suggest 將車站移近去何文田方向，對信用街歐化一帶d 居民係咪又帶黎唔方便？
當然同樣地可以起返d 行人通道駁返呢d 地方
但咁樣咪一樣會造成你所講既 "更多金錢同地球資源既浪費"？

[ 本帖最後由 teddybus 於 2009-6-8 18:40 編輯 ]

原帖由 FB9469-FA9288 於 2009-6-8 07:24 PM 發表


你之前以為我拉直線計
所以我咪同你講返如果真係拉直線計, 整個黃埔花園都係離紅磡站不足一公里

講返以實際路程計, 並不是整個黃埔花園既居民都要行一公里以上去紅磡站, 只有一部分係要行一公里以上
有少部分就連 ...

你錯了,紅鷥道近紅磡站是不能行人的
而且個度無位上商場

所以佢地都係要行其他地方

原帖由 FB9469-FA9288 於 2009-6-8 23:06 發表



你錯了, 紅鷥道近紅樂道果度係有行人天橋上去商場同紅磡站
你可以去果度行下, 就可以知道一清二楚
你唔識野, 仲扣我分

個條天橋我真係未行過...
我諗住係黃埔既，知個位有天橋上到火車站既應該無一半....

原帖由 FB9469-FA9288 於 2009-6-8 19:24 發表
你之前以為我拉直線計
所以我咪同你講返如果真係拉直線計, 整個黃埔花園都係離紅磡站不足一公里

講返以實際路程計, 並不是整個黃埔花園既居民都要行一公里以上去紅磡站, 只有一部分係要行一公里以上
有少部分就連半公里都唔使

百合苑我係以行紅鸞道(海皮)果邊計, 果條路由果度去紅磡站係最短


仲有歐化果邊比起何文田較方便, 而且果度人口比何文田少得多, 果邊既人亦可以去紅磡站同馬頭圍站

我依你話行海皮既方法係google map畫route，都係要差唔多一公里喎...
更何況海皮無遮無擋，日晒雨淋，條天橋睇落又靜英英無人行，又唔知個入口係邊，真係你行埋我個份喇...

你咁講何文田既人可以行去旺角站添...
走去google map 度埋添，
何文田沿公開大學，培正落旺角站都係1.5 km ...
愛民沿理道落旺角站仲短，1.2km...
同12期行去火車站差唔多啦...
都唔知點解有d 人成日覺得成個黃埔同紅磡站既距離係大大短過何文田落旺角
短到一聽到起黃埔站就係咁話人無資格野蠻係大帝所為....