沙中線何文田站問題

原帖由 FB9469-FA9288 於 2009-6-10 01:03 發表


或許你都唔係咁記得你自己行左大概幾耐, 你成日形住當你自己最多用左三個字多少少黎行
你就當左可以好快行完
如果你日後再行, 麻煩你再計計時
保證你點行得快都要接近五個字 ...

嘩，你都得架喇
個distance都比埋你睇係相差無幾 (如果爭個一兩百米都話爭好遠爭好遠，咁我無聲出啦)
咁都可以差成10分鐘的話，我真係好 囉....
我朋友話何文田行落旺角站三四個字都ok，唔通佢作野呀？
我自己覺得兩程路花既時間係差唔多，唔通我d 感覺有毛病呀？
點解你會覺得自己行得慢25分鐘先有機會出現，人地行得快15分鐘就係有問題？

原帖由 FB9469-FA9288 於 2009-6-10 10:57 發表
我一星期至少行一次,　唔通我會作大
你朋友係咁以講下你又信,　可能佢每次行至少都用成四個字多Ｄ,　但自己無真正睇下自己用幾多時間
而我有時間唔中亦會計下時,　睇下真真正正用左幾耐
基本上次次都係２Ｘ分鐘,　而經培正道上何文田邨至少都用２５分鐘,　愛民邨經衛理道都要２０分鐘多Ｄ
你試下再行一次,　計下自己用左幾耐先講

不如咁問，我唔識你，點解我要信你而唔信我朋友？
我從來都無否定過由何文田落旺角係有機會多過15分鐘
就算我朋友都話最快係15分鐘，因為我知佢行得係比較快，而我印象中佢都幾鐘意計自己步行個時間。
你話你係由旺角行返上何文田愛民，我解釋話呢個方向係上斜，要多d 時間唔出奇
我自己係由何文田行返落旺角，因為落斜所以行得比較快都好合理
係閣下一黎就質疑人地資料有錯唔計時...
15分鐘都只不過係個約數，過親馬路都係綠燈同紅燈已經可以差5分鐘啦...
你既建議好好，但我已經唔係何文田讀書，無你咁多機會出入何文田
又或者咁講，如果你話你每個禮拜至少一次都由旺角行上何文田
我差唔多日日都步行來往紅磡站同黃埔花園(12期)，點解你又唔信我話來回呢兩個地方要15分鐘？

原帖由 FB9469-FA9288 於 2009-6-11 16:36 發表
我係最不滿你成日只係單憑你自己個人感覺覺得差唔多就話差唔多
你連你自己之前行過幾耐都唔清楚, 就一口咬定話15分鐘
而且當人地講話最快都要廿多分鐘時候你就唔聽, 係你自己唔多清楚既情況下, 就一口覺得我既答案係錯
而我係俾你更為清楚既囉, 你係比較人地理據不足既情況下都可以一口覺得人地講既野係有誤, 你真係得既囉

我想講哩，我無度過無計過時唔代表我唔知個大概時間囉...
世界上有樣野叫比較
我係憑記憶比較我分別行呢兩三條路線既情況
再去大概因返所花既時間有無分別...
你話多用三至五分鐘，我唔否認有呢個可能性
但你又唔係我，又憑d 咩質疑我個記憶同感覺？
更何況，我係係google map 度埋個distance，
若然係爭成500米甚至一公里就話我個感覺出錯者
家下兩條路線既長度相差都唔大
所花時間差唔多我覺得好合理

講真，你話要成廿既分鐘，我已經比左d 合理既解釋
第一，你同你d 朋友一齊行，係會花多d 時間 (呢樣我都試過)
第二，你由旺角行返何文田，呢段路係上斜，上斜要多d 時間
第三，你咁唔好彩，過親馬路都預著紅燈，我敢講呢樣野可以係好晒時間...
如果我係覺得你係錯，我使咩花時間幫你analyse？
幫你解話你都要話我唔聽你講，我真係唔知比咩反應你好囉...
你話得我一個人講晒唔可靠，我已經問埋我朋友，佢話佢計過時係15分鐘左右
唔通成個世界係得你個鐘係，人地d 鐘就錯既？

你話我無你咁清楚，何文田我或者會認既，但黃埔既情況你會了解得過我？
我差唔多日日來回黃埔同紅磡站，又唔見你信我話係要15分鐘？
坦白講，你口口聲聲話比我更了解，真係黃埔大既人係唔會叫"乜乜苑"，只會叫第幾期...

anyway，離題離得太多，我就唔會係度再答你有關我既感覺既問題，
你係有唔同意既，歡迎send imsg 再作討論
而我最快聽日就會有時間行一次來回何文田同旺角，證明比你係15分鐘係possible既...

原帖由 FB9469-FA9288 於 2009-6-11 21:51 發表
你跑的話就十五分鐘,
除非你係廣華果邊行去愛民邨, 行得快(唔使跑)的話十五分鐘都可以行完


我有個FD係黃埔花園十一期度住, 我今日問過佢由紅磡站返屋企要行幾耐, 佢好快同好肯定就答我十分鐘
而我係隻船近蔡瀾美食坊果邊行去紅磡站都係用10分鐘
即係十分鐘係搞得掂
黃埔花園中心去紅磡站條路相比較直, 又較短, 唔使花太多時間就可到達

咁即係15分鐘可行啦，我一路都話我個朋友係步速比較快既人...
你步速比較慢，或者邊行邊睇野傾計，又或者等多幾盞燈，半個鐘唔出奇...
同埋上何文田要行斜路又係晒時間既...
至於你個11期朋友，11期距離火車站本身就近過10期，甚至12期...
11期一出就已經係數碼通，10期同12期？仲要行段路哩...
講真，以我既步速，15分鐘就有少少鬆動位，但10分鐘就一定唔得
我記得係因為我係落樓下就聽mp3，而次次都係起碼三首歌先入到閘...
不過唔知點解，我由火車站行返屋企又係比上去火車站快少少既...

[ 本帖最後由 teddybus 於 2009-6-11 22:37 編輯 ]

原帖由 FB9469-FA9288 於 2009-6-11 23:18 發表
我既意思係指由廣華果邊(近上次270A炒車果度)開始行快先十五MINS到愛民
由旺角站開始要起碼20分鐘先到愛民

呢段路10分鐘得喇嘛？只不過係衛理道一直路落去個路口，仲要無咩紅綠燈位要停...

原帖由 FB9469-FA9288 於 2009-6-11 23:18 發表
至於我係蔡瀾美食果度都係十分鐘上紅磡站, 十分鐘仲要係有鬆動, 行得快少少早一兩鐘到都得
而十二期都係同十一期一樣對住紅磡道, 而且十二期只係在11期旁
相差都只係最多一兩分鐘

我今日就係行過一次計埋時
我屋企出門口係10:15，行到上火車站入閘係10:35
唔計中途買麵包既時間 (我估唔使5分鐘卦)，15分鐘好
返屋企就係之前d post都講過話會用短d 時間
出閘係12:00，返到屋企係12:14...
5分鐘左右係去到1期同紅磡灣中心中間條路啦下...

原帖由 FB9469-FA9288 於 2009-6-11 23:18 發表
你步速比較慢，或者邊行邊睇野傾計，又或者等多幾盞燈，用多幾分鐘都唔出奇

無錯丫，所以唔知點解有咩好坳...

原帖由 FB9469-FA9288 於 2009-6-11 23:18 發表
你果D只不過係二手資料, 因為係從別人身上得知, 一手資料總比二手資料準確
仲有二十分鐘左右呢個時間已經算係好快, 一般人以普通步速行的話係要成半個鐘
如果你能夠以二十分鐘呢個時間由何文田行去旺角站, 可以話俾你聽以咁既步速由德定街行去紅磡站可以少過十分鐘

原來自己行過既記憶同印象唔可以作準既，咁而家熱話個單官司咪唔使打？個個都係講記憶喎...
不過既然你唔信我既記憶，我又唔可以好似你咁話出去行就出去行，我咪用朋友既資料囉...
仲有喎，明明兩條路線個distance 相差不足500米
我就諗唔明個時間相差可以去到成十幾分鐘...
你咁講即係話由何文田去旺角站可以來回紅磡站同黃埔12期一次？
真係好難以置信喇...  
就算你話你個步行時間比我個資料長，我都會去諗有咩理由係會引黎呢個差別
而你？一口咬定話我錯，仲要話我唔聽你講...


仲諗到，15分鐘又好，半個鐘又好，何文田行到落旺角係有晒前地鐵線同九鐵線搭
呢樣就已經有優勢過黃埔用10分鐘又好，15分鐘又好，行去得前九鐵既車站...


最後我想講多次既係
地鐵站唔係exactly起係d 屋附近
而係用行人通道駁既
何文田唔係第一個...
黃埔花園都起左成十幾廿年先落實會起地鐵
兩個地方起唔起鐵路存在好多因素
唔係我地係度邊個行得耐d，邊度行得快d 就會改...

同埋呢個thread 本身係講何文田站，你拉到去講黃埔同火車站既距離已經係離晒題
我唔想再係一篇講鐵路既thread爭論邊個行得快邊個行得慢....

[ 本帖最後由 teddybus 於 2009-6-12 13:01 編輯 ]