第一次失戀

好耐無o係度貼文，
之前未拍拖前上過o黎貼文，
而家分左手，我都一時間想起這裹，
所以決定再次貼文請教各位。
(頭先睇過tommy兄篇文，發覺自己情況有某部份相似，
可能個個人失戀都係差不多吧)

由明日起，我就是一位中七生，
我是由中六開始認識她，
她是我同班同學，
我們在四月開始一齊，
我倆都係第一次拍拖。
所以，頭果一個月，
大家都有好多問題發生，
有一次仲差D要分手，
但最終都把問題解決。
(當時以為已解決，其實只是無去諗，
也因此種下了禍根)
事緣是這樣的，
佢每逢長假都會返大陸，
今年的暑假也不例外。
去之前好地地，
佢自己一個返，
我咪叫佢返到去話我知，
等我知佢平安到步。
一齊都好正常，她也照做了，
到上個禮拜二佢終於返o黎，
但原來她在這次發生了一些事。
其實一路以來佢都唔想俾佢阿媽知道拍拖，因為驚會反對。
但今次她在她外婆口中知道左佢阿媽原來一早知道佢拍緊拖，
只是唔向她說出來而己，
我地仲一路以為佢阿媽唔知，
但我地在明佢在暗，始終被揭發。
她也從她外婆口中知道
佢阿媽同佢外婆講話個女仲讀緊書，拍拖係唔係唔係咁好，
佢阿婆就叫佢阿媽由得佢，因為佢阿婆比較錫佢。
佢返o黎後就是在電話中告訴我這件事，
咁我問佢大家有乜要改變，佢話順其自然。
之後幾日大家都無見面，
直至星期五補課，我地先第一次見面，
但我地完全好似唔識咁，
到放學都無理過對方，
我開始有D嬲，咁耐無見都可以好似唔識咁，
我咪主動走去同佢傾謁，順便俾返D野佢，
我見咁耐無見咪望下佢，佢問我仲乜望住佢，
我開始忍唔住，話係咪咁耐無見望下都唔得，
佢仲話駛唔駛咁呀？(唔係話我串，係話我望佢)
我真係唔明佢點諗，
之後佢都知我嬲，有同我道歉，
我同佢講俾兩日時間我冷靜下，
等我諗下自己做緊乜先。
過左兩日佢問我有乜決定，
我其實一路都無想過要分手，
到我琴日約左佢出o黎，諗住講下d問題，
我同佢講好似我地而家無乜溝通渠道，
你又唔可以傾電話，因為又怕佢阿媽，
平時返學大家又唔係咁理對方，
而家淨係sent SMS，你sent一個o黎，
我回返你一個，每日就係咁，
每人每日sent得一個sms來溝通，
我覺得有問題，但佢話唔覺有問題。
跟住我話其實我係咪綁得你好緊，
佢話係，仲話如果我綁得佢愈緊，佢愈想走。
我問佢咁大家在AL前的半年及AL之後諗住點過，
我表示如果像現在般過，
我覺得我地會變淡，我驚會失去你，
我也知大家要著重學業，
佢話佢無諗過要點過，諗住過左e半年，先再睇下點。
但我今次要求佢現在認真想一想，
e半年大家應該點。
佢思考左十分鐘，同我講話都係做返朋友好d，
佢話我付家得太多，佢覺得內疚，因為佢自己無法做到我咁愛佢，
又驚咁樣拖落去，我會因為咁而影響到學業，
咁我問佢咁e半年大家分手，咁AL後大家會點，
佢話到時考完AL睇下大家仲係咪有意思，先考慮返復反，
我考慮左陣，都覺得e個做法對大家都好，
我話咁我可以在這半年把愛情放在一邊先，
專注返學業，考完AL後大家才看可不可復反。
我話我都知咁落去你我都會辛苦，
你阿媽俾壓力你，而家我又提出左咁多問題，又不能立刻解決，
至於我如果e半年，你都係對我不秋不採，我又會亂諗野，
無心機溫書，到時AL成績差，大家最後又要分手o既，
咁我真係樣樣都無曬，
反而大家e半年大家分手，
最少佢阿媽方面得到解決，
畢業後大家一係做野，一係升大學，
到時拍拖，佢阿媽都唔會反對。
雖然最後未必再能復反，
但我地而家做得返朋友，和平分手，
佢向我表示甚至我係佢再好o既朋友，
因為大家知己都不多，而家我又係最暸解佢。
所以佢話如半年後我仲有意思咪同佢講等佢考慮。
我答應佢，之後大家有講有笑傾下閒謁。
在分手前，我擁抱了她最後一次，
拖住佢，行埋最後段路去到巴士站放手。

我雖然唔捨得，話曬都係初戀，
又未試過失戀，但知道又未到絕路，
反而我覺得自己比想像中堅強，
一次都無喊過，唔係十分傷心，
而我自己都諗住等半年後，再與她一起。
(但我知最後決定不是我下，是在她手中)
但我最擔心就係要重新定位，適應改變，做返朋友，
驚有時自己會過左火，諗返果d野。
大家覺得這決定是否最好？
我有無做錯到？

[ref=356400]9done[/ref]  在 2005-8-31 13:23 發表:

好耐無o係度貼文，
之前未拍拖前上過o黎貼文，
而家分左手，我都一時間想起這裹，
所以決定再次貼文請教各位。
(頭先睇過tommy兄篇文，發覺自己情況有某部份相似，
可能個個人失戀都係差不多吧)

由明日起 ...

有得等
好過無得等...

時間就是考驗你們的時候了

其實你同我個case有些少唔同，只少佢仲俾機會你，你可以等，只
係timing唔多岩。

何況你同佢都係有商有量的和平分手，而我...... 是突然死亡......

放心，你仲有機會，但依家你唔好俾壓力佢，就當普通朋友般關心佢r
，我知道係好難適應，好唔慣，但努力吧，自己唔好亂諗野，默默的
在佢身邊保佑佢。

記住，你係仲有機會ga，好過我好多!!

Good luck!!

朋友，
唔緊要啦....

其實響呢種情況下分手都算唔錯...
唔錯的意思係...
你地要做得返朋友的機會大，
而且關係應該會唔錯。

最緊要係唔好因為犯錯而死，
同埋老套都要講句，
唔搵過又唔知有無更適合自己的人。

如果已經好平靜的，
恭喜你，
你要面對的難關會少好多。

[ref=358266]pstommy[/ref]  在 2005-9-2 01:04 AM 發表:

其實你同我個case有些少唔同，只少佢仲俾機會你，你可以等，只
係timing唔多岩。

何況你同佢都係有商有量的和平分手，而我...... 是突然死亡......

放心，你仲有機會，但依家你唔好俾壓力佢，就當普通朋友 ...

多謝鼓勵，
"默默的在佢身邊保佑佢"
好鐘意E句，自己一路愛佢為佢付出，
但就唔俾佢知道，不望有回報，
這可能是愛情的最高境界，
亦是我在學習中。

[ref=358314]307[/ref]  在 2005-9-2 01:58 AM 發表:

朋友，
唔緊要啦....

其實響呢種情況下分手都算唔錯...
唔錯的意思係...
你地要做得返朋友的機會大，
而且關係應該會唔錯。

最緊要係唔好因為犯錯而死，
同埋老套都要講句，
唔搵過又唔 ...

今日第二日返學，
返學時撞到佢，行佢後面，
本來以為佢見唔到我，
我無諗住叫佢，
(俾著以前的我一定主動叫佢)
點知反而佢主動擰過o黎同我講野，
我地拍緊拖反而佢未必咁做，
所以我真係覺得E段時間做返朋友較適合，
也覺得之前俾得太大壓力佢，
做佢朋友，反而佢可主動，
做佢男朋友，佢就好被動。
之前以為有個「愛」字就得，
完全不知道自己用錯方式去愛，
令到雙方都吃苦。

現在我想法是等過左AL，
睇下大家仲有無感覺，
同埋大家心態上有無改變，
才再o係返埋一齊。

[ Last edited by 9done on 2005-9-2 at 17:18 ]

嗯....

本來見到你的reply...
都覺得幾開心....

但係見到你reply的最後一段，
就唔係太開心...

因為你越俾自己空間去想有無機會，
你得到的，只有更長的痛苦...

我諗呢樣野先至係我地最唔想見到的。

[ref=358758]307[/ref]  在 2005-9-2 06:25 PM 發表:

嗯....

本來見到你的reply...
都覺得幾開心....

但係見到你reply的最後一段，
就唔係太開心...

因為你越俾自己空間去想有無機會，
你得到的，只有更長的痛苦...

我諗呢樣野先至係我 ...

sorry....令你失望了
雖然我而家都確定了條路，
但實行起o黎又係另一件事，
所以你都見我三句唔埋兩句就提復合。
咁其實我係咪應該唔去想有無機會？
甚至應該死心？
或者等到過左半年先算？
定有些應做的我未想到的？

[ref=359468]9done[/ref]  在 3.9.2005 13:30 發表:
sorry....令你失望了
雖然我而家都確定了條路，
但實行起o黎又係另一件事，
所以你都見我三句唔埋兩句就提復合。
咁其實我係咪應該唔去想有無機會？
甚至應該死心？
或者等到過左半年先算？
定有些應做的我未想到的？

又不要說到我像一個權威般...

我覺得你唔應該俾自己向復合呢個方向去想。
無錯，你覺得失去左佢，
但係個心又真係好鐘意佢，
想復合係正常不過的事。

但，既然都完左件事，
點解又要留返一條尾俾自己呢?
而且，如果你對呢件事有期待，
最後又落空的話，
你的不快樂豈不是更長?

我個人覺得，
有呢個念頭係可以，
但係唔好再想下去，
尤其係亂俾希望自己....
到以後再收拾的話，
只會來得更痛。