城巴563,有人啤住我

原帖由 EH9097 於 2009-5-27 23:29 發表
唉!因為好難受

其實有咩咁難受??

你肯定唔係第一個影相比人啤既人.....
但係你一定係第一個表示不滿既人..
「食得咸魚抵得渴」
你唔抵得比人啤, 就麻煩你唔好影相


其實你都好唔公平
你就可以影人地, 姑勿論對象係唔係個女人, 但你始於影o左佢,
不過人地就唔可以望你??


我相信你一定有望住佢, 唔係又點知人地望住你(或者你口中既啤住你)...可能人地都覺得你有心影佢/啤佢
但係我都唔相信人地係岐視巴士迷(驚比人岐視唔該唔好出o黎影相)[#8]
亦無理由可以證明人地係高傲既女人, 而你更加話唔可以任由人地逍遙法外?咩道理??[#15]  人地無犯罪...有問題果個唔知係邊個呢...

原帖由 ASV50 於 2009-5-27 23:49 發表

其實有咩咁難受??

我想講，我見到某 d 文其實都好難受....
尤其係態度差鬧人笨果 d reply.....

原帖由 EH9097 於 2009-5-27 23:38 發表
如果幾個人一起去影會唔會好D??

係你覺得人地所謂啤你，你好難受左喎...
唔通你同多幾個人去，人地照啤你你就唔覺得難受？
定係你認為多幾個人去，人地就唔會啤你？

請問樓主當時既衣著係？

正所謂你的樣子如何，你的日子也必如何...

原帖由 EH9097 於 2009-5-27 17:40 發表
咁又係，不過有Ｄ好人既，係望住鏡頭笑。
不過可能由於巴士同地鐵非禮案多左，所以好人可能真係愈來愈少。

其實係對方心目中 可以係恥笑緊你  

對方表情含意 好大程度上在乎你本身之心理狀態及主觀意願吧

你覺得佢係笑就係笑  
你覺得佢係啤就係啤

嘩......
個女仔咁寸、咁高傲，「睥」住樓主咁乞人憎，
簡直係五行欠打啦，
不如班衡馬上車教訓下佢好唔好？

係啦，真係要加強宣傳，
最好搵Yannes 0係Roadshow同各位乘客講：
「你地見到車外面有人挪住相機影相0既話，
佢地係巴士迷來0既，
唔使緊張，望住鏡頭笑下就得0架啦，
好啦，又到左iClub著數速遞0既時間啦：
如果見到車外有巴士迷影相，乘客應該要點做呀？
A. 望住鏡頭笑  B. 遮住塊面  C. 怒睥佢地......」

甚至對巴士車長都要加強教育：

師傅：「拿拿拿，見唔見到路邊有個人，突然挪起相機影相呀，
見到佢地唔使緊張，佢地唔係白蚱，係巴士迷，
佢地通常0係啟業、荔橋、紅隧口出現，
但有時0係其他地方都會突然出現0既，
見到佢地0既話，唔好突然dup車，亦唔好望佢地，繼續渣車就得0架啦。」

大家諗返自己平時影巴士0既習慣，
影完之後，通常都係望下後面有冇其他巴士來緊，
有幾何會留意剛才架車上面乘客0既表情同動作0架？
甚至過左好耐睇番D相，細心睇番先睇到部分乘客0既表情同行為有D特別。
真係有D懷疑，樓主係影緊巴士，定係影緊乘客。

樓主唔係望住車上0個位乘客，又點知道人地「睥」住你？
你越望住人地，人地就越會誤會你刻意影佢。

[ 本帖最後由 Jeffrey 於 2009-5-28 09:01 編輯 ]

樓主  
你想像下果個女人如果係你阿媽
佢啤住你 你仲會唔會話佢賤格呢

所以整體而言
你只是憑空想像這位女士
會否對她不公平呢 ?

佢要覺得有野咪有野囉。

我地同佢講咁多野都晒ＧＡＳ，
佢始終都係覺得影相唔比人啤先得。

你出街點都會有人留意下你，
留一留意就話啤…