[經典紀錄片](18-10-1990)香港電台-鏗鏘集(電氣化火車)

[經典紀錄片](18-10-1990)香港電台-鏗鏘集(電氣化火車)

(18-10-1990)香港電台-鏗鏘集(電氣化火車)
http://www.youtube.com/watch?v=XjOsrWL0MIU (Part 1)
http://www.youtube.com/watch?v=HnYF9qnddks (Part 2)
http://www.youtube.com/watch?v=gw_y0xwyvpM (Part 3)

本片詳述乘客對九廣鐵路各樣的不滿及九廣鐵路的回應
片中可見當年的黃頭火車的車廂及鐵路擠迫的情況

是日其他精選:
(30-3-1990)香港電台-摩登時代(交通工具)
http://www.youtube.com/watch?v=hHXMvUex3P0
(9-9-1991)無線電視-星期一檔案(巴士情真)
http://www.youtube.com/watch?v=alEGCXfV0UI
TPB Video 香港交通運輸新聞片段庫 - youtube.com/tpbvideo
---------------------------------------------------------------------------------------------
TPB 網站群組 - tpb.hkbf.org

真係唔睇呢條片，原來都唔知以前東鐵線電氣化之後既服務質素真係差成咁，相比而家黎講已經有一定明顯既改善。

第一，車站既指示嚴重不足，令到D乘客不知所措。

例如有特別車由火炭開去紅磡，但就冇任何指示，令到D乘客以為最先駛入月台既列車會一定先開出，結果o個班列車停左o係月台好耐都未開，而普通班次反而就最先開出；而家月台已經有電子顯示屏，顯示下班列車既前往目的地以及距離到站時間，亦會有車站廣播以作配合，最典型既例子係東鐵線北行列車有部份班次會以落馬洲為終點站，而唔係羅湖，月台會顯示前往羅湖或落馬洲既列車既到站時間，同埋會設有廣播，提醒乘客即將到站既列車係去羅湖抑或落馬洲。

而家東鐵線列車係十二卡，原來以前有部份班次只有九卡，同樣因為月台既指示不足，令到企o係第十至第十二卡既乘客要走到前面既車卡上車，十分狠狽。

第二，有車站既出入閘口嚴重不足，難以疏導乘客，東鐵線九龍塘站以前就真係只係得一個閘口，而且車站大堂設o係月台中間，唔似得而家咁分散。

第三，而家東鐵線列車每列車卡都有五隻車門，英製列車未翻新之前就只得三隻，顯然未達到集體運輸既標準，亦令乘客o係上落車呢方面難以作出有效既疏導。

第四，原來以前東鐵線車站既廁所既衛生情況係冇而家咁好，以前既紅磡車站既廁所就真係臭氣沖天。

第五，當年東鐵線車站職員既服務態度差，可以話為人詬病，更突顯出當年九鐵既『官僚作風』，同公營機構既『以民為本，為市民服務』相差好遠，例如唔比乘客因為唔夠散銀去售票處『暢錢』，以及遇到售票處出現人龍，但唔肯增加櫃位。

我宜家最唔滿意東鐵車速好慢,第2係即將縮短去紅磡 ,其他都滿意

當時東鐵綫仍以AWS系統，也就是稍舊的固定閉塞區間為主。
現時它就用TBL系統，加上部分直通車改用電力機車牽引，現在列車在紅磡站前，等待直通車開出轉入正線的機會大幅減少。

綜觀這套節目，反映出當時的九鐵公司，無論是硬件抑或是軟件，乘客都逆來順受—直到1990年代中期為止。

九卡 / 十二卡 既指示牌
過多幾年或者會再有用武之地

片中九龍塘站的大堂依家仲響唔響度？如果響度，又即係邊個位？
我認極都認唔出

原帖由 novkovsky 於 2009-6-1 02:00 發表

片中九龍塘站的大堂依家仲響唔響度？如果響度，又即係邊個位？
我認極都認唔出

正係依家用果緊果個
係d色唔同左o者

原帖由 DM17 於 2009-6-1 02:19 發表

正係依家用果緊果個
係d色唔同左o者

即係北大堂果邊？

原帖由 ben1985623 於 2009-5-31 21:15 發表
我宜家最唔滿意東鐵車速好慢,第2係即將縮短去紅磡 ,其他都滿意

縮短去紅磡無問題，要去尖東都係轉車
慢左都算喇..最勞氣係冷氣較細左！
大熱天時同落雨天真係多得佢唔少

而家巴士cut車，火車唔舒服，都係搭小巴好過！

原帖由 asv2 於 2009-6-1 00:12 發表
九卡 / 十二卡 既指示牌
過多幾年或者會再有用武之地

而家D候車時間顯示版應該可以勝任有餘