其實香港可唔可以全市禁煙

我不是煙民,也不是覺得煙民是壞人或者不喜歡他們.只是見到好多中學生或是以前中學的同學.男仔女仔也好.個個以為食煙好有形..聽過有人話食煙可以減肥減壓等等其實要減肥減壓有好多方式.食煙一定會令人身體唔好.好似我有個親戚食煙食到死吓死吓..行兩步都無氣..見到d年青人應該好有活動既.女仔既青春美麗就比支煙仔慢慢消晒去..真系好心痛..雖然我年幾唔大我都有咁既諗法.....如果你話會影響d經營香煙者.但政府系唔系應該要想想點解要用市民既健康去比d經營者來搵錢..

1.政府應唔應該立法去禁止售賣香煙同禁止在香港吸煙?

2.要立法禁煙會有d咩問題?

講真.最好就全市禁煙啦.我又唔mind食煙當吸毒刑事化.
累人累己.

不過禁煙...煙草商嘈,服務業嘈,煙民又嘈.高官都唔知幾多個食煙,佢地又會嘈.
政府又收少左錢.
緊係唔會肯一刀切禁煙啦.

煙草根本就係毒品.今日的尺度覺得吸煙可接受唔代表終有日唔覺佢係毒品
我求神都求煙草納入危險藥物/毒品類咁就very good.

原帖由 cn2661_2d32 於 2009-6-1 02:17 發表
講真.最好就全市禁煙啦.我又唔mind食煙當吸毒刑事化.
累人累己.

不過禁煙...煙草商嘈,服務業嘈,煙民又嘈.高官都唔知幾多個食煙,佢地又會嘈.
政府又收少左錢.
緊係唔會肯一刀切禁煙啦.

煙草根本就係毒品.今日的尺度 ...

所以係呢個問題上其實做法好矛盾....

就算唔可以全面禁煙, 都希望可以禁止 D 人邊食邊行, 你想食煙係你既事, 唔好迫我一路食你二手煙.

如果將人類社會推倒重來，我相信煙草及酒精都會被納入為危險品/毒品。

原帖由 ArnoldC 於 2009-6-1 21:42 發表
如果將人類社會推倒重來，我相信煙草及酒精都會被納入為危險品/毒品。

推倒重來，又如何知道煙草及酒精會害人呢？

我自己都係唔煙唔酒，飲得最多酒就係去德國，但飲完之後個頭好脹，好唔舒服，都係可免則免。

煙方面，慶幸家中無人吸煙，疏堂親戚在我地面前都盡量唔會吸煙，
我有鼻敏感，一聞到煙味會即刻咳，有時係一咳先知附近有人食煙。
如果香港的家長式／保母式管治落實在這方面，我唔拘呀......

現時政策相當矛盾, 公園同運動場不准吸煙, 但在繁忙街道如彌敦道上就可以...........
我成日都覺得, 禁得公園都唔差在禁埋街道.........
公園, 運動場都叫做大d 地方, 呼出既煙其實已經dilute 左好多.
但係繁忙街道人煙密, 你跟正d 食煙既人尾後, 個口二手煙真係食到應一應 ........
偏偏政府禁open area 但就唔禁空氣不流通既街道, 令人費解.

(ps 有公德心既人, 都會行埋一邊食完煙先返埋去巴士站排隊,
可見街道上吸煙比起公園吸煙更影響其他人.)

原帖由 av220 於 2009-6-2 14:35 發表
現時政策相當矛盾, 公園同運動場不准吸煙, 但在繁忙街道如彌敦道上就可以...........
我成日都覺得, 禁得公園都唔差在禁埋街道.........
公園, 運動場都叫做大d 地方, 呼出既煙其實已經dilute 左好多.
但係繁忙街道 ...

咁本身公園係休憩地方, 俾人可以較長時間去坐, 亦會有小朋友去玩,
運動場就係做運動的地方......禁煙好正常吧, 相反, 街道都係路過的地方,
對一般人黎講...唔係一目的地/長時間逗留同一地點的地方, 相對上係無
咁重點..

另外街道上執法, 會有一個問題, 因為公園運動場有好清楚的範圍,
但何謂街道? 咩範圍先算係? 有人車上吸點計, 如私家路又點計?
其實好難去做....

日本本身做緊步行中禁煙的, 當然, 長遠呢個都係可以考慮做法..

原帖由 3ASV196 於 2009-6-2 14:50 發表


咁本身公園係休憩地方, 俾人可以較長時間去坐, 亦會有小朋友去玩,
運動場就係做運動的地方......禁煙好正常吧, 相反, 街道都係路過的地方,
對一般人黎講...唔係一目的地/長時間逗留同一地點的地方, 相對上係無
...

我明白你想講乜, 呢個亦係政府既理據..........
不過事實上呢d 地方(尤其係沙灘, 大學校園既空地) 都相對較大, 有煙味都好快散, 長時間逗留都未必係好大問題 .
你想像下你去運動場場邊/看台上食煙, 係咪真係會影響到一心享用呢d 設施既人 (i.e. 跑步的人)?
斟酌既係細既公園, 成堆飛仔或者阿伯圍埋邊吸煙邊捉棋呢類..........但呢類公園人流咁雜, 小朋友都係少見的
我樓下個細公園已經無小朋友會去, 變成阿伯, 中東籍人同不良青年既地方.....
d 小朋友多數去遠d 既大公園玩, 而大公園有煙味都好快消散..........

街上吸煙既影響有時可能仲大, 若巴士站等車既人食煙, 佢後面個個就多得佢唔少.
情況就似係在巴士站排隊, 旁邊係裝滿未熄煙蒂既垃圾桶一樣, 尋日試過企正垃圾桶邊, 真係好惡頂........
繁忙街道禁煙既理由同空內禁煙既理由一樣, 空氣唔流通.........

其實都唔駛太複雜, 禁止在"行人路" 同"安全島"上吸煙已經可以係一種做法 (可能d 人會在車路中間食 ).
行人專區我覺得都可以容許 (對比之下, 現時正常行人路要吸車既廢氣加二手煙, 真係完全透唔過氣).
唉.........反正遲下連酒吧都禁, 唔差在禁埋街道, 做到全城禁煙, 橫掂只係都差一步........
(比我推倒重來既話, open area 如公園等我會容許吸煙, 但繁忙街道同室內地方我就真係接受唔到.)

[ 本帖最後由 av220 於 2009-6-3 21:08 編輯 ]

原帖由 av220 於 2009-6-2 23:23 發表


我明白你想講乜, 呢個亦係政府既理據..........
不過事實上呢d 地方(尤其係郊野公園, 沙灘, 大學校園既空地) 都相對較大, 有煙味都好快散, 長時間逗留都未必係好大問題 .
你想像下你去運動場場邊/看台上食煙, 係咪 ...

講真，我支持郊野公園全面禁煙，但係主要原因唔係咩二手煙或者製造垃圾，而係食煙好易會引起山火；當年八仙嶺山火慘劇，就係由學生吸煙引致。