今日六四事件廿周年有幾多版友會去維園參與燭光晚會？

原帖由 238X 於 2009-6-5 01:06 發表


我估警方只講 4、5 萬架咋。

警方邊可能同主辦單位講同一個數架？

其實咁多年來, 晚會, 遊行, 雙方數字都係差好遠,
唔係新鮮事了...過往新聞都有報導過....可能都係
要由大學/其他獨立調查機構, 去做科學化的統計,
先會有較可靠的數字...

不過記得有年71遊行, 大學公布的統計數字, 反而
是同警方的較接近....

昨日有人打電話俾我, 話太多人, 佢同家人入唔到去,
叫我唔好去...(雖然昨晚本身我有課程要上,  都唔會去
到的, 而本身我也無打算去).. 某程度都證明昨晚本身係
好多人....唔夠位, 而即使有關統計人數, 都未必可以實際
反映所有想出席的人數

但現場人數, 以科學化d的角度, 我會等待獨立的統計,
才會信喇....因為主辦單位/警方(代表政府), 都有明顯
的利益/關係衝突(政治層面)

[ 本帖最後由 3ASV196 於 2009-6-5 10:45 編輯 ]

其實類似晚會既野，d人都無乜點郁，照計計數應該好計過遊行喎
不過個人對數字呢樣野無興趣
任你up者講真，有人報大數，有人報細數，兩邊睇加埋除2就差唔多啦

好開心隔左20年仲有咁多香港人咁有心

小弟現正身處於SF East Bay，無緣參加香港的六四燭光晚會；本來想參加舊金山唐人街
的悼念晚會，怎料因為lab裏面的技術問題搞到傍晚六點半才能放工，因為自己沒有車，
肯定不能八點前到達會場，於是這裏連續兩個六四悼念活動都miss了。

剛剛看香港的新聞，知道有許多新一代年青朋友都有參加，我facebook裏身處香港的朋友，
十有八九都有出席，實在令人鼓舞，希望能薪火相傳下去，無論六四平反與否，如此的國恥、
傷痛，是不可以忘記的。

原帖由 kay 於 2009-6-5 09:28 發表
其實類似晚會既野，d人都無乜點郁，照計計數應該好計過遊行喎
不過個人對數字呢樣野無興趣
任你up者講真，有人報大數，有人報細數，兩邊睇加埋除2就差唔多啦 ...

為甚麼要執著於參與人數，把焦點模糊化，而不是執著於六四事件本身？

再說，單憑人數就能推斷巿民對平反六四的態度嗎？至少，我肯定有許多像我這樣，
心繫六四，卻因種種原因而未能參加悼念活動的人。

原帖由 S3BL100 於 2009-6-5 13:41 發表


為甚麼要執著於參與人數，把焦點模糊化，而不是執著於六四事件本身？

再說，單憑人數就能推斷巿民對平反六四的態度嗎？至少，我肯定有許多像我這樣，
心繫六四，卻因種種原因而未能參加悼念活動的人。 ...

其實參加人數年年都會講, 就連主辦單位本身都會留意參加人數, 去做一個參考
(唔係佢地駛乜公布人數, 新聞又點會講?)
  
呢個topic 係六四晚會, 討論一下參加人數之間的問題, 本身無問題, 亦好似無人講過
參加人數是直接等於市民取態及影響六四事件本身的基本問題...

我諗閣下唔駛咁反應吧...

原帖由 3ASV196 於 2009-6-5 14:29 發表

其實參加人數年年都會講, 就連主辦單位本身都會留意參加人數, 去做一個參考
(唔係佢地駛乜公布人數, 新聞又點會講?)
  
呢個topic 係六四晚會, 討論一下參加人數之間的問題, 本身無問題, 亦好似無人講過
參加人數 ...

OK，我剛才反應是大了一點。

人數來說，十五萬人參加，和只得幾萬人參加，當然有分別；我只是針對那些企圖通過
炒作參加人數多寡，把重點模糊化的行為而已。

今日有線電視訪問一位浸大的教授，佢話參加人數大約有七萬至十萬，介乎警方與支聯會的數字之間。

當然，參加者數目不是太重要的一點，即使係六至七萬，都等於每100人有一個去，
十五萬就係每50人有一個去，都唔少架喇。

希望有一天，會係由民建聯或中聯辦搞六四悼念活動。

話時話, 今日真係有d 頂唔順生果日報, 本身用六四做頭條, 完全無問題, 好合理,
不過估唔到, 六四20周年, 都不敵粱小姐生左李生的孫....成份頭條轉左...
(唔知公布日子是有心定無意呢)

香港d 娛樂八掛野, 似乎真係比較重要..@@