旺角巴士撼小巴多人傷

不如將彌敦道同上海街之間既弼街改為西行,
再在彌敦道同荔枝角道交界加多個路口,
比彌敦道南行既車輛,
包括33A,37,66X,E21線巴士,
右轉入弼街,再轉入上海街前往大角咀,
相信此舉可減少部份彌敦道經旺角中心區往大角咀的車流

原帖由 df9321 於 2009-6-17 00:34 發表
不如將彌敦道同上海街之間既弼街改為西行,
再在彌敦道同荔枝角道交界加多個路口,
比彌敦道南行既車輛,
包括33A,37,66X,E21線巴士,
右轉入弼街,再轉入上海街前往大角咀,
相信此舉可減少部份彌敦道經旺角中心區往大角 ...

改動係有好有壞既,O個個位前面(始創個位) 已經有紅綠燈,
若果加多支燈一定會更加塞, 因為彌敦道往太子方向O既車要停低比往大角咀O既車行,  
若果呢D巴士過唔到呢支燈, 咪變相塞住條彌敦道

原帖由 053h4 於 2009-6-16 23:31 發表
係啊, 先期應該係減少旺角內街的車輛, 所以小巴站應遷出
如果唔係小巴咁亂, 點會咁多小巴旺區擺街咁分散呢?......

你似乎將因果倒轉了，係因為旺區小巴總站擺街的關係，因存在
多條路線導致總站分散於各內街，結果大家睇來就覺得好亂。
情況如以前港島區的巴士總站，好多都係泊街，其實一樣都係亂。

而旺角從來都無一個大型的運輸的交匯處，巴士去旺角市中心亦
難於設立總站，唯有延長至大角咀或改為循環線等。

若將來真的建成交通交匯處，附近的巴士站小巴站難免都會一拼搬入去，
先後次序都不太重要吧? 大家搭車都有機會行遠些少。

1) 分流同搬站解決的是內街塞車問題. 路路暢通就會少左意外?
反過來, cut 走旺角道過路線同巴士站後,1A 既司機好自然會再開快D, 咁碰撞後果可能會更嚴重.

2) 今次意外, 係司機既態度問題........

正如深夜既加士居道路路暢通, 但冇人叫你由海隧口連cut 四線入葵涌而唔睇右手邊有冇車.
自己唔睇車就話路面有問題, 搞一大輪分流工作去解決塞車問題,
但係, 試想分流過後, 若有人深夜又係咁連cut 四線而唔睇車, 嚴重意外都一樣有機會發生.

[ 本帖最後由 av220 於 2009-6-18 11:07 編輯 ]

原帖由 053h4 於 2009-6-18 15:39 發表


所以, 參考巴士, 就算無交匯點, 小巴係唔係應該好似巴士咁, 搬去大角嘴擺街
旺角只留上落客點?
巴士公司都肯解決問題, 小巴難度不能主動做點事?

其實有條已經係o甘做緊，某條紅小(唔知係唔係多車得滯)會擺o係奧運站附近匯豐中心紅小巴站，
仲會做埋短途特車$3.0出旺角，不過一下子放晒埋車入大角咀會做成兩個主要問題，
第一對居民影響(廢氣、噪音)，第二會對大角咀內街/旺角道/櫻桃街/新填地街交通流量構成壓力。

而家先知原來呢段西洋菜南街之前由兩線收到一線，搞到內街塞車，
最後令到始創中心旁邊既油站唔再繼續做落去。

[ 本帖最後由 on11358 於 2009-6-18 23:11 編輯 ]

原帖由 Alex_Tsang 於 2009-6-16 08:50 發表
唔好用路面設計來找借口，同那些成日話見到狗跟住撞車的人
是沒有分別，那個路口真不知有幾難出，小路出大路一向都係
要等同忍，如果兩樣都沒有，不如將個駕駛執照退回給運輸署
吧！

一句，沒有職業道德的職業司機返屋企想一想是 ...

根本小巴佬就死性不改, 今晚坐車沿田灣街行
我架巴士就沿田灣街上緊田灣商場, 就到田灣村落黎既路口,
一架小巴就停左係田灣商場巴士站上緊客,
另一架小巴JA7x6 係田灣村落黎, 呢架小巴係讓路口停都冇停就出去
如果佢停唔切就撞埋去第一架小巴度, 如果我架巴士停唔切就撞埋去架JA小巴度

今晚新聞話要搬旺角巴士站, 如果為乘客利益當然好, 但為小巴更快出到個路口既話真係荒謬

[ 本帖最後由 kd7941 於 2009-6-18 23:26 編輯 ]

小巴司機的駕駛態度依舊,
就算硬件有幾好都冇用,
反而可能仲危險.

原帖由 ksmbh 於 2009-6-18 23:30 發表
小巴司機的駕駛態度依舊,
就算硬件有幾好都冇用,
反而可能仲危險.

始終涉及人為意外歸根都係要重教育正確態度著手，
當然小部份唔聽都好難根治問題，小巴公司/乘客要求都係壓力來源，
車速顯示器作用不大，一來唔可以用黎做證供，二來只係針對高速公路，
今次事例司機用左一個唔適當車速轉彎導致意外，但未必超出警報器範圍，
一直運輸署都研究緊安裝黑盒，但係成效唔大，正建議車輛生產商出廠已經安裝有關設備。