旺角巴士撼小巴多人傷

原帖由 ksmbh 於 2009-6-13 22:26 發表
旺角既路面空間咁珍貴,
到底小巴同巴士既載客效率邊樣高?
係巴士線太多定係小巴線太多,
個d橫街係窄,大街已經塞車,
咁旺角到底唔應該比咁多巴士定係小巴進入呢?! ...

其實閣下講左今次意外的其中一個誘因，就係橫街窄，大街塞車，
但大街點街塞車? 其中次一個原因就係旺角道一列的巴士站，
巴士排隊入站，阻礙小路想出去的車輛。

橫街的車經常等好耐都出唔到大路，以至司機不耐煩，
一有位就即刻衝出去，若唔小心就會發生意外。

若果情況無改善，下次未必小巴，發生意外可能是的士、私家車、或者貨車等。
我覺得係呢件事上唔應該針對於小巴上。

原帖由 053h4 於 2009-6-13 23:59 發表
個路口, 應考慮好似堅拿道東轉入體育路路口咁, 加個"停"字, 強制小巴停車睇清楚先轉出

若果有睇到新聞片就知設立"停"路牌係事發現場跟本無用，
巴士入站、小巴出大路，好多都係黃格內停車，左穿右插，
相信無人會在意那個"停"的路牌。

其實個人認為最好的做法，就係去似葵涌道近禾塘咀街路口的設計，
劃出一條線俾小路的車出大路，盡快疏通小路的車流。

我也认同，如果小巴不是以某一个速度进入大路，应该不会撞成这个样子的。。。
如果以低速度来讲，它停下，作了安全确认后才再开车，大多不会有这种意外发生。
不过事情已发生了。。。 道路使用者应该小心呀！ 马路如虎口！

[ 本帖最後由 TIB1224Y 於 2009-6-14 00:30 編輯 ]

原帖由 053h4 於 2009-6-14 00:16 發表
講真, 發生事故的時間, 大街有幾多車呢
我過去曾係11~12點在出事車站等72X, 旺角道車流有限
車都唔洗點等就轉得出去

架巴士都行緊中線, 正常速度轉出路口都好難會撞到架巴士

如果真係要等先轉到出路口, 車速都唔 ...

有時唔係話車流多，而係巴士cut入慢線、等埋站因素
令到小路的車出唔到去

再加上平時旺角道塞車等因素，變相令司機一有機會便加速出去，
增加意外的風險，當然司機的素質亦係一個重要的原因。

原帖由 053h4 於 2009-6-14 00:36 發表


一個牌係無用的, 但係如果成日有人捉, 就自然有用
好似體育路個路口咁

而所謂分流, 根本無用, 今次就係同架行緊中線的巴士相撞
前面唔夠30米應該就巳經係燈位, 係唔係真係咁趕時間
個路口根本就無問題, 有問題係 ...

同意最尾的一句, 根本就係整件事既重要成因
以前都有師傅講過十單意外九單因快而起, 如果小巴司機當時唔係咁快
同埋遵守小路出大路守則的話, 根本唔會有呢單意外
整件事唔係路既問題, 係人既問題