究竟應唔應該排隊?

圖中係置樂花園分站, 其中鐵巴共有 5 條線 (A73、K51、K52、K53、K58),
主要既客都係搭 2-3 個站去市中心或且屯門站, 上學日朝早七點幾再多一班
去屯門西 (山景至建生) 既學生客 (工業區既客相對少)。

圖中鐵巴站牌前有兩條欄杆, 大約 2 個月前加落去。未有欄杆之前, 當一段時間
冇接駁巴士到  (朝早繁忙時間大約 5-6 分鐘, 日間非繁忙時間超過 10 分鐘),
巴士站與周邊的 OK 至大快活外往往會堆積一堆候車既人, 跟住接駁巴士一到
往往出現一窩蜂擁去上車門既情形。

兩條欄杆分別排 K51 同 K58。以巴士站的空間及客源分類, 呢個安排本身係恰當,
不過有部分人都可能會有一個疑問: 究竟 K52 同 K53 排邊? (A73 就唔駛問o掛)

可能有人覺得呢個問題係多餘, 因為 K52、K53 去到置樂可以叫做同 K51 同路,
加上班次上 K51 理論上係最密果條, 搭呢兩條線咪排埋去 K51 條隊O羅。
以我在假日所見, 得番 K51 同 K52 既時候 (唔計 A73), 大家都會排 K51
條隊, 而無論 K51 或且 K52 其中一部車黎先就盡量對正個位上落客。
不過去到平日繁時, 當有齊咁多條線既時候, 呢個多餘既問題就唔係多餘。

只要 K52 或且 K53 同前面既車 (非 K51) 一齊埋站, 排隊既人往往會蝕底
(尤其係 K53)。因為鐵巴排隊位置O係最前方, 其他車往往停O係中間以後
上落客 (尤其係小巴), 咁岩 K52 或且 K53 停O係最後, 唔排隊既人走埋去
截車, 司機開上車門就麻煩, 排隊既作用就冇晒。呢個情況間唔中都會發生,
其中有一個親身例子我都幾嬲下..

[例子]

幾日前某朝我落到去走左大約 0820 青山灣開果班 K58, 之後我就排 K51 條隊
(前面已經有差唔多幾個人), 等左大約 8 分鐘先黎部 K53 (費時講邊部車)。
咁岩佢前面有部小巴上客, 停車位置仲要頗後下。跟住有個客走出左 K53 上車門
旁邊揚手, 點知個司機真係開門... 果時成堆人立即跑過去部車度 (係跑, 奔跑果隻),
而我排O係欄杆中間位置, 想走既時候已經有一堆人O係車既前方!! 果時部車前面
既情況未至於混亂, 但係真係冇晒秩序可言。等部車落完一堆人, 跟住上呀上,
結果上到前面企滿晒人! 見到呢個情況, 加上咁耐冇其他車黎, 我都費時上喇。

部車走果陣, 我呆左一陣, 因為我唔識得去諗下一部車係邊部車, 唔識去排邊條隊。
結果我企番去九巴個巴士站度。跟住好快 K52 就黎 (#618)。果時 K52 排頭, 所以
就可以對正個站埋。今次就到番排 K51 條隊既人就上晒先, 我見 D 人上晒果陣就
踏上車門右方, 偏偏果陣有個人快速由 K51 條隊插向我既左邊 (算吧, 反正 K52
多位, 而之後部 K52 去到市中心追到部 K53。)...

[/例子完]

呢個例子有人可能覺得我黑仔。不過我又試過好幾次排正 K51 條隊上 K52 或且
K53, 往往因為前面既人係排 K51 (去景峰至富泰), 跟住佢唔郁阻一阻, 隨時有唔少人
就會上車先。正正因為 K52、K53 都冇列明要排隊, 冇排隊上車先既人又唔算插隊喎...

熟識置樂既人某程度都應該會認同置樂個站太細 (仲有附近既新都), 先至會攪到排隊
既空間咁淺窄。

一切都係九鐵既錯
都唔知點解要 K51 , K52 , K53 , K58 , A73 5條線 出置樂,
但係又有冇提供足夠位置排隊 , 入站等等

個人認為建議向講鐵 / 區議員反映

執好 D 班次基本上都唔洗搞到咁亂
成日一係唔黎 , 一黎就 2 ~ 5 條線黎哂

執左都冇用啦 , 一架停多站上幾個客 , 停多支燈

足夠令調控失效

兆置區既議員係一直有嘈置樂個站太細, 不過政府果邊
好似冇乜反應

路線方面, 我都同意途經既路線太多, 根本三條線已經夠晒,
不過要點樣重組法就頭痕。

班次方面就算吧...

請合併 K53 , K58 處理

K52, K53, K58 共用一個排隊位又得唔得 ?

其實開頭見九鐵擺欄杆排隊, 我有d覺得係陰謀, 呢個巴士站位細, 但就不時見d私家車, 小巴, 貨車上落客貨, 朝早仲離譜, d友落車去ok買報紙, 買早餐, 巴士到就埋唔到頂死晒, 擺左位係前面, 好似想整走d車咁, 話畀人聽唔好停呢度啦, 阻人呀, 其實呢個位可唔可以畫24小時雙黃線呢, 起碼無咁混亂.

如果將 K52、K53 包埋入 K58 條龍, 就會出現邊部車先黎都會有一堆人
「轉隊」。雖然呢個情況O係屯門站、市中心巴總都經常發生, 但始終我
覺得 K51 去到置樂係包晒 K52 同 K53, 理論上冇理由又要將呢兩條線
分開排。

其實我見頂得最耐既, 往往係鐵巴自己友拖埋一堆一齊埋站,
宜家 K51 同 K58 要對正位埋就更加耐啦 (不過我唔係話唔應該
排隊)。