轉貼新聞 梅窩居民拒正生書院 港府籲理性包容 孩子們哭了

http://hk.apple.nextmedia.com/te ... amp;art_id=12877681

人誰無過,人地之前係做錯過,但人地都已經改過,正生正係要比佢地一個重生既機會,個校監講得對,唔通要人地係荒島起校舍呀?

支持正生書院係梅窩起校舍,比更多曾經吸毒既人一個重生既機會.

近日有網民開左一個支持正生的facebook group，各位支持正生的人，希望你們能加入這個ｇｒｏｕｐ，發揮大眾力量，支持比更多曾經吸毒既人一個重生既機會.

http://www.facebook.com/group.ph ... 32498922&ref=mf

其實呢單野我覺得是政府施政失誤，俾＂想拿政治油水＂的人利用反對正生書院遷入的居民的情緒去指責政府。贊成和反對正生搬校的居民也是受害者。

因為：

南約區中學兩年前被殺後，鄉議局曾與教育局商討，研究將該校舍改作國際學校或與內地大學合辦進修課程。（From 身兼離島區議會主席、鄉議局副主席及南約區中學校董會主席的林偉強)

梅窩小學不夠地方，應該預留丟空的校舍給他們擴建。(為甚麼政府呢幾年要HOLD呢個要求而唔批住呢?)

原帖由 Crotone 於 2009-6-15 20:36 發表
其實呢單野我覺得是政府施政失誤，俾＂想拿政治油水＂的人利用反對正生書院遷入的居民的情緒去指責政府。贊成和反對正生搬校的居民也是受害者。

因為：

南約區中學兩年前被殺後，鄉議局曾與教育局商討，研究將該校舍改作國際學 ...

梅窩小學不夠地方，應該預留丟空的校舍給他們擴建。(為甚麼政府呢幾年要HOLD呢個要求而唔批住呢?)

你認為當年政府若批丟空校舍俾梅窩小學，就可以避免今次事件??
相信戰場只是由梅窩遷移到其他地方罷了

又唔知同施政失誤有乜關係喇，政府根本冇可能預知/避免所有野，馬後炮當然容易，
我只認同政府失誤在於冇宣傳正生係間乜野學校，淨係知係戒毒學校，
唔少人都仲以為d學生係入去戒毒，以為d學生係被「判」入去，以為d學生可以自出自入

同埋你真係信梅窩班人用冇中學做藉口??

立法會教育界議員張文光指，南約區中學被殺多年，「被殺前無人出嚟爭取，被殺嘅時候無人惋惜，至今都無辦學團體申請辦學，間學校荒廢咗咁多年，實際上有幾多人有需要？」他批評今次發生衝突是政府的責任，「政府內部太遲有統一意見，未能及時做好居民游說嘅工作，所謂反吸毒當成為口號，今日嘅亂局係政府自作自受，犧牲咗正生書院嘅學生。」

香港教育政策關注社主席張民炳直言，居民所指與事實不符，離島近年多間學校因學生不足被淘汰，加上學校選擇不多，無法提供英中學額等，許多家長寧願讓兒子前往市區上學，「好似長洲每日好多學生搭船出嚟（市區）返學，咁長洲啲學校咪一樣被殺。」

[ 本帖最後由 Kaix 於 2009-6-15 21:47 編輯 ]

原帖由 Kaix 於 2009-6-15 21:39 發表

你認為當年政府若批丟空校舍俾梅窩小學，就可以避免今次事件??
相信戰場只是由梅窩遷移到其他地方罷了

又唔知同施政失誤有乜關係喇，政府根本冇可能預知/避免所有野，馬後炮當然容易，
我只認同政府失誤在於冇宣傳正生係間乜野學校，淨係知係戒毒學校，
唔少人都仲以為d學生係入去戒毒，以為d學生係被「判」入去，以為d學生可以自出自入

同埋你真係信梅窩班人用冇中學做藉口??

我根本覺得梅窩班人根本是用無中學為藉口反對正生班人入去。
但如果唔係政府施政失誤，點會俾某Ｄ＂政客＂上到位教梅窩居民如同＂刃民＂一樣去抗議。也不會有特首，唐司長去解畫。

您唔見馬會係某地設投注站，去到邊都會有人抗議助長賭風，最後也不了了之。因為好少政客會反對

　

[ 本帖最後由 Crotone 於 2009-6-15 22:20 編輯 ]

原帖由 港島豪皇帝 於 2009-6-15 22:17 發表
曾經吸毒既人預左要面對呢d野ga la,無咩問題wo
梅窩居民俾d考驗正生學生,係岩既

呢班學生因為毒品而接受教育,佢o地已經要面對
不少壓力,不論社會家庭以至法律,點解仲要俾梅窩
居民加添壓力?

唔通因為佢地曾經犯過事就一定要俾人歧視?

梅窩居民話因為無中學就要反對,但點解當初南約
中學還存在時唔要求保留,而繼續叫子女日日花幾
小時去港島區名校就讀?

當名校生都走去吸毒時,偏偏就要反對戒毒學校,唔
通這就是教育本質?

原帖由 orange 於 2009-6-15 22:31 發表

呢班學生因為毒品而接受教育,佢o地已經要面對
不少壓力,不論社會家庭以至法律,點解仲要俾梅窩
居民加添壓力?

唔通因為佢地曾經犯過事就一定要俾人歧視?

梅窩居民話因為無中學就要反對,但點解當初南約
中學還存在 ...

好坦白講 , 梅窩班友根本就係戴緊有色眼鏡去睇佢地

我只會用 4 個字黎形容班人 , 係 "輸打贏要"

考驗
就要動員扶老攜幼去舉橫額, 鬧人地 "白粉妹"?
搵細路包圍講台, 阻止講者發言?

反對一回事, 無品最可悲

原帖由 cky 於 2009-6-16 00:03 發表
考驗
就要動員扶老攜幼去舉橫額, 鬧人地 "白粉妹"?
搵細路包圍講台, 阻止講者發言?

反對一回事, 無品最可悲

大膽講句, 而家好多人一齊話梅窩居民, 但其實唔知大家發唔發覺, 梅窩居民的行為,
同香港有些人好相似呢..

冇錯, 就係個班所謂的泛民...

'阻止講者發言' ---> 曾特首上次失言, 都未講完, 長毛已經出聲啦..
就算人地講錯野, 都可以跟程序去表達不滿吧..

港大那次六四論壇, 有台下學生唔認同泛民的說法, 換來被人以'民眾壓力'趕離場的下場,
和今次梅窩居民的行為沒有兩樣..

個人認為: "輸打贏要", "一味靠惡" 乃當今世界流行之風氣.
細至個人層面, 大至國際政治舞台, 都係一樣...

真的很有五十步笑百步的感覺.

依家唔係起監獄,只係一間學校
入面既係一班改過自新既學生,
而且已經為自己做既事付出代價
你班友連機會都唔比下人地?

樓上果位..要抽水呢唔應該另開post啦
仲有,你連抽水對像都搞錯埋