巨鷹珍寶轉波問題

其實巨鷹珍寶係點樣轉波呢？因為我見再唔係以前珍寶“打波子”嘅轉波方式，係襟掣。咁究竟係點轉一波，二波咁呢？唔該晒！

[ 本帖最後由 cpt039 於 2009-6-16 20:49 編輯 ]

巨鷹珍寶既波掣係有兩排
上排有 4 粒
下排有 2 粒

上排分別係 1 , 2 , 3 , 4 波 (左至右)
下排係 N 波同 R 波 (左至右)
入波果陣係要打 1 波先 , 轉波果陣先打 N 波再入 2 波 , 之後都係咁

架車行緊 4 波果陣如果要落迫力減速同停車既話 , 就會入番 N 波之後再剎停架車


*有錯請指正

原帖由 AD18 於 2009-6-17 12:53 發表
架車行緊 4 波果陣如果要落迫力減速同停車既話 , 就會入番 N 波之後再剎停架車

其實唔駛入返N先減速同停車，這只是內地的駕駛習慣...

原帖由 LA16-3ASV465-51 於 2009-6-17 13:25 發表

其實唔駛入返N先減速同停車，這只是內地的駕駛習慣...

不是, 只是香港的司機對待波子機特別心急及粗魯而已, 而且全手動波箱, 都係入空波停車的.

呢個波子機的正確控制方法, 轉波果陣係要在中間空波位置停留數秒, 才轉入其他波段, 例如由一波轉二波, 波棍離開一波位置後, 中途在空波停留數秒, 才轉入二波, 二波轉三波及三波轉四波都係一樣, 停車就入空波再停定車子, 呢個設計係因為個波箱不會自動呼氣, 如果轉波太快, 車子就會很挫, 當年有部份珍寶試過在波箱加上外置電腦, 變成自動波箱, 最後失敗告終(據知九巴曾有自動波珍寶在行車途中被波箱挫斷車軨螺絲), 就係因為少左停留空波呢個動作.

巨鷹珍寶轉波要用手掌先按N波再入波, 原理都係一樣.

其實只要放隻手上波掣台, 四隻手指對著四個波掣, 手掌放在空波位置, 然後好似彈琴咁, 手指入波, 轉波時放手掌, 再轉第二隻手指, 如此類推, 就會比較輕鬆, 不過呢個改裝過的波子機都有缺點, 係司機有機會唔記得自己入左邊個波段.

[ 本帖最後由 gordon 於 2009-6-17 13:53 編輯 ]

原帖由 gordon 於 2009-6-17 13:51 發表

不是, 只是香港的司機對待波子機特別心急及粗魯而已, 而且全手動波箱, 都係入空波停車的.

呢個波子機的正確控制方法, 轉波果陣係要在中間空波位置停留數秒, 才轉入其他波段, 例如由一波轉二波, 波棍離開一波位置後 ...

大陸司機剎車入空波完全係佢地既壞習慣
因為佢地覺得唔俾油既時候入空波可以慳油

其實剎車係唔應該入空波既
考車果時空波滑行係即刻肥佬
就算唔講考車咁嚴
正確都應該係入住波 甚至拖波
就停既時候先好轉空波

當年在北京搭巴士，見過個司機係停定車之前已經連車都熄埋，一腳唔縮踩停部車，
直到再開車先再撻。

莫講話北京
深圳都見過有師姐渣d老廣客
停燈位時都死埋火

不過o個支燈位真係幾長
成2百秒左右