19/6(五)強烈熱帶風暴蓮花最新消息：

在晚上十一時，熱帶風暴蓮花集結在東沙之東南偏南約150公里，預料向北或東北偏北移動，時速約12公里，大致移向中國東南沿岸。預料蓮花會在未來數天為南海北部帶來不穩定天氣。

HKO香港天文台熱帶風暴蓮花最新路徑圖：


[ 本帖最後由 S3N280_FX8032 於 2009-6-20 07:56 編輯 ]

雖然蓮花現時集結在南海並進入左香港800公里警界範圍，天文台現階尚未發出任何熱帶氣旋警告信號，不過我相信天文台要等蓮花真正威脅到本港時，先會考慮發出熱帶氣旋警告信號。

坦白講今次天文台好誤導

佢一直都講話蓮花響東沙附近,亦唔講話過依家(09:00,20/06/2009)響香港東南400公里
雖然蓮花應該打唔正,但點解有一個入到香港400公里範圍o既強烈熱帶風暴,天文台都唔洗發出一號信號?

新台長坐正之後第一個 TC 就已經遲遲唔發警告，好擔心佢係咪會執正黎做.....

天文台0既諗法係 個風對香港未構成威脅 咪唔出風球訊號囉
但係今朝公佈0既預測路徑係向北移動 加上STS級風力
佢應該起碼掛番個一號做準備
唔係一陣風向轉就企0係度都得...

對比番以前掛1號風球個準則 , 今次真係比較嚴緊

一向風季都有好多熱帶氣旋響南海海域形成 , 部分甚至響本港八百公里內形成

正常如果個風唔係一形成就預計離開八百公里範圍 , 天文台都會發出一號熱帶氣旋警告

使人有一個「戒備」心態。

如果預計個風打唔得正香港就連1號都唔出.. 咁以後仲要1號風球做乜??

如上面所講.. 過往都有不少颱風比預報預測路徑更為影響香港.. 就例如去年o既風神..

天氣變幻莫測 , 相信而家呢一刻發1號信號唔算過份..

[ 本帖最後由 jd2522 於 2009-6-20 10:41 編輯 ]

10:40 終於掛 T1 喇

其實最大問題唔係依家先掛一號,最大問題係個風一直響香港800公里範圍入面,
佢竟然一路只係話個風響東沙附近

以佢個態度,相信呢個新台長好難唔做得差過林超英

慘, 陣間坐飛機返香港
睇黎要有心理準備會遇上強烈氣流

原帖由 AVD1 於 2009-6-20 14:58 發表
慘, 陣間坐飛機返香港
睇黎要有心理準備會遇上強烈氣流

現在不過才一號風球訊號生效，對往來香港的飛機飛行相信不會有大問題吧！