我想講15A ........

呢條線都唔知老九點做嘅,成日假日比九巴抽車行94,92,96R,搞到得番6-8架車行,最少等成半粒鈡,最多等成九個字,嚇到D人唔鬼搭,究竟九巴仲有冇心做呢條線?

邊度多客咪去邊度囉

如果佢想趕客既 , 收緊 d 車行已經可以

* 仲有 , 未入黎可能以為係新巴果條

15A呢條線,老早就已經係咁疏ga la
講真,慈雲山落九龍灣/觀塘,3D平靚正
假日有幾多人真係有需要去九龍灣工業區/藍田?
真係要去九龍灣工業區/藍田,搭3D轉車仲好啦
所以九巴陰乾都好正常

其實加 3D <> 24,224M,16M,16 轉乘取代 15A 星期六日及假日得唔得 ?

3D轉224M，點搭呀～

我老爸就係在呢條線上由亞比安駕到超級奧林比安，我屋企成棚人搞咗個榮休之旅添，貪佢真係冇人搭。
客量我真係唔識講，但這條線默默服務慈雲山及觀塘海傍幾十年，其實都有幾多獨市位（有獨市位唔等於有人搭），
而且作為遊河路線也不錯，一個鐘巡遊九龍東，得閒散下心都可以。

不變應萬變，唔郁好過郁，此乃15A甚至整個九巴的寫照。

上星期日下午我去影15A, 成轉車只數到5部車
但15A既獨市位都幾長, 有D位小巴都唔多部
如果星期日停駛, 有D位置會無公共交通
雖然果D位行遠D會有大把車搭, 但要停駛15A相信都幾難過到區議會

原帖由 cong 於 2009-6-22 22:40 發表 果 d 位置未必係本區選民,通常區議會班議員係唔會理既, 而且星期日工廠區都極少人返工,就算唔停駛都最好行牛頭角道天橋落返 megabox 執多幾個客仲好...p.s. 224M 星期日停駛更有需要 ...

冇宣傳下有幾多逛街客識搭15A去MEGBOX係一個疑問,
上星期同朋友懶轉車,
想係觀唐搭15A去MEGABOX,
等左三個幾字都冇車,
結果都係搭返地鐵,
下次都係咪搞,
專程遊河另計...

原帖由 cong 於 2009-6-22 22:40 發表


果 d 位置未必係本區選民,通常區議會班議員係唔會理既, 而且星期日工廠區都極少人返工,就算唔停駛都最好行牛頭角道天橋落返 megabox 執多幾個客仲好...

p.s. 224M 星期日停駛更有需要 ...

星期日，正如你話極少人返工，此時偉業街暢順過觀塘道或牛頭角道，
咁又使乜「行牛頭角道天橋」入去「咩加扑時」呢～

15A原本的路線好直接的，直行偉業街就可以，
後來加經九龍灣工業區，再後來13E摺埋就兜啟業，先搞到咁迂迴。
原本可以由成業街右轉開源道出觀塘道，而家又要由茶果嶺道出，去返迴旋處調頭。
慈雲山原本係沙田坳道直上，後來改行雙鳳街／雲華街，慈雲山重建時改行毓華街落山（有一段時間係蒲崗村道添），
重建後短暫回復舊線，之後又變返落山行毓華街，放學時間由慈北去新蒲崗可以用20-25分鐘。

以上三項改動都係往藍田方向比較迂迴，返慈雲山的車程可以短7-10分鐘，
也只有15A係偉業街出觀塘道後直上龍翔道天橋，呢段係成條15A唯一飛到車的路段。

[ 本帖最後由 DIH 於 2009-6-23 00:09 編輯 ]

原帖由 DIH 於 2009-6-23 00:06 發表

星期日，正如你話極少人返工，此時偉業街暢順過觀塘道或牛頭角道，
咁又使乜「行牛頭角道天橋」入去「咩加扑時」呢～

15A原本的路線好直接的，直行偉業街就可以，
後來加經九龍灣工業區，再後來13E摺埋就兜啟業，先搞到咁迂迴 ...

講D老師傅講15A當年好好生意...