68X總站由元朗東搬遷至洪水橋已有2年，大家對該線有何感覺?

原帖由 AP149 於 2009-6-28 19:40 發表

咁d人計時間就梗係由出門口計到去到目的地果一刻架啦,睇車程可能鐵路快巴士十幾分鐘o既,

但原來搭完鐵路要行十幾分鐘先到目的地,但巴士落車行幾分鐘就係,咁比著係你會搭鐵路定巴士呀? ...

所以最好都係睇自己屋企近鐵路站定巴士站,
落到屋企樓下就即刻計時, 去到目的地先好結束計時,
咁就最公平, 無野好嘈

我住果度要行去火車站都要13-15分鐘,
行去巴士站就3-4分鐘, 一樣有幾大差距
如果行去巴士站坐273出火車站,
等車+車程+落車行都要大約10分鐘,
所以我住果頭先多人坐未分拆前的70X去彩虹/九龍灣,
因為出火車站同轉車加加埋埋要花的時間都幾多~

原帖由 AP149 於 2009-6-28 19:40 發表

咁d人計時間就梗係由出門口計到去到目的地果一刻架啦,睇車程可能鐵路快巴士十幾分鐘o既,

但原來搭完鐵路要行十幾分鐘先到目的地,但巴士落車行幾分鐘就係,咁比著係你會搭鐵路定巴士呀? ...

咁個問題係：

1. 鐵路的確比較穩定，塞車風險少，容易預時間
2. 鐵路收費可能比巴士更平，視乎邊一區

以上兩個前提下，單憑鐵路要行十幾分鐘，巴士落車淨係行幾分鐘，對於追求穩定的搭客，
又係咪選擇巴士的充分理由？講真，行十幾分鐘，我又唔覺得唔可以接受囉。

題外話：我自己就自從九巴74A加冷同港鐵合併減價之後，已經幾乎無搭過74A。

[ 本帖最後由 S3BL100 於 2009-6-28 23:29 編輯 ]

原帖由 S3BL100 於 2009-6-28 23:24 發表


我自己返學都係搭開港鐵，巿區路段兩個站之間的車程平均係分半鐘，計埋開門，閂門都係平均兩分鐘。

美孚到旺角段我都搭過無數次，太子至旺角之間一段特別短，就算繁忙時間，一般八至九分鐘都已經可以完成，
無可能要10分鐘咁耐 ...

美孚-旺角一段我都坐過,
由一個站開車去另一個站完成上落再開車平均都係2分鐘, 速度都幾快~

港鐵果個官方時間根本就計多左,
實際時間起碼要扣返1-2分鐘~
有部分路段的車程更加係離晒譜,
例如上水去落馬洲車程6分27秒左右,
但官方時間夠膽死寫12分鐘

原帖由 S3BL100 於 28/6/2009 23:24 發表


我自己返學都係搭開港鐵，過去八年間搭過無數次，巿區路段兩個站之間的車程平均係分半鐘，計埋開門，閂門都係平均兩分鐘。

美孚到旺角段我都搭過好多次，太子至旺角之間一段特別短，就算繁忙時間，一般八至九分鐘都已經可以完成 ...

我都搭過好多次

似乎 8 分鐘 呢個時間太快
不過去旺角都係 9-10 之間

非繁時就....慢 , 冇得計
慢慢出站同慢慢入站

其實港鐵果個時間好視乎自己行得有幾快。

好似我O係美孚轉車, 繁忙時間由西鐵/荃灣線落車計, 去到另一邊 (即荃灣線/西鐵)
以急步行係可以 4 分鐘內完成晒整個轉車過程 (即係要計去到另一邊部車離開美孚站),
連埋候車超過 6 分鐘都已經係一般, 但以一般步伐行淨係行都係要 5-6 分鐘, 甚至
有人話要 10 分鐘以上。

基本上我每朝坐西鐵出去都追到前面班車既人, 咁大家已經差左 3 分鐘有多。
所以點解有 D 人會覺得西鐵轉地鐵好麻煩, 又有 D 人覺得唔係差好遠, 淨係
計行路都已經幾係野。

原帖由 S3BL100 於 2009-6-28 23:27 發表


咁個問題係：

1. 鐵路的確比較穩定，塞車風險少，容易預時間
2. 鐵路收費可能比巴士更平，視乎邊一區

以上兩個前提下，單憑鐵路要行十幾分鐘，巴士落車淨係行幾分鐘，對於追求穩定的搭客，
又係咪選擇巴士的充分理由？講真，行十幾分 ...

如果搭開果條巴士容易遇上塞車, 通常都要預早出門,
上左巴士坐底先慢慢訓~

相反如果果條長途線係少塞車, 行車時間穩定的話,
多數乘客都唔會揀鐵路轉黎轉去仲要再行一段路先到目的地,
尤其係紅磡-灣仔北, 坐鐵路真係好煩, 轉完仲要行一大輪,
坐隧巴過海就算塞告士打道, 唔係塞得勁都快過鐵路到目的地,
所以紅磡好多人轉隧巴104/301, 去到灣仔北就落左好多人,
好少人坐到去金鐘/中上環~

除非坐巴士返工果條線成日塞車+鐵路車費明顯較平,
否則好多人真係費事坐完鐵路仲要再行十幾分鐘先到目的地
(尤其如果自己住所已經唔近鐵路站)
我自己唔揀巴士去上環都係因為有月票同埋就算非月票車費都較平,
否則我真係寧願早少少(早起身的話)坐巴士去上環,
唔駛係地鐵轉車站衝黎衝去,
係上環站落車後又要上幾次先到地面

原帖由 S3BL100 於 28/6/2009 23:27 發表


咁個問題係：

1. 鐵路的確比較穩定，塞車風險少，容易預時間
2. 鐵路收費可能比巴士更平，視乎邊一區

以上兩個前提下，單憑鐵路要行十幾分鐘，巴士落車淨係行幾分鐘，對於追求穩定的搭客，
又係咪選擇巴士的充分理由？講真，行十幾分 ...

用 74A 同港鐵比我都會搭港鐵
班次根本唔等得落

不過如果換係 74X 就搭巴士好了
就算屯門出港島又或者係九龍 , 通常巴士都係快丁點(視乎地點而定)
如果要轉輕鐵的話 , 如非慳錢(學生票)否則會搭巴士

原帖由 fw1321 於 2009-6-28 23:44 發表
其實港鐵果個時間好視乎自己行得有幾快。

好似我O係美孚轉車, 繁忙時間由西鐵/荃灣線落車計, 去到另一邊 (即荃灣線/西鐵)
以急步行係可以 4 分鐘內完成晒整個轉車過程 (即係要計去到另一邊部車離開美孚站),
連埋候 ...

平日朝早我坐東鐵都一樣, 因為中間攝左D大埔墟/火炭特車,
所以坐早一班車, 去到地鐵站已經可以搭早兩班車(一落到月台就迫到入車),
(搭遲一班東鐵, 去到尖沙咀站時人流會多左好多, 要等到第二班車先上到)
去到中環站轉車去上環亦都可能剛好唔駛送車尾,
去到OFFICE樓下亦剛好唔駛送LIFT尾, 加加埋埋可以差7-10分鐘~

原帖由 fw1321 於 28/6/2009 23:44 發表
其實港鐵果個時間好視乎自己行得有幾快。
好似我O係美孚轉車, 繁忙時間由西鐵/荃灣線落車計, 去到另一邊 (即荃灣線/西鐵)
以急步行係可以 4 分鐘內完成晒整個轉車過程 (即係要計去到另一邊部車離開美孚站)
連埋候車超過 6 分鐘都已經係一般, 但以一般步伐行淨係行都係要 5-6 分鐘, 甚至有人話要 10 分鐘以上。
基本上我每朝坐西鐵出去都追到前面班車既人, 咁大家已經差左 3 分鐘有多。
所以點解有 D 人會覺得西鐵轉地鐵好麻煩, 又有 D 人覺得唔係差好遠, 淨係計行路都已經幾係野。

嗯 ,美孚條路唔算短,不過都唔算長
一般行就 5-10 分鐘 , 急步行就 3-4 分鐘
等西鐵隨時 6-7 分鐘(繁時 3 分鐘) , 荃灣線 4-5 分鐘(繁時 2 分鐘)

等多兩等車急步同一般步速已經一樣時間


車程快但轉車同等車真係好哈人搭