巴士工房將於7月1日今日營業！

原帖由 hn8024 於 2009-7-19 00:08 發表


據說上星期一大班差佬同九巴的人上左巴士工房打算拉人兼封艇可能有人報警啦！點知九巴同差人唔到五分鐘走晒tim
商業登記好似以前都見佢地有，呢度開業不足一個月好似係無問題的，不過買唔買自己想下囉。
人地打得開咁揚 ...

話時話,唱人個個究竟開左鋪味
唱左人地買老鼠貨之餘,又唱另一間野賤價收車
聽左佢話開鋪都成四年
到依家都未見人

巴士工房重開後我都有上過去,地方的確比以前企理左好多,d貨都乾淨左好多(至少唔駛好似以前上親去都要用槻液洗手)
但部份貨品價錢都同樣加左,令我聯想到去高級餐廳同去茶餐廳食飯既分別.........可能同樣一塊牛扒
人地賣百幾蚊加多少少配菜,另一個就係五十幾蚊有湯﹑有飽﹑有餐飲﹑有甜品加幾蚊仲可以跟埋飯
無他的....人地貴既係質素﹑氣氛﹑環境,咁要睇下消費者想要邊種享受,純粹醫肚大可去茶記,快﹑靚﹑正！
咁無能消費高尚食府既,難道又望人地執笠有平野食?
雖然可能加左價......但客觀少少睇,世界整體經濟都有變動,人仔都高過港紙..........
記得五﹑六年前北上消費,當時一百元港幣都仲算好駛好用....但........如今國內好多商鋪都唔收港幣了.......
貴定唔貴,好視乎每個人既價值觀同消費能力,當然呢兩樣野絕對百份百因人而異~

[ 本帖最後由 CZ4434 於 2009-7-19 02:27 編輯 ]

請不要誤會！我唔係巴士工房的人！只不過睇到HKxx有這訊息就想將這訊息在這裏發出來！：沒想過資枓小都會停左！本人以後會留意的！

原帖由 GY6908 於 19/7/2009 00:38 發表
首先講講一樓俾我既感受，雖然佢打既訊息真係好少，但係咁就停左七日，哈！
版主真係有趣！希望版主日後唔會成為香港既官員吧！




其實我都入過拆車場，有日三十幾度入到去，企左幾分鐘開始有中暑跡象，抖左十幾分鐘先回番氣...
...

[ 本帖最後由 2437 於 2009-7-19 03:40 編輯 ]

原帖由 hn8024 於 2009-7-18 23:57 發表
二十蚊一塊車牌姐係要賣幾多塊先回到租金同入貨呢(據精明消費眼板友說二千幾三千)
其實有意見巴士工房係知道的，但講到好似人地係騙子這般，我就覺得對巴士工房有些唔公平，誰不知賣貴過早幾年會有班貴客唔鐘意，但今時今日 ...

就我所知啦，湯車場大約每個星期六都會有van開返出九龍
上次有friend買左D大件野，回返些少錢畀van主就有得坐
如果係friend底既，我估可能價更低，甚或免費

基本上有車場以黎，就有巴迷四處遊盪
咁做係有一定危險性
但就我所以，十多年黎都未有巴迷出過意外，可說比影車安全
而亦冇必要係十幾年後既今日，以唔安全為理由(核心理由心照啦)黎封左個場

拆零件當然辛苦
不過人地就有錢袋既，仲一定高過回收價
大熱天時唔駛做咩，唔拆野就唔叫拆車場啦

佢地絕對唔係十惡不赦既人，不過就睇錢重左D咁解，咁都冇計既，人地要養車
我既重點意見就係[貴]
巴工賣既野我冇乜心水，因為我想要既之前係湯車場已經買左
但係有貨品唔值既我就希望人地小心，好似滿座牌咁

原帖由 頭文字TRIDENT 於 2009-7-19 01:01 發表

話時話,唱人個個究竟開左鋪味
唱左人地買老鼠貨之餘,又唱另一間野賤價收車
聽左佢話開鋪都成四年
到依家都未見人

唱人個個即係邊個...?我睇唔出

個個人都算經典，不過係度講個ｄ野我驚會離題

[ 本帖最後由 GR614 於 2009-7-19 06:53 編輯 ]

原帖由 GR614 於 2009-7-19 06:50 發表



唱人個個即係邊個...?我睇唔出

個個人都算經典，不過係度講個ｄ野我驚會離題

唱人者有好多個
最主要係有幫群組成員
我所講的個個,只係其中之一

原帖由 2437 於 2009-7-19 03:36 發表
請不要誤會！我唔係巴士工房的人！只不過睇到HKxx有這訊息就想將這訊息在這裏發出來！：沒想過資枓小都會停左！本人以後會留意的！

我冇話你係巴士工房d人，不過資料少就咁停左七日感到有d過份姐

我記得之前我d文有問題，版主都主動pm我叫我改文，佢都俾時間我丫，冇即時罰我~
當然，依件事並唔係依個壇發生。

冇發生過意外就話果度安全, 真係十分武斷下
政府第時不如唔好徙 $ 起紅綠燈控制交通啦,
個路口未死過人照計都好安全架, 死多幾件先攪囉

去邊度影車會有人係你附近燒焊? 又, 去邊度影車會有成堆廢鐵尖釘周圍放?
英國既湯車場而家就會要求入去既人一定要著安全鞋同螢光衣, 保證自身安全
但香港既湯車場, 你自己又點去保證自身安全? 更加唔好講湯車場既人去保證你既安全

再加上呢幾年 d 巴迷真係喪左好多, 可以一排咁企正響馬路中心影相都唔叫特別事,
畀更多人知道 d 湯車場係邊, 後果真係不能想像
做你班巴士迷雞碎咁多既生意, 到時一個唔好彩出左事, 我諗個場既損失一定唔止幾廿蚊囉
同埋, 如果個場真係想咁揚咁做班巴士迷生意, 個老闆一定會,
又或者叫人將個場既位置公告天下架啦, 但我又唔係好覺有呢 d 事情發生喎,
頂籠係某 d 扮有料既人揚開去既者

小弟對巴士工房冇任何意見, 人地做生意梗係會計過度過先標個價出黎架啦,
拆零件又要小心翼翼拆出黎唔好整爛佢, 再車埋出市區畀人係冷氣房慢慢揀黎買,
係會貴架啦, 你去 W08 買模型係咪又貴過返大陸搵冇 cert 模型好多呀?
有市場個價自然會高架啦, 就算巴工唔做, 湯車場都未必會減價,
而家 d 湯車架架都要留件, d 件仲畀巴士公司越收越多,
有少少 common sense 都知會個價錢會點去架啦, 個個講到人地做生意賺你 $ 好似好不該咁,
呢度香港黎架, 唔係行共產主義呀, 唔通做你生意仲要俾你分自己身家咩

仲有咩薄利多銷, 而家麥當勞賣漢堡飽咩? 巴士迷個餅有幾大, 巴士零件既供應有幾多?
難道一部巴士有十萬九千七套膠牌同車牌? 唔好講薄利, 要幾多銷先回到本?

語氣可能重左, 但睇完 B3 鐵菱個 post 同呢個 post,
即時諗起黃子華無炭用講食魚蛋果 part

[ 本帖最後由 gn921 於 2009-7-19 16:18 編輯 ]