巴士工房將於7月1日今日營業！

原帖由 ianccw 於 2009-8-4 23:10 發表
如果真係話安全,大把野仲危險!我比果到D車壓死我都唔去E間呃飯食o既公司

呢位大大唔好諗到自己條命咁唔值 $...
不過, 相信你都係個口咁講既者, 架車壓落黎唔通真係咁笨咁老實唔走開咩

之但係, 呢度係討論區, 唔係發爛咋區喎, 恕我講真丫,
你呢篇文真係冇討論價值, 發爛咋有邊個唔識丫

香港呢個咁自由既社會, 唔滿意間公司咪唔好幫襯囉,
小弟如果得閒既話, 坐聯營隧巴線都會專登揀某間公司既車坐

唔知係唔係香港呢個社會貧富懸殊太嚴重,
呢幾年好多討論區都出現一 d 針對商人既言論,
又咒人執笠咁, 既顯出自己冇品又顯出自己對個經濟點樣運作都唔了解

講到自己對呢一範好熟好清楚, 冇人會去買野云云,
點知轉個頭去睇 d 貨又賣哂喎, 可能係個市場變化得太大,
有 d 版友未掌握到, 先至畀小弟呢 d 門外漢撞彩撞中左個結果啦

果位brother既身份未免有點兒容易令人誤會
呢篇文吵得火紅火綠後停左一排,而家又俾人推番上黎
而且仲要有註冊冇幾耐既"新"版友........加上言論間無故地變得偏激  ......睇黎似係集團式倒人米多d.........

(我都係估估下,不喜者切勿對號入座)

[ 本帖最後由 CZ4434 於 2009-8-5 01:34 編輯 ]

好少會有做獨門生意既公司一開業會用低價策略,
因為間公司根本唔需要去搶佔市場, 而家 d 貨賣清咁滯,
代表消費者對呢 d 貨品根本係有需求, 亦願意用呢個價錢去購買,
根本不愁去唔到貨, 咁點解要賣得咁平?
一架巴士有幾多野賣到? 一年又湯到幾多車?
供應有限既野都唔 markup 貴 d 既話, 個老細係開緊善堂,
又或者嫌 $ 腥, 亦可能係個傻仔

加上巴士零件唔似模型變化咁大,
d 野貴唔貴都好, 過左一陣 d 人滿足左就會買少左,
就算個車牌賣 $20, 平左 $10, 唔通就多好多人買返屋企? 做牆紙丫?
滿座牌賣平 d 又點, 又多好多人買返屋企? 今次做五金舖丫?
如果 d 貨賣平 d, 係多左人買啊, 但有冇你諗得咁樂觀呢? 最後會唔會賺少左啊?
如果你真係買得多野, 我相信個老細都會畀折頭你啦,
咁點解要一次過將所有貨品賣平 d?
人地有幾年運作經驗, 你認為佢地呢方面既頭腦會遜色過你?

[ 本帖最後由 gn921 於 2009-8-5 11:18 編輯 ]

原帖由 FB9469-FA9288 於 2009-8-5 12:29 發表

你呢句似乎太武斷
我都講過而家只不過係剛剛開返
霎時間梗係會多D人去買, 對於好多人黎講咁耐都未買過零件,
佢地一見開返, 或多或少都會買返D野黎頂下癮
不過佢地會唔會繼續幫襯巴工就唔好咁快下結論住,
用咁高既價錢去賣野, 對於長遠黎講未必係好事
好似源興咁, 有D巴士野直頭係獨家發售(例如:九巴站牌$400), 但點解肯買既巴士迷幾乎係零?

咁你咪答唔到我囉, 既然有 d 客貴唔貴都會買, 咁點解要做低個價丫?
呢班人, 就算真係做低個價, 佢地係咪一定會回頭再買呢?
我係 #84 第 2 段咪講左我既睇法囉, 你又成段 skip 左,
你呢個睇法由你第一篇回文一路回帶回到黎第 9 頁啦,
你唔煩我都厭

至於某 d 獨家貨都冇人買, 咁就要睇下係咪件貨冇吸引力, 間公司既服務,
市場消息係咪靈通, 點樣一概而論丫?

仲有一樣野, 上村同巴工都幾無商業道德
就係自從巴工開返, 巴工就同上村串謀定價, 令d貨既零售價一齊上升, 有D貨既售價更加係升到一樣
而且上村以前有得講價, 而家就同巴工一樣無得講價, 而且係佢地兩者度買得較多野都係一樣無任何折扣

商業世界呢樣野屢見不鮮, 好多品牌一有左本地代理商, d 貨品價格即刻升,
有何 "無商業道德"? 又唔係犯法.

[ 本帖最後由 gn921 於 2009-8-5 12:53 編輯 ]