3/7蘋果日報：TVB小花激到喊

報導來源：3/7蘋果日報

隔牆有耳：TVB小花激到喊

(對於前線記者黎講，呢D係咪就叫做‘行先死先’呢？)

有時真係為企前線既可憐....

果日去到維園見到郭詠嘉企係車頂做緊野
仲要係烈日當空下做野 , 唔辛苦就假
而且又比班友係咁鬧  
比著我係佢都一樣係好大壓力

講真 , 係話就應該話袁生先啦....   

呢個係principal同agent既關係，
搵不到principal咪笑個agent囉！
小職員：「唔關我事！」
經理：「唔關我事！」
總經理：「唔關我事！」
CEO：「唔關我事，我打份牛工架咋！」
咁要點？唔通要我去公司註冊署搵下邊個係股東至可以投訴或者宣洩？

時代變左，民智高左，
當正常途徑無法宣洩，
或者有關當局左耳入右耳出，
人民識得靈活走位搵宣洩途徑。

我反而覺得好高興，
一班素未謀面既年輕人高姿態指住一間上市大電視台黎鬧，
為既唔係因為某某節目冇女明星睇或者某某節目咸咸濕濕，
而係為著一件大是大非既事而自製橫額走出黎，
一班年輕人唔再不問世事，
反而積極參與，
希望向大眾帶出一種聲音：唔係你播乜新聞，受眾就只會知道果種新聞。
係新一輪社會運動既開始。

我夠膽講一句，
袁志偉花哥前日唔係現場咋，
否則佢一定畀人鬧到屎忽開花落荒而逃！

早幾年無線新聞都好地地，
踢爆政府施政失誤、奸商禍港等問題，
但係今年就急轉直下，
亞視好好醜醜都敢播《六四二十年特輯》，
無線就...此消彼長下，
無線好自然就被比下去啦！
CCTVB一名亦因袁志偉而名留千古！

講真，你袁志偉係寫字樓拍到張檯溶溶爛爛都冇用啦，
呢個後果根本係可預計到！
mytv刪埋、刪走youtube D片都冇用，
若要人不知，唔好太低B！

原帖由 Transperth 於 2009-7-3 06:08 發表
報導來源：3/7蘋果日報

隔牆有耳：TVB小花激到喊

(對於前線記者黎講，呢D係咪就叫做‘行先死先’呢？)

*圖自高登
根本就係郭詠嘉自己take it personal
不話我話你知冇針對人就假既！
咪就係針對袁志偉同陳志雲囉！

呢度有邊度出街食飯發覺碟野有隻小強係直接衝入廚房刮個鑊鏟佬出黎既我畀十個叻佢！

唔睇內容仲以為講緊無線藝員...

原帖由 dydx 於 2009-7-3 18:20 發表
唔睇內容仲以為講緊無線藝員...

睇親報紙好多都係以"小花"黎代替"新聞小花"架啦
反而形容"花旦"既就會係其他字黎..

而加做前線既受其他氣, 唔多唔少多得佢地D上級

黃子華都講啦:俾份人工你一半係做野一半係受氣
係咁架啦,打得呢份工就預左

黃生那句是指受上司氣而已...
現在是代上司受靶就不值了

昨日看到有人登廣告
請將指責目標指向應予問責人仕...