探討美孚巴總變成轉車站.....

問題係而家已經起屯公轉車站果陣 , 仲要出到黎轉多次
唔係掛

老實講 , 將軍澳區重疊又唔見佢講 , 青衣荃葵部分線重疊唔講

成條鐵路響隔離仲想玩巴士鐵路化 , 等收工啦下
根本連直車呢個 pt 都冇埋 , 不如搭鐵路好過呢種"鐵路"啦
(指 63X , 67X , 69X 呢類近鐵路站路線)

不過個人真係好想睇好戲 ,
諗住借屯公轉車站又或者係美孚轉車站 cut 線都係迫人上街之作
S796 一役如果九巴仲未知咩事就即管睇下有咩事發生都好

S796 本身係巴士鐵路化 , 但係一開波已經唔接受
你認為仲有空間咩 (請不要太理想吧)

原帖由 天瑞總站 於 4/7/2009 03:05 發表
如果個建議唔縮67X係咪就即刻唔垃圾?

非也
其實係成個建議太離譜先咁講姐

如果佢連 60X,69X 邊度有客用黎做咩都未知道的話
真係好難講落去

旺角來往屯門市中心原本有 3 條線一縮就得番一條直車
唔做爆條 58X 就奇
結果就長沙灣道沿線既朋友上唔到車

69X 嘛,如果我冇記錯深水埗以南都有半車多 D 既客架
不過大大條西鐵擺隔離 , 如果仲要縮線的話 ,
出旺角既然大家都要轉車 , 何不投奔地鐵 ?

[ 本帖最後由 天空之神 於 2009-7-4 03:15 編輯 ]

轉車轉兩次都尚可接受，但當去到轉三次，就好難頂。
欖隧口轉乘的形式我認為頗成功，現時我在深水埗區需要入元朗時，可以見經欖隧就上，到時再轉車，令選擇大增。相信屯門公路起轉車站亦可達同樣效果。

然而，美孚起轉車站未必有同樣的好處，因為美孚實在太多路線駛經，先不論乘客接受與否。
繁忙時間，美孚有沒有足夠空間容納由旺角、尖沙咀、紅磡等各處來轉車的乘客？

第二，美孚有冇足夠空間讓各大西北路線同時上落客？現時巴士到美孚後落車乘客為主，落車所佔時間不多，但成為轉車站後，每架巴士停留的時間可能大幅增加，這樣會唔會引起美孚居民的反對？

你應該係住天水圍 ?
你都知 69X 都冇可能就咁縮短啦 , 講笑咩

樓主真係開左個好大既玩笑

睇完樓主個建議真係好笑.
完全都唔了解而家個實際情況.


都係個句啦, 運輸署夠吉士的話不妨試下咁做,
睇下到時會發生咩事幹囉.

我驚到時觸發5萬人堵塞NATHAN RD咋
到時一哥同當奴就真係唔知點同阿爺交代囉.

原帖由 天空之神 於 2009-7-4 03:08 發表
問題係而家已經起屯公轉車站果陣 , 仲要出到黎轉多次
唔係掛

老實講 , 將軍澳區重疊又唔見佢講 , 青衣荃葵部分線重疊唔講

成條鐵路響隔離仲想玩巴士鐵路化 , 等收工啦下
根本連直車呢個 pt 都冇埋 , 不如搭鐵 ...

S796既例子就根本唔可以相提並論,果個方案出黎根本
就係同你地講我新巴係唔想做架啦

其次,巴士轉車站模式都唔同港鐵,
你係屯門搭58X出旺角經過屯公轉車站,你都唔使落車呀
即使係搭60X,係通勤模式入面,大部份已經係美孚落車。
係唔cut荃葵青路線既情況下,要轉車再進行餘下的車程
去彌敦道只要係配套做得好就根本唔係問題。

其實你個重點只不過係回程反屯門夠唔夠做既問題。
解決方法其實好簡單,
一)加車,我係建議入面都有寫
二)開特車,59X長沙灣上唔到車既,我咪係欽州街
開特車。同樣,58X係旺角一線頂2線既。我咪係
旺角開60X特車o羅。
三)八達通轉乘優惠,巴士公司唔俾免費轉乘人,唔
減佢車費既。連誘因都唔俾人就要人用新既通勤
方式,甘講咩野都晒氣。

而且我係回文睇到既就係,其實大部分係以自己既
利益作考慮。現在唔係縮短線之後唔加車唔加優
惠,係要集中資源俾6號同其餘路線做流水。
你刪減左一些重複既路線減少左車既流量,甘d車咪
可以行快d。甘樣先可以追番轉車既時間。

其實隨住呢幾年不斷有新鐵路落成,巴士係會慢慢
甘俾人削弱。如果仍然維持甘多重複既點都點路
線,只會做成更多吉車遊街既情況。Cut車既惡性
循環就會出現。我都唔想呢個情況出現既

原帖由 orange 於 2009-7-4 02:58 發表

屯門線其實係大重疊,當你一過美孚已經開始吉車遊街

青衣線同屯門一樣情況,雖然一區一大線,但結果41/41A/44
各自重疊,42A/43C一個做皇一個無影

荃灣區30X同234X是旦一條上公路,另一條行下路,相信班次
會更有吸引力 ...

大重疊? 吉車遊街??? 唔係呀嘛?????? 請問閣下住邊? 你提出D咁既垃圾建議簡直係擾民......唔係! 係同"強姦"無異!!!

轉車站? 傻架? 假設大西北線現行要100部車先可以疏導乘客, 加上市區線有50部車, 即係話樓主覺得呢150部車塞埋響市區, 但係樓主既諗法好明顯係中左運吉製造出黎既奸計, 以為攪甚麼轉乘屎橋, 玩數字遊戲, 將大西北100部車CUT到得返50, 然後又將市區線係咁咦加多少少黎愚弄乘客......"啊! 我地已經加強左服務啦! 不過都係頂唔順喎! 咁各位市民, 請搭鐵路啦!"

大西北線一向係僅僅足夠, 何來"過左美孚要吉車遊街"? 我每次由美孚上綠島或者大西北線出市區, 都要企喎? 吉車? 唔通樓主接近深夜出街?

恐怖 , 樓主唔係以為一個美孚轉車站就可以搞掂咁多大西北既居民呀 ?

旺角由 3 條線去屯門市中心變成 1 條
即係 58X 可以係第 2 個分站就可以頂閘
然後 58X 沿途乘客就可以安心改搭西鐵 [ 52X 一小時先到屯門市中心 , 你幫我搭好冇 ? ]
至於油麻地去屯門市中心 , 由於冇車關係 , 又要改搭西鐵

67X 沿線居民由於超近西鐵站 , 67X 縮到美孚同一條西鐵接駁線冇分別
於是 67X 就死於西鐵下 , 取消埋 , 各位 67X 沿線居民往九龍變相要迫西鐵

69X 就本身係西鐵沿線 , 死下死下咁
縮到去深水埗只係令本身深水埗前已經坐滿部 69X 既乘客改乘西鐵 , 西鐵又因此增加客量

至於 63X , 本身條線已經係等取消個堆
縮去美孚 , 同取消 63X 冇分別

荃灣大窩口葵涌去深水埗既乘客又因此減班
乘客只可以乘搭 59A , 66 亦因此減少客量

本中條 6X 更加係垃圾 , 只去尖沙咀
咁去佐敦即係要搭新 6 號 , 漫遊青山道同彌敦道 , 同眾多流水客齊齊迫

最後講幾句 : 不知所謂 , 改完同趕客冇分別 , 港鐵亦十分多謝你送客俾佢 , 等佢增加收入