對44A的服務已到達忍無可忍的地步

我癲了   今日在兆康苑企左一個鐘都無44A
最後的士打救
你話係咩世界，問對面反方向44A d司機又笑笑口扮無知
激死我喇

敬啟者,
      本人是屯門區居民，每星期都會有四日以上需要由屯門往返上水，專線小巴44A絕對是不二之選。
       44A成立多年以來，可說是壟斷了良田區、兆康苑一帶往上水的服務，九巴261線一直只是輔助角色，班次疏和車程長早已是不爭的事實。
       促使今次來信，是因為本人對於44A的服務已經達到忍無可忍的地步。就拿七月三號的經歷作例子，本人如常三時四十分站在兆康苑站等候小巴44A線，一直等了十分鐘，一輛車都沒有經過，候車的人開始聚了起來；再等了十分鐘，候車的人開始不耐煩，仍然是一輛車也沒見過，及後第三十分鐘、四十分鐘、五十分鐘都是一輛車都沒有，但奇怪的是反方向是不斷有小巴從上水回來屯門，本人站在站頭超過六十分鐘，可以肯定有十三輛44A返回屯門。
       到了第六十三分鐘，終於出現了第一輛44A，但只有一個位置，觸發了乘客爭先恐後，最後由一個"打尖"的男乘客上了車，此時司機竟告訴我們，44A之前的班次因在建生村之前已經滿座而從快速公路走了，你可以想像，這是一個甚麼態度的營運商？
        再者，以上事情已經不是第一天發生，就是因為這個壟斷的角色，小巴營運商根本不會用心地去做好它應有的服務。
        我對以上事件，有多點質疑：
(一)當反方向小巴往屯門方向時，理應看到逆線等車的"人潮"，絕對能從對講機中召車來疏導人群，但小巴營辦商完全沒有這個概念。
(二)四時至五時是上水人流最盛的時間，我已不止一次親眼目睹44A小巴的車隊空車從屯門返回上水接客人，令往上水的班次完全癱瘓，這是一個負責任營辦商應有的態度嗎？
(三)若上水來往屯門的客量是如此龐大的話，請運輸署要求有關營辦商增加車輛及班次；如不願意的話，大可交出牌照讓願意服務屯門居民的營辦商接手。
(四)一條雞肋的巴士路線261號，不是運輸署每次用來作擋箭牌的工具，請不要在回覆中告訴我可以乘搭一條班次為17-25分鐘一班的巴士往上水；又或是提議我乘坐港鐵由兆康往尖沙咀再轉乘東鐵線往上水，如果閣下預備去這樣回覆的話，你只是一個無知的官員。
(五)請增加261的班次及服務範圍，猶記得當初巴士的定價只是$10，就是這無良小巴營辦商的反對才弄得今日的地步。
     請拿出你的幹勁來服務市民吧!屯門居民對於這一條有恃無恐的小巴線已經忍無可忍了，請不要嘗試在回覆中加上"積極跟進"和"極力斡旋"等字眼，請不要從文件夾中複製一篇預先已擬定好的文章去回覆我，我們大眾市民需要你們交代的是你就這件事上所做了的東西，而不是你對自己工作態度的形容詞，謝謝!
     如有任何對是次投訴的跟進或查詢，可隨時聯絡我(黃先生 6xxxxxxxx)，我只想有好的小巴服務，希望閣下能明白。

      此致
運輸署交通投訴組執事

                                                                                      二零零九年七月四日

向區議員反映下可能仲實際

44 系好似拆哂 D 對講機..


如果運吉係萬能，區議會係萬能...好多野就唔會出現

原帖由 JU2541 於 2009-7-4 12:05 發表
44 系好似拆哂 D 對講機..


如果運吉係萬能，區議會係萬能...好多野就唔會出現

拆晒對講機唔等於唔可以係總站向站長/其他師傅反映情況

原帖由 HE7921 於 2009-7-4 10:52 AM 發表
向區議員反映下可能仲實際

唉,無用ga,
上到立法會啦

P.S. 希望44A改為巴士線

交通投訴組執事好似不屬於運輸署 是交通諮詢委員會的屬下機構

原帖由 HE7921 於 2009-7-4 10:52 發表
向區議員反映下可能仲實際

效果完全一樣，同交通投訴組都只係可以話俾封警告信44A，
同埋叫你去搭261。
營運商都只係可以叫小巴唔好唔行青麟路，同埋貼張通告係小巴度。
除非你說服得到當區白鴿黨議員攪簽名運動重新競投44系營辦商（而且可以做都係咁多），否則都係無用。

原帖由 hkstudent 於 2009-7-4 21:14 發表
唉,無用ga,
上到立法會啦

P.S. 希望44A改為巴士線

上立法會更加無用，
立法會係審議法例，你要去嘈都只係可以將件事轉化做整體小巴問題，
做一個質詢，並無甚麼約束性可言。

原帖由 KC3555 於 2009-7-5 02:18 發表
效果完全一樣，同交通投訴組都只係可以話俾封警告信44A，
同埋叫你去搭261。
營運商都只係可以叫小巴唔好唔行青麟路，同埋貼張通告係小巴度。

其實投訴小巴中途站上唔到車真係無乜用，最多都係叫d車唔好走捷徑
(即係好似要巴士頂閘都要入站 ，俾乘客睇下部車係滿座)
要求俾第二間小巴做，問題一樣唔會解決，因為小巴有quota，所以最後都係
會建議投訴人用其它方法前往目的地。

原帖由 KC3555 於 2009-7-5 02:18 AM 發表

效果完全一樣，同交通投訴組都只係可以話俾封警告信44A，
同埋叫你去搭261。
營運商都只係可以叫小巴唔好唔行青麟路，同埋貼張通告係小巴度。
除非你說服得到當區白鴿黨議員攪簽名運動重新競投44系營辦商（而且可以做都係咁 ...

如果有一堆人出聲,白鴿黨好快就做野

仲有如果搞到上報/電視就得啦

[ 本帖最後由 hkstudent 於 2009-7-5 10:34 編輯 ]

我好耐之前見過 44A 小巴站牌度有個電話,
可以俾人打電話去站頭度留位

我之前就試過響田景度上唔到車而打去留位,
不過唔知而家仲有冇哩個服務 ..