K76同506, 保持巴士線定變為輕鐵線較好?

記得較早前有傳K76及506線於新一批輕鐵投入服務後將會轉為輕鐵線,
雖然最後有關呢批輕鐵的消息彷如石沉大海, 而有關分配更無從知曉;
但對於506同K76線轉回/變成輕鐵線是否可行, 希望可以在此作個討論.

先談506線:
-506線本身為輕鐵線, 但後來因西鐵線而轉為巴士路線.
好:
-班次會更準確, 現在巴士司機前車碌車後車渣快少少好易拖返總站,
(-有關問題於晚上繁時更為明顯, 亦有不少搭客於該時段感到鼓譟,
甚至認為, 506線派車並不足夠/行車時間並不準確.)
-友愛亦能設置一分站, 因巴士線最近友愛的分站為安定站.
壞:
-友人提及到, 轉為輕鐵線後會比巴士線較不方便.
(小弟理解後舉例: 去新墟果邊要行的路長左, 去屯門市中心要過條天橋,返蝴蝶邨等又要過馬路)

K76線, 因本人並非於該區居住, 只憑日常見識作討論,
好
-K76巴士線基本上每班車均有一定客量, 繁時不難看見停閘情況
-K76巴士線轉乘K75, K75P, K65等路線比K76輕鐵線轉乘K75, K75P, K65等路線方便
-K76巴士線行車時間應較輕鐵線相同目的地為短, 派車亦可因客量而迅速增派車輛
壞
-轉回輕鐵線後路線會與705線/706線/751線重疊
-轉為使用輕鐵行駛變相增大輕鐵線負荷, 行車時間亦有可能因多了輕鐵行駛而延長

暫時諗到咁多, 希望各位師兄可以發表下您個人見解;
如果係您, 您又會希望呢兩條線會變成點呢?

K76 ? 想攪 706/705 新快速
定係嫌天水圍北既怨氣唔夠重 ? 再加多幾錢

K76 轉輕鐵提出黎果個又係迫人上街

又再舊事重提......

82年政府提出輕鐵計劃, 當年只有九倉有興趣, 結果九倉都係話冇得做放棄, 所以政府一意孤行整左輕鐵出黎, 結果?
大西北成為新界交通最混亂衛星城市......以前搭61, 61A, 63由元朗返屯門只需要大約廿分鐘, 輕鐵? 哈哈......

我提返黎做乜? 因為小弟當年都係反對興建輕鐵既其中一分子, 事實亦證明左輕鐵好失敗, 大西北居民又係只能夠"無奈地接受"; 我聽過好多居民意見, 話506維持現狀好過, 幾乎每班車都頂玻璃已經證明一切......

又唔係既 輕鐵的確好似環保少少 , 而且同一時間運量高

如果朝早 751,761P 果 D 嘛 ,  
一抽拖卡等於 4 台雙層巴 , 慘

-
講返轉頭 , 我寧願起好似南港島線既模式中型鐵路好過

原帖由 牛奶仔 於 2009-7-4 14:54 發表
又再舊事重提......

82年政府提出輕鐵計劃, 當年只有九倉有興趣, 結果九倉都係話冇得做放棄, 所以政府一意孤行整左輕鐵出黎, 結果?
大西北成為新界交通最混亂衛星城市......以前搭61, 61A, 63由元朗返屯門只需要大約廿分鐘, 輕鐵? 哈哈......

我提返黎做乜? 因為小弟當年都係反對興建輕鐵既其中一分子, 事實亦證明左輕鐵好失敗, 大西北居民又係只能夠"無奈地接受"; 我聽過好多居民意見, 話506維持現狀好過, 幾乎每班車都頂玻璃已經證明一切......

將呢個意見轉達畀區議員吧, 佢地強烈要求 506 轉返做輕鐵。
不過, 506 真係幾乎每班車頂玻璃? 恕我呢個區內人睇唔到。
我亦都可以撥冷水咁講, 506 唔係成日兩、三班車拖埋一堆,
根本就唔會有咁多班車頂閘。唔信既自己下午繁時睇睇,
一班 506 頂爆玻璃之後會點...

K76呢條線轉番輕鐵的話
即係令到天水圍北特快出天水圍南(西鐵線)服務冇咗
天水圍北距離西鐵線又遠,輕鐵本身亦受制於路軌
唔可能好似馬路咁"有彎轉"
而且K76行天影路,簡直就係點到點服務
若果搭輕鐵的話真係唔敢想像情況會點

K76點轉輕鐵?
天水圍都無外圍輕鐵支線, 點轉輕鐵?

K76一係保留, 一係取消, 唔會有第3個可能.

都係個句啦, 如果無左K76, 西鐵只會少左客,
因為班客會轉投巴士的懷抱.

唔該44屯碼至市中心(經屯門公路特快)合法化至好同我講506轉番做輕鐵!
輕鐵又慢,落車又唔方便,尤其是屯門站及市中心站,市中心落車唔洗行樓梯,
但輕鐵上落一定要!