閒談:深夜壞車.

好日都唔會夜歸,更甚少坐深夜紅頂.
琴日落西環找fnd,跟住坐筲基灣van出鵝頸橋轉富山van回鑽石山.
問題就出係第二程,架富山線石仔去到華潤上橋u turn車底轟一聲,跟住有幾下支支聲,
架車都叫行到.就落紅隧.
去到世界大酒店外, 果隻支支聲又來.
落紅磡條單程單線隧道,架車引擎聲正常,但架車好似開始失速.
落到隧道底正中架車就停左係度.但個司機比油仲聽到engine係正常行車聲.
後面塞左幾架的士同紅頂比人boot到飛起.後車司機係咁鬧叫我架車乘客落車推車.
大哥,一來架車唔係冇電死火.二來前面係上斜.推車架車溜番落來死人架.冇人采佢.
我架車個司機用call機求救但最近果架都係九龍仔仲有半車客.
單程路塞死晒.後車群唯有冒險一架一架後波沿路出番去.
聽call機對話,架車似係死左極瀝子,但我個人覺得係傳動軸甩牙/斷左.
因為果下巨響係車底門位傳出來.

之後個司機算好態度回水13元正(乘客笑話:過左海都比原價算賺左)
最後同另外4個乘客夾的(合法泥蜢的),尾站觀塘(事後諗緊點解富山車會有觀塘客.懷疑比佢揾左全車笨)
位位夾20蚊.....倒洩7蚊....
另貼手機劣相一幅作記錄.

部車係咩車牌呀??
呢種情況如果係引擎俾油暢順但部車唔郁
多數都係壞波箱同極力子
不過如果波箱散o左, 即使俾油
都會有好多雜聲

臨時臨急睇唔切乜牌...
好似係部LY牌低背凳冇安全帶短陣石仔.仲好似有荃灣線紙牌.不過唔記得喇.
仲以為係傳動軸斷左.
原來真係極瀝子/波箱

*比油冇雜聲.得車底支支聲.到死左車後支支聲都冇埋...好清Engine聲

[ 本帖最後由 cn2661_2d32 於 2009-7-5 01:11 編輯 ]

搭小巴壞車比較小遇倒
我前晚搭天水圍通宵van出旺角時壞車，架車去到汀九同落麗城個分叉路口時開始跑馬仔，愈跑愈勁，司機call上台，個台話冇計，叫佢渣柔d，跟住司機應機話咁行到死火為止。講完冇耐，跑馬仔愈跑愈勁，慢慢跌速，最後去到汀九巴士墮橋位轉低一波果陣，踩極力子就死火了，半夜兩點在屯公世紀車禍位欣賞左汀九橋美景十分鐘...

過完車後聽倒對講機內既對話，壞車司機話部車冇入氣，又話部車冇晒水，電池燈又長著，嗌晒救命咁，但個上台叫佢自己執生...     等過車時坐在車上，見倒架小巴車頭被白煙包圍著，好大燒焦味